TITUS 2:8 - DAÜLANGPÜ LAIHING (BSI)

⁸ hatü meipü shah mechemao nyonghününg neaok; shejüang jen kü khüpüthüi ten ehen meheyao neshiüi jom veühen.

TITUS 2:8 Referans Kwoze

1 PETER 2:12

Kung am touei ammi dhüm kohshi düktuh; jomi am kü ten dükpü am shei ejao büpa shahphenhen yiüshingkü jomi ammei dhüm kohbenüng doumei eeyei Kahvang müknyinshekhanghen.

1 PETER 2:15

Mehenangkü jiüpü dükpü homei ngapathüi nenyingi epü ammi nentükhühen hapayü Kahvangi mongpü nyüke.

1 PETER 3:16

Shejao hapayü inyainyempai dhüm kohshi etuh. Am kü yaüpüthüi ammi Khrista kü doumei dükpü eeyei thaüvaüpüthü veühühen shingvaishi ammei chudeih mongdeih daülangi tuhtuh.

1 TIMOTI 6:3

Jenei Shembüpa Jisu Khristalei meipü shahthü hatü Kahvang nyingpü lem kü nyuhpüvenpü kü nejiüi lemhük kei üami nyuhnya,

2 THESALONIKA 3:14

Shennyak hanei ami hami ha lai kü nyangpü shah nebangjema, büpa meishi veiyei tuhtuh. Büpa veü nyemdangnüng ammi büpa mü tejemtei.

NEHEMIAH 5:9

Hanangkü shao ngei jom kü, “Ammi mehe düknya hayü nejiüang. Jenei vepa jatthüi ne-ienelempü neponghen shangmü ammi jenei Kahvang nyempü kü nekamhen je?

ISAIAH 66:5

Am üami Shembüpalei shah kü nyemnya, büpalei shah bangtuh: “Ammei jeihinaüthü üami am kü jiühitnya, hatü ngelei men kü amphong laktük hathüi eteke, ‘Hami am mongongpü eehen shingvaishi Shembüpa müknyinshekhanghütuh’ shejao jomphongü veühühen.”

1 TIMOTI 5:14

Hanangkü vaümnyü naüeethüyü shem yemei, hapeü angei laophülei shemong lingei nyemnyu shei deihnyüke; shejüang vepathüi jen khüei ten ehen lem nedanghen.

LUK SHAHSHA APPÜ 13:17

Mechem büpai ha epa, büpa khüpüthü peü veü dang, shejao khongnyü kempai büpai dükpü yashanpü douthü kü mongong.

MARK 12:34

Mechem Jisui hapa shennyaki sholi kohshi lahpü eepa, büpai büpa kü, “Nüngü Kahvang ongching kübü taishi neshiü” shei e. Hapheikü üpaiyao büpa kü shah phehen mong nelong.

MARK 12:32

Hahepak kü shahkung nyuhbüi büpa kü, “Nyuhbü, nüngi, ‘Kahvangü büpa mon, hatü büpa mü lenei lebü neshiü’ shei epeyü jiüshi eteke,

MARK 12:28

Shahkung nyuhbüthü khongkü hük büpa yopailei heih, hatü jiji hüki hük mü shah dakteipü dan, hatü büpai hathü meishi lahpü eeyei büpai büpa kü, “Shahkungthü khongkü shongpü shongnyü shahkung mepaang?” shei phe.

MARK 12:17

Jisui jomphong kü, “Mehe ongpalei nyu, ha ongpa kü shuohtuh; mehe Kahvangei nyu, ha Kahvang kü shuohtuh” shei e. Hanangkü jomphong longi yashan.

TITUS 3:14

Nyihjeih nadang lanaokhen shingvaishi, hatü meheyao nanglei neshiüi nenyuhen shingvaishi doumei kü lanei shuoh-ei dükhen nanglakthü kü nyinghütuh.