SHAKEI VAMPÜ 2:9 - DAÜLANGPÜ LAIHING (BSI)

⁹ Am ponghahpü hatü am taopünangpü ngei nyingnyeih, shejao amü shemmei khih. Üami jom nyingi Jehoda am hih shei enya, shejao nevai, jomi yaüpülungpü ngei nyingnyeih, shejao jomphongü Satanei Sinagog nyüke.

SHAKEI VAMPÜ 2:9 Referans Kwoze

SHAKEI VAMPÜ 3:9

Ngei, Satanei Sinagog, üami Jehoda am hih shei enya, shejao nevai, hatü shahshem epüthü nyüpa, ngei jomphong deiyei ammei la tüngei aümei khümhühen, shejüang ngei am kü bamnyu khih shei jomi nyinghen.

2 KORINT 8:9

Jenei Shembüpa Jisu Khristai nekaungi shuohpü ammi nyingei nyüke; büpa shemmei vaijao büpa taopa leipai am shemmei leihühen shingvaishi ammei men kü büpa taopa leipeih.

ROM SHAHSHA APPÜ 9:6

Hapayü Kahvang shah aokpü nedangpü nevai. Mehenangkü Israel am peü hingshangpü Israel am nevai,

2 KORINT 6:10

mongmangnyu kei shejao düngei mongong kü, taopathü kei, shejao longi shemmei kei, meheyao ne-angnyu kei shejao lemphü angpükei nyunyeih.

1 TIMOTI 6:18

Doumei dükhen, doumei kü shemmei leihen; nekaungi mih mü hanteihen temei nyuhen etuh.

LUK SHAHSHA APPÜ 4:18

“Shembüpalei Laangha ngei kü nyüpeih, mehenangkü büpai ngei kü taopathü kü shahjangmei kohen thiteiphuei jepeih. Büpai ngei khoklatei nyupüthü kü bümei baonghen, mükphüngpathü kü mük aphen, hatü hanghipüthü bümei leihühen,

SHAKEI VAMPÜ 2:2

“Ngei ammei dou hatü ammi khe-ei dükpü, hatü am munenpü ngei nyingnyeih. Ammi nemeipüthü kü veishi nenyuaoknyu shei ngei nyingnyüpeih; ammi phongshanthü hih shei epüthü dokei veiteke shejao jom nevaiang, hatü jomü shahshem shei dangaokteke.

LUK SHAHSHA APPÜ 6:20

Hapheikü büpai nanglomthü kü ngangei veitü ha eteke: “Am taopathü moihiman, mehenangkü Kahvang ongchingü amphongei.

ROM SHAHSHA APPÜ 12:12

Monglempü kü mongongtuh, shangpongpü munentuh, phoppü kü nyakeikentuh.

ROM SHAHSHA APPÜ 5:3

Ha mon nevai, shejao shangpongpai munenpü vamnyeih shei nyingei jeniyao jen shangpongpü kü changmeinyeih,

1 TIMOTI 1:13

Chem ngei büpa kü ten eyei, shüveipü am, hatü iy-aongmashahüpü am nyu, shejao ngei kü phahji hupeih; mehenangkü ngei ha nenyingi hatü hingnelempai dükteke.

1 THESALONIKA 3:4

Jen shüveidoideipü ponghen shei hamphong am mü nyushi yeihshi am kü etepih, hatü ammi nyingei nyupükei ha vampeih.

2 KORINT 8:2

Jom kü shangpong longpai dokshingkü jom longi taolangmao jom nyeishi mongongpai nekaungi moila longi shuohteke.

ROM SHAHSHA APPÜ 8:35

Khristai bampü kübü üpai jen yantükhen? Hapayü ponghahpü nevaijü shangpong, nevaijü shüveidoidei, nevaijü shaühile, nevaijü bümkong nyupai, nevaijü vongshüh nevaijü vehoki hiang?

SHAKEI VAMPÜ 7:14

Ngei büpa kü, “Longpüba, nüngiang nyingei nyüpeih” shei ngei jangei e. Hahepak kü büpai ngei kü, “Hathüyü shüveidoidei longpü kübü yangei peiküpüthü khih; jomi jomei bhagthuh Mi Chehalei iy kü dhotüktü shotoh-i leihüpü khih.

LUK SHAHSHA APPÜ 22:65

Jomi büpa kü lebü yaüshah longi e.

LUK SHAHSHA APPÜ 12:21

Hanangkü laophü shing mop yowtü Kahvang touei shemmei neleipüthü hapakei nyuhen” shei e.

ROM SHAHSHA APPÜ 2:17

Shejao am nyingi Jehoda am shei nyükhahtü shahkungnyü kü mongnyangtü Kahvang mü shenteipü nangkü changmeijema,

PHONGSHANTHÜ DOU 26:11

Hepak longshi shingkü ngei Sinagog hük leipü hük thahshi jom hanghihühen longteihampeih, hatü jom vaipü jom nyingi sheyü nevaipih shei ehühen ngei khehampeih. Ngei ahshi-üng jom kü mongshihpü nangkü ngei jom hanghihühen nangkü mih kung kahdok leipü chingnyüthü leiyao daiyei shüveihampeih.

PHONGSHANTHÜ DOU 14:22

Halei jiji-i vaipüthülei laangha wong kohhü, hatü “Shüveidoidei longi homei jen Kahvang ongchingei shüaokhen” shei vaipü kü nedoh-i nyuhen nangthongei e.

JOHAN 16:33

Ngei kü am chingmei nyuhen shingvaishi ngei hathü am kü etepih. Kahdoknyülei am shüveipü ponghen, shejao monglongtuh; mehenangkü ngei kahdoknyü aoktepih.”

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

SHAKEI VAMPÜ 2:24

Shejao am Thiatiralei nyupü lebüthü üami hapa nyuhpüvenpü kü neshoung, hatü üami “Kahshihlei chülohpü doujo” shei ehen nenying, am kü ngei enyeih, ngei am kü lebü hanggovih meheyao nekohüpih.