SHAKEI VAMPÜ 12:3 - DAÜLANGPÜ LAIHING (BSI)

³ Hahepak kü shao vangsholei lebü nenyingaokbenüng nyangeihepü hük vam: Dragon hakla longpü hük shangjing nyet, vaung an hatü athen nyet shangjing ieyei kü athen thentü nyu.

SHAKEI VAMPÜ 12:3 Referans Kwoze

SHAKEI VAMPÜ 17:12

Nüngi vaung an eepeyü ongching mangdangpü ongthü an nyüke, shejao jomphongi ong vaihen wong yemha mü chemi ghonda hük shingvaishi danghen.

SHAKEI VAMPÜ 12:9

Hapa longpü Dragon, aivang mebü biü, üpa kü Shepe nevaijü Satan shei nyük, kahdoknyü kemei luhahpüba– büpa hatü büpalei phongshanthü kemei kahdoknyülei shükei shanshih.

SHAKEI VAMPÜ 17:16

hatü nüngi eepü vaung an, jomphong hatü yemhai hapa büm yupü nyüha kü jiühithen; jomi pinnyü lavüngtoiyei bümkong tuhhen; jomi pinnyülei phai hahtükhen hatü aw kü jaktükhen.

SHAKEI VAMPÜ 17:7

Vangsho phongshani ngei kü, “Nüng mehekei yashannya?” shei phephüteke. Ngei nüng kü hapa nyühalei doujo, hatü pinnyü uopü shangjing nyet hatü vaung an kohpü yemha jung ephahen.

DANIEL 7:24

Vaung anü hapa ongching kübü vamkahen ongthü nyüke. Jomphong pheikü lebü ong hük vamkahen. Hapayü sheleipü ongthü mü hayaoha nyukahen; büpai ongthü jem neütükhen.

DANIEL 7:20

Hatü hapalei shangjingei vaung an vampü hatü vaung jem bhagei yaktüktü hapheikü vampü vaungha kü mük hatü ngam epü ju kohpü, hatü hapayü lebüthü mü nyeinya nyemshi eepü ha vaung jung nyinghahhüei nyuteke.

SHAKEI VAMPÜ 20:2

Büpai Dragon, aivang biü, üpa kü Kahshih hatü Satan shei enya, yepei bong haja hük shingvaishi shatü,

SHAKEI VAMPÜ 12:4

Büpalei mei-i vangsho leipü lithathü phaihan jem kübü hük maoei kahdokei shüktük. Hapheikü Dragon peiyei hapeü anghen nyupü hapa nyüha touei pinnyüi hapeü angjahinüng hahtüknüng yaongshi nyuteke.

SHAKEI VAMPÜ 12:1

Vangsholei nenyingaokbenüng nyangeihepü hük vam: Nyüha hük vanghenyü ow kei owtü, lennyü pinnyülei la phangei, hatü pinnyülei shangjingei litha anpünyi yah-ei athen thentü vamteke.

SHAKEI VAMPÜ 16:13

Hahepak kü ngei mang laangha jem luk keiha Dragonei ju, yemhalei ju, hatü shahshem thibülei ju leipü vamküpü ee.

ISAIAH 51:9

Paotuh, paotuh, wong antuh, hatü ham yangshih, Oh Shembüpa; Paotuh, peihdaipü nyihthü kü keiha, meyangmeyangpü denshemthü kü keiha. Rahab khih mü nihtükpü hatü dragon kü peiyei hümtükpeyü nüng nevaipü je?

ISAIAH 27:1

Hapa nyih kü Shembüpai laophülei wong kohpü hatü dihen leü kohpü yanlu yah-ei kaokei nyokei kamteipü Leviathan biü hanghihühen; büpai yungching mongei nyupü hapa biü jütükhen.

SHAKEI VAMPÜ 19:12

Büpalei mükü awlom keiha hatü büpalei shangjing kü ong athen longi nyüke. Büpa mü lenei üpaiyao nenyingi büpalei men hük nyangtüktü nyüke.

SHAKEI VAMPÜ 12:17

Hahepak kü hapa Dragoni nyüha kü mongshih-ei Kahvangei shahkung bangpü hatü Jisulei denpü kü vaipü aopü lebü hapeüthü mü hoknüng dai.

ISAIAH 9:15

behe hatü longhivangthüyü shangjing, hatü shahshem nyuhpü thibüthüyü mei.

DANIEL 2:42

Lajaangthü hanei nyiami, hatü hanei ashemi lingtü nyupü keiha, ongching hanei wong kohshi hatü hanei wong nekoh-i nyukahen.

SHAKEI VAMPÜ 12:7

Vangsholei vehok hük vam; Mikhael hatü büpalei vangsho phongshanthüi Dragon khüei hok. Dragon hatü büpalei phongshanthüiyao ha kü khangei hok,

SHAKEI VAMPÜ 12:13

Hanangkü mechem Dragoni büpa kahdokei vüshihteke shei nyingpa, büpai yeshang hapeü hük bühpü nyüha kü changteke.

SHAKEI VAMPÜ 13:1

Hapheikü ngei yungching leipü yemha hük vamkei-i ee, hatü büpa kü vaung an hatü shangjing nyet nyuteke, hatü hapalei vaung ieyei kü athen hükbaong thenshi nyu, hatü shangjing ieyei kü Kahvang kü thaüvaüdhemthepü menthü nyuteke.

SHAKEI VAMPÜ 13:2

Hatü ngei eepü yemhayü shahnyü kei, hapalei layü sheptaolei la kei, hatü hapalei ju mailangei ju kei nyuteke. Dragoni hapa kü büpalei ngan, büpalei ong uoshing hatü wong longpü shuoh.

SHAKEI VAMPÜ 13:4

Peüi Dragon kü khüm; mehenangkü büpai yemha kü büpalei wong shuoh, hatü jomi yemha kü khümei, “Yemha kei üpa nyüpa, hatü üpai hapa khüei hok-aokhen?” shei eteke.

SHAKEI VAMPÜ 15:1

Hapheikü vangsholei lebü nenyingaokbenüng nyangeihepü hük longshi hatü thamashi ngei eeteke: Vangsho phongshan nyet mü dohpü chamthü nyet nyu; mehenangkü hathüyü Kahvang mongshihpü dohpü nyuteke.

DANIEL 2:41

Nüngi ladok hatü lajaang hanei ashemi, hanei nyiami lingpü eepü keiha, hanteipü ongching nyukahen; shejao nüngi ashem mü nyiami vukei eepü keiha, hapa kü nyiamei wong hanei kü nyukahen.