TITUS 1:3 - DAÜLANGPÜ LAIHING (BSI)

³ hepak jiüpü kü büpai chongvenpü homei büpalei shah shakei vamhü; ha shingvaishi yemleipü Kahvangei shahkung homei hapa kobü toueipü,

TITUS 1:3 Referans Kwoze

1 TIMOTI 1:11

hatü ngei kü shuohpü moihimanpü Kahvangei müknyinshekhang shahjangmei kü jiüshi nyuhpüvenpü meipü khüei nyupüthü shingvaishi shahkungü lingpeih.

1 TIMOTI 1:1

Paul, jen Yemleipüba Kahvang hatü jenei monglem Khrista Jisulei shahkung homei Khrista Jisulei phongshan toueipü,

TITUS 2:10

hatü jomei douhinang kü neyomyaihen, shejao hingshangi nyupü kü den ngoipü hatü changpüshapü huhen, shejüang lemphü kü Kahvang jen Yemleipübalei nyuhpüvenpü kü doumong leiaokhen.

TITUS 2:13

moihimanpü monglem hatü jenei longpü Kahvang hatü Yemleipü Jisu Khristalei müknyinshekhang shakei vamküpü danhen enyüke.

1 TIMOTI 4:10

Ha tata kü hami ponghah-ei dou düknyeih; mehenangkü ham monglempeyü hangku peü, anyei vaishi büpa kü hinglempüthü yemleipüba vanyangyem Kahvang kü tuh-ei nyüpeih.

1 TIMOTI 2:3

Hapayü Kahvang, jen Yemleipüba touei jiüpü hatü yah-aokbenüng nyüke,

1 THESALONIKA 2:4

shejao shahjangmei kohen Kahvangi mongei jepü shennyakthü keiha enyeih. Hami shennyakthü nevai, jenei mongdang dokpü Kahvang mongmeihühen khenyeih.

KOLOSI 1:23

Hanangkü ammi vangsho phang kübü hangkuli peü kü baongpü shahjangmei homei lahpü monglem mepa ammi dan, ha kübü nemoiloi-i hapa kü nedoh-i chongwongei vaipü kü wongshongi nyutuh. Paul, ngeiyü hapa shahjangmeilei chongphobü leipeih.

KOLOSI 1:6

am touei peipü homei danei nyüke. Kahdoknyü kempülei hapai betjük jükei longpü keiha ammi ha danpü nyih kübü amphong touei hapa shahjangmei-i betjük jükteke, hatü hingshangi Kahvang phahji nyingteke.

EPHESIA 2:17

Hanangkü büpa peiyei am taishi yandaipüthü hatü yoshi nyupüthü kü chingmei baongpeih;

GALATIA 4:4

Shejao mechem jiüpü hepak lomei peipa, Kahvangi shahkungnyü phangkü nyüha hüki bühhüei laophülei Ha shom.

1 KORINT 9:17

Ngei hayü ngei nyingi mongei dükjema, ngei shing laklei nyüpeih; shejao ngei nyingi mongei dükpü nevaijema, ngei kü kangpü dou hük shuohpü khih.

ISAIAH 45:21

Shahphen shingei peiyei ammei nang etuh: jom chemi shahnying meipü yemtuh! Hapa vamkahen shei üpai shelei mebü teteivanpa? Peihdaipü hepak kübü-üng üpai hapa ehampa? Hapayü ngei, Shembüpai ephei nevaipü je? Ngei mü lenei daülangpü hatü lebü yemleipü Kahvang neshiüpih; Ngei mü lenei lebü üpaao neshiü.

PHILIPPI 1:13

Ha tata kü ngei Khrista shingvaishi khoklatei nyüke shei ongshem kempülei hatü shennyakthü peüi nyingdaiteke,

ROM SHAHSHA APPÜ 16:26

shejao shaang shakei vam, hatü ven danei hinglempü kü mühen shingvaishi vanyangyem Kahvangei shahkung aimü thihivamthüi nyangpü homei Kung am peü kü nyinghütepa,

ROM SHAHSHA APPÜ 15:19

Nyangeihepü hatü yashanpü nganthü homei; Kahvang Laangha nganthü homei Jerusalem kübü daiyei Illirikum shinpü thahshi kü ngei Khrista shahjangmei changshi baongtepih.

ROM SHAHSHA APPÜ 5:6

Mechem jen wong nekoh-i nyupa, hepak jiüpü kü Khrista mangthü shingvaishi dipeih.

PHONGSHANTHÜ DOU 17:26

Bü hük kübü büpai jatthü peü kahdoknyü kempülei nyuhen lingpeih, hatü büpai jom nyuhen hepak hatü jom nyuhen shing kü viong lingei hanpeih.

PHONGSHANTHÜ DOU 10:36

Büpai Israel nanglakthü touei Jisu Khrista homei chingmei chongvenei shompü shahjangmei ammi nyingei nyüke– büpayü peüei Shembüpa.

LUK SHAHSHA APPÜ 1:47

hatü ngelei laanghai Kahvang, ngei yemleipü kü mongongnyeih;

MARK 16:15

Büpai jomphong kü, “Kahdoknyü peü lemei daituh hatü hangkuli peü kü shahjangmei chongventuh.

MARK 13:10

Shongpüba kü jat peü touei shahjangmei baonghen.

HABAKKUK 2:3

Mehenangkü ittükpü hepak shingvaishi shao-üng manghkhang hük nyüke; Hapayü dohpütenpü nang enyüke; hatü ha shahshem nevai. Hapayü pheidaijoong dantuh, hapa hingmei jiüshasha, nepheidaipih.

DANIEL 11:27

Hahepak kü ongpa nyi nükdü hük kü hahhen chemi uohen, shejao jomi hüki hük khüei ten temhen, shejao jomi napeyü aokpü nedanghen; mehenangkü ha shing ittükpü hepak shao-üng mangngoi.

DANIEL 9:24

Hapta pejempüanü nüngei nanglakthü hatü ammei chingnyü mang dükpü kübü dohdaihen, mang mahtükmentükhen, mang yaktükhen hatü nedohnetenpü daülangshemshepü hatü shahhing koei peihen, manghkhang hatü thihivam shah dhaümhen hatü daülangpü Phopshem thiteiphuei daühen shingvaishi epü khih.

DANIEL 8:23

Jom vanglem lempü dohpü phikü mechem jomei mangi üng lümhenshang, monglongpü, mong vaanpü, lupülempü ongpa hük vamkahen.

ISAIAH 45:15

Hingmei, nüngü laophü nyingi joshi nyupü Kahvang khih; Oh Israel Kahvang, Yemleipüba.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

SHAKEI VAMPÜ 14:16

Hanangkü phum kü uopübai kahdoknyülei hahvet longkhoih lüei shanshih-ei kahdoknyü vetlang.

EPHESIA 1:10

Hapa küpjanü mechem ha vamhen hepak ngoihenshang, Khrista shangjing vaitepü büpa kübü douthü, vangsho hatü kahdoknyü kübü douthü kemei thailanghen.

MARK 1:15

hatü, “Hepak ngoiteke, hatü Kahvang ongching yopailei nyüke; mong lepei shahjangmei kü hinglemtuh” shei e.

ROM SHAHSHA APPÜ 16:25

Shaang büpa, üpai ngelei shahjangmei aimü, hatü den luangi joshi angpü shahjo shakei vampü aimü Jisu Khrista jung baongpai am wong kohhühen aok,

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.