SHAKEI VAMPÜ 13:1 - DAÜLANGPÜ LAIHING (BSI)

¹ Hapheikü ngei yungching leipü yemha hük vamkei-i ee, hatü büpa kü vaung an hatü shangjing nyet nyuteke, hatü hapalei vaung ieyei kü athen hükbaong thenshi nyu, hatü shangjing ieyei kü Kahvang kü thaüvaüdhemthepü menthü nyuteke.

SHAKEI VAMPÜ 13:1 Referans Kwoze

SHAKEI VAMPÜ 12:3

Hahepak kü shao vangsholei lebü nenyingaokbenüng nyangeihepü hük vam: Dragon hakla longpü hük shangjing nyet, vaung an hatü athen nyet shangjing ieyei kü athen thentü nyu.

SHAKEI VAMPÜ 17:3

Hanangkü büpai ngei laangha kü müei jahpanei dai, hatü ngei nyüha hük iyshüm kei hakpü thaüvaü men mon maei nyupü yemha dokshangei uoshi ee, hatü hapa kü shangjing nyet hatü vaung an nyuteke.

SHAKEI VAMPÜ 11:7

Mechem jomi jomei denpü shuoh-ei kemhen, shaongdoh neshiüpü kahsha leipü vampü yemhai jom mü vehok hokhen, hatü jom neü-ei jütükhen,

DANIEL 11:36

Syria ongpai büpa mongpükei dükhen. Kahvangthü peü mü büpa-üng longpüba shei changmeihen, hatü Jeiyong Kahvang khüei nyembenüng shah longi ehen. Kahvang mongshihpü hepak mangngoi thahshi büpai aokpü dangei ha dükaokhen; mehenangkü mehe temtük, hapayü dükshasha.

SHAKEI VAMPÜ 17:16

hatü nüngi eepü vaung an, jomphong hatü yemhai hapa büm yupü nyüha kü jiühithen; jomi pinnyü lavüngtoiyei bümkong tuhhen; jomi pinnyülei phai hahtükhen hatü aw kü jaktükhen.

JEREMIAH 5:22

Ngei kü nenyemnyu je? shei Shembüpai enyüke. Nüngi ngei touei nekheünyu je? Ngei yungching kü viongü bhih moni kungtü tuhpeih; lenei neheihhen mü denshing viong lingpeih; yungmoki yung lemei heihjao hapai neaoknyu; jom ngüngjao jomi ha peih-ei neheih-aoknyu.

SHAKEI VAMPÜ 15:2

Hapheikü veiheni aina keipü yungching mü aw vuktü ngei ee, hatü hapa yemha hatü büpalei lajei hatü hapalei men bhei-ie kü vehok neüpüthü aina keipü yungching touei Kahvangi shuohpü harp jomei lakei notü nyu,

SHAKEI VAMPÜ 17:5

hatü pinnyülei shangbalei shahjo men hük, “LONGPÜ BABYLON, BÜM YUPÜ HATÜ KAHDOKNYÜLEI JIÜHITNALAILEI NYÜ” shei nyangtü nyu.

SHAKEI VAMPÜ 13:11

Hapheikü ngei shao kahdok leipü yemha hük miha kü kei vaung nyi kohtü vampü ngei ee hatü Dragoni kei shah eteke.

SHAKEI VAMPÜ 13:14

hatü hapa yemhalei men kü nyangeihepü dükpai yani ma yahjao meidaipü yemhalei lajei linghen eyei kahdoknyülei nyupüthü luhahteke;

SHAKEI VAMPÜ 13:15

hatü hapa lajei shah eaokhen hatü hapa yemhalei lajei kü nekhümpüthü jühen shingvaishi hapa yemha kü ngü shuohhen mongteke.

SHAKEI VAMPÜ 16:13

Hahepak kü ngei mang laangha jem luk keiha Dragonei ju, yemhalei ju, hatü shahshem thibülei ju leipü vamküpü ee.

SHAKEI VAMPÜ 19:19

Hahepak kü ngei yemha hatü kahdoknyü ongthü mü jomei veshanthü chemi thaitü koyeilei uopüba hatü büpalei veshanthü khüei hokhen thaipü eeteke.

DANIEL 2:41

Nüngi ladok hatü lajaang hanei ashemi, hanei nyiami lingpü eepü keiha, hanteipü ongching nyukahen; shejao nüngi ashem mü nyiami vukei eepü keiha, hapa kü nyiamei wong hanei kü nyukahen.