SHAKEI VAMPÜ 13:2 - DAÜLANGPÜ LAIHING (BSI)

² Hatü ngei eepü yemhayü shahnyü kei, hapalei layü sheptaolei la kei, hatü hapalei ju mailangei ju kei nyuteke. Dragoni hapa kü büpalei ngan, büpalei ong uoshing hatü wong longpü shuoh.

SHAKEI VAMPÜ 13:2 Referans Kwoze

SHAKEI VAMPÜ 20:2

Büpai Dragon, aivang biü, üpa kü Kahshih hatü Satan shei enya, yepei bong haja hük shingvaishi shatü,

SHAKEI VAMPÜ 17:12

Nüngi vaung an eepeyü ongching mangdangpü ongthü an nyüke, shejao jomphongi ong vaihen wong yemha mü chemi ghonda hük shingvaishi danghen.

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

1 PETER 5:8

Am nyingi ungei-aeituh, thaeimaei nyutuh. Ngüngei nyupü mailang keiha ammei vepa Kahshih am shonei hanei am lühnüng longteinyüke.

SHAKEI VAMPÜ 19:20

Shejao hapa yemha hatü hapalei shahshem thibü üpai nyangeihepü dou dükpü homei yemhalei füoshang shüngpüthü hatü hapalei lajei kü khümpüthü luhahpa, yeplangteke. Henyiphen awkaong meli kü bahpü aw shemyungei yemmü yepei shüktükteke.

SHAKEI VAMPÜ 13:4

Peüi Dragon kü khüm; mehenangkü büpai yemha kü büpalei wong shuoh, hatü jomi yemha kü khümei, “Yemha kei üpa nyüpa, hatü üpai hapa khüei hok-aokhen?” shei eteke.

SHAKEI VAMPÜ 12:15

Hahepak kü büpalei ju leipü biüi hapa nyüha bhongei nyemshanlang shei yungnyü büng kei yung bhaiyei ngaiteke.

SHAKEI VAMPÜ 12:13

Hanangkü mechem Dragoni büpa kahdokei vüshihteke shei nyingpa, büpai yeshang hapeü hük bühpü nyüha kü changteke.

SHAKEI VAMPÜ 16:10

Ngapübü vangsho phongshani büpalei nükshung yemhalei ong uoshing kü khüp, hatü hapalei ongching vangnyak kü hüngdai; tüngpai shennyakthü jomei yei kü ket,

AMOS 5:19

Hapa nyih-ü shennyak hük mailang kübü mokei daiyei sheptao pongpükei, nevaijü shemei leiyei bham kü laki shongshingkü biüikaokpükei nyukahen.

JEREMIAH 13:23

Ethiopia amei hangbong jeiaokhen je? nevaijü shahnyülei ow jeiaokhen je? Hapakei vailangmeyü ten dükei dhüdaipüthüi meiyao dükaokhen vaipeih.

JEREMIAH 5:6

Hanangkü phaü leipü mailangi jom jütükhen; bhih kahdok leipü shuwi jom hahtükhen. Shahnyü hük jomei chingnyü khüei danei nyüke; üam haleipü laoei daijahen khih mü shaaktükhen; mehenangkü jomei mang longi, hatü ven nedanpü ahshi longshi nyüke.

ISAIAH 5:29

Jomei ngeü mailang keiha, mailang cheha keiha jomi ngeü annyüke; jomi ngüngtü yemhathü yepnyüke, üpaiyao neyangaokhen mü jomi yah-ei lüdainyüke.

KANDOK 28:15

Ngüngei nyupü mailang, nevaijü kethen nyeandaipü sheptao keiha, taopathü shak kü nemeipü shennyaki vanglem lempü nyüke.

KANDOK 17:12

Meishi ngadaipü shennyak mü eteipü meyü cheha gühlangtü loh-ei nyupü sheptao pongpü-üng meipüba.

MENVIH KESHO 22:21

Mailangei ju kübü ngei yangtuh. Nyayalei vaungjaang kübü ngei yangtuh.

2 ONGPATHÜ 2:24

Büpai yaakei leiyei jomphong kü veitü Shembüpalei men kü jomphong kü thaüvaü. Hahepak kü sheptao chenyü nyi yingnyü leipü vamei bahanaüthü jom pinyipünyi thahshi shükei jütük.

HABAKKUK 1:8

Jomei koyeithüyü shahnyü mao shangshi moknyüke, het aeipü shuw mao mangpüba nyüke. Jomei koyei veshanthü tailu kahdok leipü peinyüke, jomü alang hahying kü laongpükei laongnyüke.

AMOS 3:12

Mi yombü hüki shahnyüi hahtükpü mi hükei la nyi nevaijü dhaong hük dangpü keiha, Israel am Samarialei nyupüthü üami uoshing phangei peekshi, hatü lüng phangei lemshi johen, jom mon yanghen.

HOSEA 11:10

Jomphong Shembüpa phei mühen, büpai mailang keiha ngünghen. Mechem büpa ngünghenshang, büpalei hapeüthü heshüphi kübü kheüei peikahen.

2 TIMOTI 4:17

Shejao ngei homei shahjangmei changshi baonghen, hatü Kung ami ha danhen shingvaishi Shembüpa ngei mü nyu, hatü ngei kü wong shuohpeih, hatü ngei mailangei jusha kübü yangpeih.

SHAKEI VAMPÜ 2:13

Melei Satan ong uoshing nyu, halei am nyupü ngei nyingnyeih. Shejao ammi ngelei men kü wongshongi shoungnyüke, hatü ngelei denbü Antipas, ngei kü hinglempü hük, Satan nyushing ammei chingnyülei jütükpü nyih kao ammi ngelei men kü hinglempü neyaktük.

SHAKEI VAMPÜ 13:12

Hapai shongpü yemhalei men kü wong peü noei dou dük, hatü hapai ma meidaipü shongpü yemha kü kahdoknyü hatü halei nyupüthü peüi khümhü.