SHAKEI VAMPÜ 2:3 - DAÜLANGPÜ LAIHING (BSI)

³ Am munenpü hatü ngelei men kü tok vaipü ngei nyingnyüpeih, hatü am nenyiunenang.

SHAKEI VAMPÜ 2:3 Referans Kwoze

HEBREW 10:36

Mehenangkü ammi nenteiaokpü nadang; shejüang mechem ammi Kahvangi mongpü dükhen, mehe lah, ha ammi danghen.

HEBREW 12:1

Hanangkü jen shinei denbüthü khong longpü nyupü nangkü jen kü lem bangpü lemphü hatü jen kü yeppü mang peü yaktükshah, hatü jen sheshalei mokhen nyupü lemshong kü mong shuoh-ei mokshah.

GALATIA 6:9

Hanangkü mei dükpü kü jen netengshah; mehenangkü jeni dhaümshi dükjema ha vetshingkü jeni vethen.

KOLOSI 1:11

Amphong büpalei müknyinshekhang ngan kübü peipü wongi am wong kohhühen, hatü nenteiaokpai ammi lemphü munenhen temhen, hatü mongongpai,

JOHAN 15:21

Shejao ngelei men tata kü jomi am kü ha douthü dükphahen; mehenangkü üpai ngei shom, jomi büpa nenying.

1 KORINT 13:7

Hapai dou peü koaoknyeih, dou peü kü hinglemnyeih, dou peü kü monglemnyeih, dou peü kü munennyeih.

SHAKEI VAMPÜ 3:10

Mehenangkü ammi ngelei shah munenei bangteke; kahdoknyü kü nyupüthü peü touei dokhen hepak hük ngoikünyüke, ha dokpü hepak kü ngei am yangei tuhhen.

HEBREW 6:15

hatü hapa keiha Abrahami munenei danpü nangkü hapa lahpü dangpeih.

HEBREW 6:12

Am nehetnewongi nyemtenyu shei hami deihnyeih, shejao hinglempü hatü munenpüthü homei lahtükpü mükjüp dangpü am kei nyuhen nanyüpeih.

HEBREW 6:10

Mehenangkü Kahvangü shahhing ne-epü nevai; ammi shaang thahshi dükpükei ammei dou hatü daülangpüthü chongphoei büpalei men kü bampü hupü kü büpai am hei-üng nebetükpih.

1 TIMOTI 4:10

Ha tata kü hami ponghah-ei dou düknyeih; mehenangkü ham monglempeyü hangku peü, anyei vaishi büpa kü hinglempüthü yemleipüba vanyangyem Kahvang kü tuh-ei nyüpeih.

2 THESALONIKA 3:13

Jeihinaü nyahinaüthü, amphongi jiüpü dükpü kü teteng.

2 KORINT 4:16

Hanangkü hami mong nelainyih. Hamei shakdok büm viüei wong nekohjao hamei mongpa laanghayü nyihjeih ja leinyüpeih.

2 KORINT 4:1

Hanangkü hami Kahvang phahji homei hapa dousho dükpü nangkü hami mong nelainyih.

ROM SHAHSHA APPÜ 12:12

Monglempü kü mongongtuh, shangpongpü munentuh, phoppü kü nyakeikentuh.

ROM SHAHSHA APPÜ 8:25

Shejao mehe jeni ne-ee, ha kü jeni monglemjema, jeni ha nenteiaokpai dannyeih.

LUK SHAHSHA APPÜ 14:27

Üpai shophang paitü ngei phei nemü ngelei nanglom vainüng neaok.

MENVIH KESHO 37:7

Shembüpa touei nenmü nyutuh, hatü nenteipai büpa omdantuh; shennyakthüi laophülei lem kü aokpü dangpü eeyei, hatü nemeipü küpjanthü kü aokpü dangpü eeshingkü nüng mongteshang.

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

2 PETER 1:6

hatü nyingpü mü ungeiaeipü, ungeiaeipü mü nenteiaokpü, nenteiaokpü mü Kahvang nyingpü;

1 THESALONIKA 1:3

jenei Kahvang hatü Pa touei ammei hinglempü dou, bampü dou, hatü jenei Shembüpa Jisu Khrista kü wongshongi monglempü deih-ei dangnyeih.

2 KORINT 11:23

Jom mon Khrista chongphobüthü je? Ngei ngapa hük keiha enyeih– ngeiang meipüba hih. Ngei longi kheyei dou düktih, hepak longi kü khoklatei küptih, dihen mü longi üphahtih.

2 KORINT 5:9

Hanangkü hami hapa büm shem kü nyujao nevaijü yanei daijao büpa mong hahhühenü hamei mükhong.

ROM SHAHSHA APPÜ 2:7

Üami nenteipai mei düknya müknyinshekhang, dhüm hatü nemahnemenpü yangnyu yemnyüke; hathü kü büpai nedohnetenpü yangnyu shuohhen;

LUK SHAHSHA APPÜ 18:1

Hahepak kü Jisui jomphong kü düngei phophen hatü mong nemahhen vongbong shei shahlap hük eteke.

LUK SHAHSHA APPÜ 8:15

Shejao kahmeichong kü vüpeyü hathü, mechem jomi shah danhen, hingshangpai hatü mongdang meipai ha kü wongshongi shongnyüke, hatü nenteiaokpai betjük jüknyüke.

HEBREW 13:13

Shejema jenao baümtap haolei daishah hatü büpai nenpü shangpong koshah.

1 TIMOTI 5:17

Behethü üami meishi chongphonya, anyei vaishi chongvenpü hatü nyuhpüvenpü dou düknya, jomphongü lat shingnyi nyeishi danghen shangpeih.

2 THESALONIKA 3:8

nevaijü lop neshuoh-i hami üamei hahyingao nehah, shejao amphong üpa kao hami hanggovih neshuohhen shingvaishi nyakhingai thüngei hami dou dükpeih.

2 THESALONIKA 3:5

Shembüpai ammei mong Kahvangei bampü hatü Khristai shuohpü nenteiaokpü lemei nyemmüma.

1 THESALONIKA 2:9

Jeihinaü hatü nyahinaüthü, hami am kü Kahvang shahjangmei baongshingkü am üpa kao hanggovih nekohühen shingvaishi ham nyakhingai thüngei nyiueinangei dou dükpü ammi deih-ei dangtuh.

PHILIPPI 4:3

Hih, ngei am kao phenyeih, ngei mü pang hük paipü, hapa nyüha nyi kü sheühtuh; mehenangkü shahjang meipü dousho nangkü ngei mü jiji hatü Klement hatü chemi chongphopüthüi kheyei düktepih, hatü jomei men yangnyu laitap kü nyangei nyüke.

PHILIPPI 2:16

Ammi yangnyu shah kü wongshongi shoungpü homei ngei angsha kü nemok, nevaijü dou nedük shei Khristalei nyih kü ngei changmeiaokhen.

GALATIA 6:2

Hüki hükei hanggovih koteituh, hatü hapakei dükpai Khristalei shahkungnyü jiühünyüke.

2 KORINT 10:15

Mih-i düktükpü dou kü hami jiüpü mü lenei nechangmeinyih; shejao hami monglempeyü am vaipü kü dashingkü am touei hami dou dükpü nyeinya longhen,

2 KORINT 6:5

üphahpü kü, khoklatei, mophicheü kü, nyiuhinang kü, neshinechongpü kü, aeipü kü;

ROM SHAHSHA APPÜ 16:12

Shembüpa kü chongphopü Triphaena hi Triphosa nyi kü selam ete. Shembüpa kü kheyei dou dükpü bampü Persis kü selam ete.

LUK SHAHSHA APPÜ 21:19

Am munenpai ammei laangha yanghen” shei e.

MARK 15:21

Jomphongi ching leipü chingnyülei yiüjapü Cyrene am Alexander hi Rufus nyilei chepa Simon peijapü lemei pongei Jisulei shophang paihen nyeanteke.

MIKA 7:9

Shembüpai mongshih anpü ngei kohen; mehenangkü ngei büpa khüei mang thahteke, büpai ngei shing chingmeilemlingei dah shakei mangling thahshi ngei munenhen. Büpai ngei vangngai touei mühen, hatü büpa yemleipü ngei eehen.

MENVIH KESHO 69:7

Nüngei men kü ngei ne-ienelempü pongtepih, veüpai ngelei dhe jümlangteke.

1 THESALONIKA 5:12

Shaang jeihinaü hatü nyahinaüthü, üami amphong mü dou düknya, hatü Shembüpa kü am shak kü nyu hatü am kü vennya jomphong kü dhüm shuohtuh;

1 KORINT 16:16

Jeihinaüthü, hapa keipü shennyaki müpü pheikü dou dükpüthü peü mütuh shei ngei enyeih.

LUK SHAHSHA APPÜ 5:5

Simoni, “Shembüpa, hamphong vangnyak shang shepei paümpeih shejao meheyao neyepangpih. Shejao nüngi epü nangkü ngei shang shepshahma” shei e.