SOLOMONEI KESHO 2:3 - DAÜLANGPÜ LAIHING (BSI)

³ Yinghilong chi kü apple pü hük nyupü keiha ngei bampüba nethethü chi kü nyüke. Ngei hapa püdhüm phangei uohen mongongnyeih, hatü jepei veijü hapalei betjükü vüngshi shüke.

SOLOMONEI KESHO 2:3 Referans Kwoze

SOLOMONEI KESHO 8:5

Bampünyü kü khaaitü yingmong leipü aongküpü üpaang? Apple pü phangei ngei nüng kü phokpeih, halei anyüi nüng ko, hatü bühpeih.

ISAIAH 32:2

Jom peüi vanglük kü joshing keiha, hatü yinglükpalei kü sho joshing keiha, kahngadok kü yung shapü keiha, hatü kahvan kahdok kü yaongnyü dhüm keiha nyukahen.

ISAIAH 25:4

Nüngü taopathülei loishing meipü, hatü nehahneyingpüthü shanghah shingkü nüng jomei loishing. Baihivang hatü nyahpüshampü kü nüngü loishing hatü dhüm nyuteke. Mechem nemeipüthüi ünyü hepak kübü vang keiha ching hahpa,

HEBREW 12:2

Jeni Jisu kü mük neshai-i veishah. Büpayü jen hinglempü kü shongpü hatü changpüshapüba. Büpa shekü temei nyupü mongong men kü shophang veüpong munenei Kahvangei ong uoshing kü lakdah philei uoteke.

EZEKIEL 47:12

Hapa yungyen yungkung nyiphen kü hahying vaihen pülem longi vamhen. Hathülei lak nekaudaihen, betjük nejüki nenyuhen, shejao hathü shing yungü phopshem leipü yenpü nangkü len ieyei betjük meipü jükhen. Hathülei betjük hahying vaihen, hatü hapalei phenlak meli vaihen.”

ISAIAH 4:6

Hapayü nyihnüng hebaongwong kü dhüm keiha, hatü yinglükleisho hatü baihivang kü loishing meipü kei nyuhen.

ISAIAH 4:2

Hapa nyih kü Shembüpalei pükao nethe meishi hatü müknyinshi nyuhen, hatü kahdok kü vampü betjükü Israel am aopüthülei mongong hatü müknyinshekhang nyuhen.

SOLOMONEI KESHO 5:16

Büpai shah-e ngeüsheipeyü vüngnyangi, büpayü dhaomü lümao lümi nyüpeih. Hapayü ngei bampüba, hatü hapayü ngelei küphü, Oh Jerusalem nelathü.

SOLOMONEI KESHO 4:16

Paotuh, pelük, hatü peikei, aplük! Vong meipü peülei daihen shingvaishi ngelei pe kü lüktuh. Ngei bampüba büpalei pemongei peiyei haleipü betjük meipü nyemhah.

SOLOMONEI KESHO 2:5

Nyalingngupai aani ngei wong kohhütuh, apple betjüki ngei thahümahütuh; Mehenangkü bampü youngi tüngnyüpeih.

MENVIH KESHO 91:1

Am üami Jaipüba kü loishi nyunya, üami Jeiyong Kahvangei vangdhüm phangkü nyunya,

MENVIH KESHO 89:6

Vangsholei nüng mü shetteihen üpa nyüpa, Shembüpa? Vangsholei nyupüthü Shembüpa kei üpa nyüpa?

MENVIH KESHO 57:1

Ngei kü phahjishih, Oh Kahvang, ngei kü phahjishih; mehenangkü nüng kü ngelei laangha loinyeih; nüngei yangkaok dhüm phangkü ngei loihen, mangpü yinglükpalei mangpeihkem thahshi.

MENVIH KESHO 45:2

Nüngü peü mü nethe meipüba; nüngei ju kü phahji shah maei nyüke. Hanangkü Kahvangi nüng kü den kü moihimanteke.

SHAHPHENBÜTHÜ 9:15

Hahepak kü daümnyak hüh-i, ‘Hingmei amphongi ngei ong nyemvaikei shei deihjema peiyei ngelei dhüm kü loituh; hapakei nevaijema daümnyak hüh kübü aw vamei Lebanon kübü cedar püthü hahtükkemtuh!’ ” shei eteke.

SOLOMONEI KESHO 1:16

Oh ngei bampüba, nüng mekei nethe meipüang! Mekei bamhübenüngang! Jiei lüngü thüngkon shang keiha,

SOLOMONEI KESHO 4:13

Nüngei sheilithüyü pomegranat pemong kei, meipü betjük jüknyüke; Yingmong shaanchü hatü vong meipü püthü kohnyüke,

SOLOMONEI KESHO 7:13

Yingmong chüi vong meipü shuohnyüke, hatü jenei shadenei betjükvungjük lemphüli, chang hatü ja kemei nüng shing tuh-ei nyüpeih, Oh ngelei bahapa.

SOLOMONEI KESHO 8:11

Baal-Hamonlei Solomonei nyalingngupai kah hük nyuteke; Büpai hapa nyalingngupai kah yombüthü kü shuoh; Ngin haja hük baong koei peiyei shuohhen mü nyuteke.

SOLOMONEI KESHO 8:12

Shejao ngelei lompü nyalingngupai kah-ü ngei shing; Oh Solomon, nüngi haja haja yahhen aokpeih, hatü betjük yompüthü lop kho nyi yahhen.

JOEL 1:12

Nyalingngupai vü vandai, hatü adhapüthü kaudai; Pomegranat, palm hatü apple kah kübü betjük peü didaiteke. Hingmei, shennyakthülei mongong mongle mahdaiteke.

MENVIH KESHO 45:3

Nüngei yanlu laaptuh, Oh wong kohpü ongpa; nethe meipü müknyinshekhang ow owtuh.