SHAKEI VAMPÜ 11:3 - DAÜLANGPÜ LAIHING (BSI)

³ Ngelei denbü nyi kü nyih 1260 dhoila ashak ümtü teteivanhen wong shuohhen” shei e.

SHAKEI VAMPÜ 11:3 Referans Kwoze

SHAKEI VAMPÜ 12:6

hatü hapa nyühayü Kahvangi pinnyü kü nyih 1260 jungeilanghen temtüktü nyupü jahpanei laongei lüdai.

SHAKEI VAMPÜ 11:2

shejao phopshem chingshe teshet; ha tuhphongtuh, mehenangkü hayü jatthü kü shuohtükpeih, hatü jomi hapa daülangpü chingnyü kü len pinyipünyi thahshi la-i shouphen.

SHAKEI VAMPÜ 13:5

Hapa yemha kü changmei shah ehen, hatü Kahvang kü thaüvaühen ju shuoh, hatü hapayü len pinyipünyi thahshi wong nohen shuoh.

SHAHKÜP 19:15

Shennyak hüki pungteke shei denpü hük moni nyonghühen neaok; maanpeih shei denpü nyi nevaijü jem homei mon pungteke shei ehen aok.

PHONGSHANTHÜ DOU 13:31

hatü Galil kübü Jerusalem thahshi büpa mü aongpüthü kü nyih longi kü vamei huteke, hatü shaang jomphongü nanglakthü kü ha denpü shuohnyeih.

PHONGSHANTHÜ DOU 1:8

Shejao mechem Laangha Daülangpü am kü peikahen, ammi ngan yahhen, hatü amphongü Jerusalem, Judea hatü Samaria peü kü hatü kahdoknyü dohpü ngoishi ngelei denbüthü vaihen.”

LUK SHAHSHA APPÜ 24:48

Amphongü hathü jung denbüthü.

ISAIAH 22:12

“Shembüpa, Jeiyong Kahvangi hapa nyih am kü thephen younghen, hatü sho chaei kuptüktü dhoila ashak ümhen nyükteke.

KAHBHAO 37:34

Hahepak kü Jakobi laophülei ashak shaaktük, hatü shüng kü dhoila ashak ngeihtü nyih longi mahng thep.

2 KORINT 13:1

Hapai jempabü ngei am touei peikünyeih. “Shahhidou vampü peü denpü nyi nevaijü jem homei yahhen vongbong.”

PHONGSHANTHÜ DOU 2:32

Kahvangi hapa Jisu yangei leishih, hatü hamphong peü hapa shahhing denbüthü hih.

JOHAN 15:27

Pangpü mebü am ngei mü nyuhamphei vaipü nangkü ammiyao ngei jung denpü shuohtuh.

MATHI 18:16

Shejao nüngi epü kü nebangküjema, nüng mü hük nevaijü nyi mütuh, shejüang nyi nevaijü jem denbüthü nyushi eteipü shah peü jomi denpü shuohhen.

YOUNG LAI 2:10

Zion nela khong kübü behethüi sheyü ju kübü shah nevami kahdokei uoshi nyüke; Jomei shangjing kü bhihla nyiotü, hatü dhoila ashaki jümtü nyüke. Jerusalem nelathüao kahdokei dhe aümei shanyüke.

JOB SHAHSHA APPÜ 16:15

Ngei ngelei büm kü dhoila ashak thüngei ümpeih, hatü bhihla kü ngelei wong dungtükpeih.

1 SHÜPPÜKENGPÜ 21:16

David ngangei veishuoh shingkü phumshang jiamei vangsho phongshani yanlu notü Jerusalem tentükhen lak yiüei ee. Hahepak kü David hatü mübüthüi dhoila ashak ümtü dhe shüshi lemteke.

BHEI-IE 11:26

Shejao mübüthü pejempüan khong kübü nyi meni, Eldad hatü Medad nyi ashakshemei nedai-i baümtapei nyu. Baümtap mongei laangha peiyei jiji kü bak, hatü jijipheni teteivanteke.

SHAKEI VAMPÜ 19:10

Hahepak kü ngei büpalei la tüngei khümnüng aümei sha, shejao büpai ngei kü, “Nüngi ha tedük! Ngeiyü nüng mü chemi chongphopüba hatü Jisulei denpü kopü nüngei küphü. Kahvang kü khümtuh. Mehenangkü Jisu jung denpeyü tetpüvanpü laangha” shei eteke.

SHAKEI VAMPÜ 1:5

hatü Jisu Khrista, shahhing denbü, dipü kübü shongei bühpü, hatü kahdoknyü ongthü shak kü vanglem lembü leipü am touei phahji hatü büpa leipü chingmei nyute. Üpai jen kü bamnya hatü büpalei iy homei jenei mang kübü bümei leihü,

PHONGSHANTHÜ DOU 3:15

hatü ammi yangnyu Lingbü jütükpeih, shejao Kahvangi büpa yangei leishihpeih.

DANIEL 12:7

Nyemin ashak ümtü yung shangkü yaongpü shennyaki büpalei laknyong lakdah vangsho philei haongei vanyangyem Kahvang men kü vangei, “Hapayü bong jem mü hükkeishing nyukahen” shei epü ngei danteke. Mechem daülangpü nanglakthü kü shüveidoideipü dohhenshang, hathü douthü kemei dohpü vaihen.

SHAHKÜP 17:6

Denpü nyi nevaijü jem nyujü mon shennyak hük jühen aok, shejao denpü hük mon nyupü kü üpayao jütükhen neaok.

SHAKEI VAMPÜ 20:4

Hapheikü ngei ong uoshingthü, hatü halei uopüthü kü shahphenhen wong shuoh-ei ee. Shao ngei Jisu jung denpü shuohpü hatü Kahvangei shah nangkü sho mahpüthülei laanghathü ee. Jomphongü yemha hatü hapalei lajei kü nekhüm, hatü jomei shangba hatü lak kü yemhalei füoshang neshüngpüthü nyuteke. Jom yangei leiyei Khrista mü bong haja hük vanglem lemteke.

EPHESIA 4:11

Büpai shuohpü thinthothüyü hanei am phongshan vaihen, hanei am thihivam, hanei am chongvenbü, hanei am mi yombü hatü hanei am nyuhbü vaihen;

1 KORINT 12:28

Kahvangi attoi kü shongpü kü phongshanthü, nyipabü kü thihivamthü, jempabü kü nyuhbüthü; hapheikü yashanpü dou dükpüthü, hapheikü meihüpü thinthothü, mih kü sheühpü, vanglem lempü thintho, hatü shahlem laolao epü jepeih.

JOHAN 3:27

Johani, “Vangsho leipü shuohpü nevaipheikü üpaiyao meheyao nedangaokpih” shei e.

2 SAMUEL 3:31

Hapheikü Davidi Joab hatü büpa mü nyupü shennyakthü kü, “Ammei büm-ow shaaktuh; dhoila ashak ümtü Abner nangkü mahng theptuh” shei e, hatü mahng vühen daishingkü David ongpa mahng pheilei müei dai.

1 ONGPATHÜ 21:27

Mechem Ahabi hathü shah danpa, büpai laophülei ashak shaaktüktü bümbai dhoila ashak ümtü shüaeiyungleteke. Büpai dhoila ashak ümtü shi, hatü mongshangei dhe yimdaitü nyu.

2 ONGPATHÜ 19:1

Mechem Hezekiah-i ha danpa, büpai laophülei ashak shaaktük, hatü dhoila ashak ümtü Shembüpalei shemei dai.

NEHEMIAH 9:1

Hapa len nyih hapüalipabü kü Israel nanglakthü peü thaiyei dhoila ashak ümtü kahdok nyiotü shüaeiyungleteke.

MENVIH KESHO 69:11

Mechem ngei owhen dhoila ashak thüngpa, jomi ngeiyü shahlemlak kü shihnyüke.

JEREMIAH 1:10

Veihümao, shinnyih ngei nüngü jatthü hatü ongchingthü bhitükhen, hatü vütükhen, mangtükhen hatü yaktükhen, linghen hatü sheihen shingvaishi jenyüpeih.”

EZEKIEL 4:6

Mechem nüngi hapa temhenshang, nüng shao chem lemhen, hapayü lakdah philei lemhen, hatü bong hük shing nyih hük heshap nyih pinyi ngei hannyüpeih; hapakei nüngi Judah amei mang kohen.

DANIEL 7:25

Büpai Jaipüba Kahvang khüei ehen hatü Jaipüba Kahvangei nanglakthü kü shüveidoideihen. Büpai jomei shahkungnyüthü hatü daülangpü mohitapthü yeiyatükhen khehen, hatü Kahvangei nanglakthü büpalei vanglem phangkü vangbong jem mü hükkeishing nyuhen.

DANIEL 8:14

Büpai büpa kü, “Hapayü nyih 1, 150 nyukahen hatü hahepak kü dhom hatü om kü moila neshuohhen; hapheikü mon Phopshem kü jiüshangpü phoppü tupü nyuhen” shei jangei e.

JOEL 1:13

Dhoila ashak ümtuh hatü theptuh, Oh ngongpathü; youngtuh, am moidülei chongphopüthü. Peikei, vangnyak dhoila ashak ümtü phoptuh, amphong ngelei Kahvang chongphopüthü; Mehenangkü Shembüpalei phopshem kübü hahying, hatü yiü moila shümlangteke.

JONAH 3:5

Nineveh nanglakthüi Kahvang shah kü hinglem; longpü kübü maanpü thahshi dhoila ashak ümtü shüaeiyunglehen temteke.

JONAH 3:8

Shejao shennyak hatü yemhimak peü kü dhoila ashak ümhütuh, hatü peüi shülangi Kahvang kü nyüktuh. Peüi laophülei mang lem hatü depülaopü yakphongtuh.

MATHI 11:21

Korazin am onyükei! Bethsaida am onyükei! Am kü dükpü yashanpü douthü paoh Tyre hatü Sidon am touei düklangmeyü jomü dhoila ashak ümtü depla nyiotü shelei mebü mang lah-ei mong lephah shepeih.

LUK SHAHSHA APPÜ 10:13

Am Khorazin am onyükei! Am Bethsaida am onyükei! Mehenangkü am kü dükpü ngan dou Tyre hatü Sidon am kü düklangmeyü dhoila ashak ümtü depla nyioei shelei mebü-üng mong lepdaitü nyuhah shepeih.

SHAKEI VAMPÜ 11:6

Jomi tetpüvanpü nyihthü kü vang nekeihen mü phumshang küptükhen wong nyüke, hatü jomi yungthü iy leitükhen, hatü jomi napükei kahdoknyü kü cham peihühen wong nyüke.