SHAKEI VAMPÜ 3:3 - DAÜLANGPÜ LAIHING (BSI)

³ Ammi mehe yah hatü dan, ha deih-ei dangtuh; hapa ven bangtuh hatü mong leptuh. Am shipü kübü nepaojema, ngei gühpa hük keiha peikahen, hatü ngei mepa hepak kü peikahen ammi nenyinghen.

SHAKEI VAMPÜ 3:3 Referans Kwoze

SHAKEI VAMPÜ 2:5

Mepa kübü am vüei nyüpa, ha deih-ei dangtuh; mong leptuh, hatü ammi shongei dükpü dou düktuh. Hei nevaijema ngei am touei peiyei ammei awdük vangngai ha shing leipü yahlanghen.

2 PETER 3:10

Shejao Shembüpalei nyih gühpa hük leshi peikahen, hatü hapheikü vangshothü ngeü longpü mü peihdaihen, hatü vangsho leipü douthü kemei awi hahtükhen, hatü kahdoknyü hatü haleipü lemphü shamtükhen.

1 THESALONIKA 5:2

mehenangkü Shembüpalei nyih-ü yanüng gühpa hük peipü keiha peikahen shei ammi meishi nyingei nyüke.

SHAKEI VAMPÜ 16:15

“Veituh, ngei gühpa hük keiha peikünyeih! Üpai thaeimaei owhiai temtü nyu, hatü bümkong veübenüng nehu-i dai moihiman.”

MATHI 25:13

Hanangkü thaeimaei nyutuh; mehenangkü amphongi nyih hatü hepak jung nenying.

HEBREW 2:1

Hanangkü jeni mehe dan, ha kübü yanei nedeilanghen shingvaishi jeni longi kenhingei mong shuohhen khih.

1 TIMOTI 6:20

Timoti, nüng kü mehe kophopa, ha yomtuh. Ten vapvappü, hatü mepa hanei ami pungei, “Kihikon” shei eshi neshetnephen ngashah shükteinya, henüng kübü khaatdaituh;

MARK 13:36

hei nevaijema büpa ngangahük kü leishingkü am shishi nyuhen.

MARK 13:33

Lituh, thaeimaei nyutuh; mehenangkü hepak mechem ngoikahen ammi nenying.

EZEKIEL 36:31

Shejüang ammi ammei mang lemthü, hatü ammei mang douthü deih-ei danghen, hatü am nyingi ammei mang hatü jiühitpü douthü kü jiühitkahen.

SHAKEI VAMPÜ 3:19

Üam kü ngei bam, hathü kü loknyeih hatü hanghi shuohnyeih. Hanangkü am maanpü leituh hatü mong leptuh.

2 PETER 3:1

Bampü küphüthü, shaang hapai nyipabü lai ngei am kü nyangnyeih. Ngei ha lai nyiyü am kü kenhingmongha chudeih vamhen nangkü deihhen shingvaishi ngei khenyüpeih.

SHAKEI VAMPÜ 3:11

Ngei lomi peikünyeih, hatü ammi ammei lakei mehe nyu ha kü wongshongi shümtuh, shejüang üpaiyao ammei athen neyahlanghen.

SHAKEI VAMPÜ 2:25

Ngei mangyiükei thahshi ammei lakei mehe nyu, ha kü wongshongi shoungtuh.

2 PETER 1:13

Ngelei hapa büm yem nyupü thahshi am kü ha douthü deihhühenü jiüpü khih shei ngei deihnyüke.

2 TIMOTI 1:13

Khrista Jisu kü nyupü hinglempü hatü bampü mü nüngi mepa ngei leipü nyuhpüvenpü meipü dantepa, ha kü wongshongi shoungtuh.

EZEKIEL 20:43

Halei ammi ammei lemthü, hatü ami sheihtükpü douthü peü deih-ei danghen, hatü ammi dükpü mangthü deih-ei am nyingi jiühitei deihkahen.

SHAKEI VAMPÜ 3:2

Paotuh, mehe aoei nyu, ha didaishekü wong kohhütuh; mehenangkü ngei ammei douthü Kahvang touei den ngoiyei ne-eeang.

SHAKEI VAMPÜ 22:7

“Veituh, ngei lomi yiükünyeih! Üpai hapa lai kübü thihivam shahthü bangei notei moihiman.”