TITUS 1:11 - DAÜLANGPÜ LAIHING (BSI)

¹¹ Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

TITUS 1:11 Referans Kwoze

2 TIMOTI 3:6

Jomphong khongkü haneiyü shemthülei peiyei wong nekohpü nyühathü yepei yahtü jomei mang hanggo kohünyüke, hatü jomi lümpü lemphü lemei dainyüke.

1 TIMOTI 6:5

hatü sholi mongdang tendai, shahhing neshiüi düngei dokteikhaungkhei vamnyeih. Kahvang yempeyü mop danghen lem shei jomi deihnyüke.

ROM SHAHSHA APPÜ 3:19

Shahkungnyüi mehe enya, hayü shahkung phangkü nyupüthü kü enyeih shei jeni nyingnyüke, shejüang peüei ju nentükhen, hatü kahdoknyü kempü Kahvang touei shahphenhen.

TITUS 3:10

Hanteipantei vamhüpü shennyak kü chem nyipa shahvüng shuohtuh, hapheikü büpa mü meheyao te-etei.

MENVIH KESHO 63:11

Shejao ongpayü Shembüpa kü mongonghen; üami büpalei men kü lahnya mongonghen; mehenangkü shahshem epü juthü dohtükkemhen.

TITUS 1:9

Büpayü nyuhpüvenpü meipü yah-ei nyuh-aokhen, hatü hapa mü nejiüteipü yaktükaokhen shingvaishi nyuhpü aimü hinglemhen shah kü wongshongi shümpü shennyak vaihen vongbong.

TITUS 1:7

Mehenangkü attoi mübü hükü Kahvangei dou kü khei vaibü vaipü nangkü eela neshiüpü vaihen vongbong; büpayü changmeipü nevaijü mongshih lomi vampü nevaijü yiü chokteipü, nevaijü depülaopü hatü lop kü bampü nevaihen vongbong;

MIKA 3:5

Shembüpai thibüthü nang hapakei enyüke: “Ngelei nanglakthü lemnyong kü müpü thibüthü nangkü, hanei-i hahhen yahshuohjema, chingmei vangmei nyutuh” shei baongnyüke, Shejao üpai hapakei nedükshuohhen, büpa khüei vehokhen jomi temnyüke.

MENVIH KESHO 107:42

Daülangpüthüi ha eetü mongongnyeih; shejao nemeipü amei ju kümdainyeih.

2 KORINT 11:10

Khrista shahhing ngei kü nyupü nangkü ngei changmeipü hapayü Akhaia moidoi leiyao nedohhühen.

LUK SHAHSHA APPÜ 20:40

Hajük kü jomi büpa kü shah pheteihen mong nelong.

MIKA 3:11

Hapa chingnyü vanglem lembüthüi yawhdou shingvaishi shahphennyüke, haleipü ngongpathüi shünyü shingvaishi mon shahkungnyü nyuhnyüke, haleipü thibüthüi mop shing mon teteivannyüke; Shejao jom peüi Shembüpa jom mü nyüpeih shei enyüke. “Shembüpa jen mü nyüpeih, mehe shanghah vongshüh-ao nepeiküpih” shei enyüke.

EZEKIEL 16:63

Ammi dükpü mang kemei ngei am kü tükhen shejao ammi hathü deih-ei veüpai ju neka-aokhen” shei Shembüpa Kahvangi enyüke.

EZEKIEL 13:19

Nük lakbaoh hük nangkü hatü aan bhaok hük tata kü ammi ngelei nanglakthü touei ngelei men yaüteke. Dihen nejiüpüthü jütük, yemmü nyuhen neshangpü yemmü tuhnyüke. Ammi ngelei nanglakthü kü shahshem enyüke hatü jomi ha kü hinglemnyüke.”

JEREMIAH 8:10

Hanangkü ngei jomei nyühathü mih kü shuohtükhen, jomei kahthü jom hahpü am kü shuohtükhen; mehenangkü maanpü kübü longpü thahshi shahhing ne-epü mop yemnyüke; thibü kübü ngongpathü thahshi peüi shahshemi mon düknyüke.

JOHAN 10:12

Üpa mi yombü nevai, shejao lathahbü mon hatü laophülei mi nenyu, büpai shahhishuw peipü eeyei mithü mon tuhphongtü mokdainyeih, hatü shahhishuw peiyei jom shüknyüke hatü yantüknyüke.

MATHI 23:13

Am akhümmong-üm shahkung nyuhbü hatü Phariseethü, onyükei! Mehenangkü ammi shennyakthü neshühahhen mü vangsho ongching küptüknyüke, hatü am nyingiyao halei neshünyu, hatü mih shühenao nehannyu.

1 TIMOTI 5:4

Shejao hapa vaümnyü mü hapeü hüpeüthü nyujema laophülei shemongei shong vaipü dousho düktuh, hatü hapakei nyühipa, bihibüthü kü nyokei düktuh; mehenangkü hapayü Kahvang touei mongongbenüng.

1 TIMOTI 5:13

Ha mü lenei jomphong nehetnewong, shem kü longteiyei, jom nehetnewongpü mon nevai, shejao mihla eyei, shing nenüngi ne-ehen shah eyei longteinyüke.

2 TIMOTI 2:18

jijiyü shahhing yakphongtü vaipüthü hanei mongshanghüei yangei leipeyü dhaümei landaitih shei enyüke.