TITUS 2:12 - DAÜLANGPÜ LAIHING (BSI)

¹² Hapai jen kü Kahvang nenyingpü yangnyu, kahdoknyü lümpü vaüpü kübü yanhen nyuhnyüke, hatü shaangpü den kü ungei-aeipü yangnyu, kangshangpü hatü Kahvang nyingpü yangnyu nyuei,

TITUS 2:12 Referans Kwoze

EZEKIEL 36:27

Ngei am kü laangha ja hük shihphahen, hatü ngelei shahkungnyü kü mühühen, hatü ngelei vanglem noteihen kenhinghühen.

MATHI 16:24

Hahepak kü Jisui büpalei nanglomthü kü e, “Hanei ami ngei phei mühüjema, büpai laophü nang betüktuh hatü laophülei shophang paitü ngei phei mükei.

ROM SHAHSHA APPÜ 6:19

Ammei nyingnyoi yangnyu wong nekohpü nangkü ngei hangkulei shah-e vanglem aimü enyeih. Mehenangkü chem hepak kü ammi ammei phaihan nedaünelangpü hatü longpüba mangei aa vaihen shingvaishi shuohpükei shaang daülangshemshepülei aa vaihen nangkü daütükhen shingvaishi ammei phaihan shuohtuh.

MENVIH KESHO 4:3

Shembüpai daülangpüthü laophü shing jepeih shei nyingtuh; Mechem ngei büpa kü nyükhen, Shembüpai ha dannyeih.

2 PETER 2:9

shejema, Shembüpai mekei etü Kahvang nyingpüthü dokpü kübü yanglanghen nyingei nyüke, hatü shahphenpü nyih mangngoi thahshi nedaünelangpüthü hanghi kü tuhhen,

1 JOHAN 2:6

Üami, “Ngei büpa kü nyunyeih” shei enya, hathüyü büpai kampükei kamhen vongbong.

2 TIMOTI 3:12

Hingmei, üami Khrista Jisu kü Kahvang nyingpü yangnyu nyuhünya peüi shüveidoideipü ponghen.

SHAKEI VAMPÜ 14:12

Daülangpüthü üami Kahvangei shahkung bang, hatü Jisu kü hinglempü kü wongshongi shong, hathü kü munenhen thongnyüke.

LUK SHAHSHA APPÜ 1:75

hatü nyempü neshiüi daülangpü, hatü daülangshemshepü kü hamei nyihthü kemei büpa chongpho-aokhen.

1 THESALONIKA 4:7

Mehenangkü Kahvangi jenphongü nedaünelangpü kü nevai, shejao daülangpü yangnyu nyuhen nyükpeih.

TITUS 3:3

Mehenangkü jenao chemü ngapa, ven nedanpü, lawlüppü hatü yahhahhüpü hatü mongongmongle lemphülei aa vaishi nyuhampeih. Jenao ten dükpü, mükhakpü, jen kao jiühithahpü hatü jeni mih kü jiühitpü kü yangnyu nyuhampeih.

1 THESALONIKA 4:9

Shaang jeihinaü hatü nyahinaüthü bamteihen nangkü hami am kü nyanghen napü neshiü; mehenangkü am nyingi hüki hük mü bamteihen Kahvangi nyuhteke.

EPHESIA 2:2

hatü ha kü am nyuei, kahdoknyü mang lem kü müei, phumshang leipü ngan kü vanglem lembü phei müei nyu; hapa laanghai shaang ven nedanpüthü kü dou düknyüke.

ROM SHAHSHA APPÜ 12:2

Ammi hapa kahdoknyü kü tevukdai shejao ammei mong ja leipai jeilei yeiyatuh, shejüang Kahvangi mehe mong, mehe mei, mehe yah-aokbenüng hatü changpüshapü nyüpa, ha baong hanei nyingaokhen.

ROM SHAHSHA APPÜ 6:12

Hanangkü ammi mangi yahhüpü ven banghen mü mangi ammei didaihen büm kü vanglem telemhü.

MATHI 28:20

hatü ngei am kü epü lemphü dükhen jom kü nyuh-eishuoh, hatü kahdoknyü dohpü ngoishi ngei amphong mü düngei nyukahen.”

1 JOHAN 2:27

Am nang keyü ammi büpa leipü thiteiphupü dangpü ha am kü nyüke, hanangkü am kü nyuhhen üpayao nadang neshiü. Shejao büpai thiteiphupai dou peü am kü nyuhnyüke, hatü hayü shahhing, shahshem nevai, hatü am kü nyuhpükei shahhing nyüke; ammi büpa kü nyutuh.

2 PETER 3:11

Hanangkü douthü lemphü hapakei mahdaihen vaipü nangkü menüng keipü daülangpü hatü Kahvang nyingpü yangnyu ammi nyuei,

HEBREW 8:11

Jom hüki hük kü nenyuhteihen, nevaijü hüki hük mü, ‘Shembüpa nyingtuh’ shei ne-eteihen; Mehenangkü jom peü maanpü kübü longpü thahshi ngei nyinghen.

1 TIMOTI 6:17

Shaangpü kahdoknyü kü nyupü shemmeithü kü nechangmeihen, nevaijü shaang nyutü nenyuhen mop kü mongnelemhen etuh, shejao jen hüshemhen shingvaishi lemphü mop changshi shuohpü Kahvang kü monglemhen etuh.

1 TIMOTI 4:12

Nüngei nethe yangnyu kü üpaiyao ne-ienelemi tenohah, shejao epü kü, dükpü kü, bampü kü, hatü daülangshemshepü kü lappü hük nyutuh.

KOLOSI 1:22

Büpai shaang büpalei phai büm kü dipü homei mongjemhüteke, hatü hapayü amphong büpa touei daülangi, eela neshiüi hatü thaüvaühen neshiüi nyuhen shingvaishi nyüke.

GALATIA 5:24

Üamphong Khrista Jisulei lompü vainya, phai-i lümpü hatü yahhüpü peü shophang kü aptükteke.

GALATIA 1:4

Hapa nemeipü denhivan kübü jen bümei leihühen tata kü jenei Pa Kahvangi mongpükei jenei mang shingvaishi Khristai laophülei yangnyu shuohpeih.

2 KORINT 7:1

Bampü küphüthü, jen kü lahpü hathü nyupü nangkü jen nyingi büm hatü laangha nedaüpü peü kübü daüei Kahvang nyempü kü daülangpü changpüshapü leihüshah.

2 KORINT 1:12

Shaang ham changmeipü hatü hamei mongdeih denpeyü hapa hih: Hami hapa kahdoknyülei anyei vaishi am mü shahngai eshi, shüeinyiükei kahdoknyü kihikoni nevai, shejao Kahvang phahji homei nyupeih shei hamei mongi denpü shuohnyüke.

ROM SHAHSHA APPÜ 8:13

Mehenangkü amphong phai-i mongpükei nyujema, am dihen, shejao ammi Laanghai büm douthü jütükjema, am yemmü nyuhen.

PHONGSHANTHÜ DOU 24:25

Pauli shahhing epü, ungeiaeipü hatü ngoikahen shahphenpü nyih nang ejashingkü Felix nyemei pei, hatü, “Shaang shingvaishi hajük vaishah; ngei hepak meipü kü ngei nüng nyüknüng shomphahen hih” shei epeih.

PHONGSHANTHÜ DOU 24:16

Hanangkü ngei meiden doh-ei Kahvang hatü hangku touei düngei chudeih mongdang daülangi nyuhen khenyeih” shei e.

1 JOHAN 5:19

Jenphongü Kahvangei hapeüthü shei jeni nying, shejao kahdoknyü kemei kahshihlei ngan phangkü nyüke.

EPHESIA 1:4

Mehenangkü büpai kahdoknyü lingshekü büpa touei daülangi hatü eela neshiüi bampü kü nyuhen shingvaishi jen jepeih.

JOHAN 14:30

Ngei amphong mü hajük kü ahshi ne-ehen; mehenangkü hapa kahdoknyü vanglem lembü peikünyüke. Büpa ngei shak kü mehe wongao neshiü;

JOHAN 6:25

Mechem jomi yungdangei Jisu heüpa, jomi büpa kü, “Nyuhbü, nüng hatouei mechem heihpa?” shei phe.

LUK SHAHSHA APPÜ 1:6

Jijinyiphen Kahvang touei daülangi nyu, hatü Shembüpalei shahkung hatü vanglemthü aimü eela neshiüi nyu.

MENVIH KESHO 105:45

Hathü kemei jomi büpalei shahkungthü banghen, hatü dükhen nangkü ha vampeih. Shembüpalei men longtuh.

JUD SHAHSHA APPÜ 1:18

mehenangkü jomphongi am kü, “Dohpü hepak kü mih vüshih-ei epüthü, Kahvang nenyingpü ten lem kü kampüthü vamkahen” shei eteke.

2 TIMOTI 4:10

mehenangkü Demas-i kahdoknyü bampü nangkü ngei tuhphongtü Thesalonikalei heihdaiteke. Krescens-ü Galatialei, hatü Titus-ü Dalmatialei heihdaiteke,

MATHI 12:32

Üami Shennyak Ha khüei shah ehenshang, ha mang tükhen, shejao üami Laangha Daülangpü khüei mang thahhen, hapa den nevaijü ngoikahen den kao mang netükhen” shei e.

1 TIMOTI 6:9

Shejao üami shemmei leihünya dokpü kü vühen, hatü nanglakthüi lomohpü hatü mahpü sholi neshiüpü hatü yemei dihen taikon kü mandainyeih.

JAKOB 1:27

Kahvang jenei Pa-i yahhüpü daülangpü hatü pungpü neshiüpü vaipü vanglemü hapa hih: hashihhathü hatü vaümnyüthü shanghahpü kü veihen hatü kahdoknyüi sheihtükhen kübü laophü yangei nyupü ha hih.