SHAKEI VAMPÜ 10:4 - DAÜLANGPÜ LAIHING (BSI)

⁴ Mechem vangmuk nyet khungpa, ngei nyangnüng shei nyu, shejao vangsho leipü ngeü hüki, “Vangmuk nyeti mehe e, ha kü füoshang shüngtüktuh, shejao hapa tenyang” shei epü ngei dan.

SHAKEI VAMPÜ 10:4 Referans Kwoze

DANIEL 12:4

Shejao nüng, Daniel, dohpü hepak mangngoi thahshi hapa lai küptüktuh hatü füoshang shingtüktuh. Longshi shingi hamebü hammü shei mehe vamnya ha nyinghüei longteihen.

DANIEL 8:26

Dhom hatü omthü nang manghkhang nih-ei epeyü jiükahen. Shejao nüngi hapayü mongei jaoei tuhtuh; mehenangkü ha jiükahen shao hepak luangi nyüpeih.”

DANIEL 12:9

Büpai jangteke, “Daniel, nüng leidaituh; mehenangkü hathü shahthü dohpü mangngoi thahshi joei küpei tuhtuh.

SHAKEI VAMPÜ 22:10

Hatü büpai ngei kü, “Nüngi hapa lai kübü thihivam shahthü füoshangi shüngtü küpshi tetuh; mehenangkü hepak yopailei nyüke.

SHAHKÜP 29:29

Doujo kemei Shembüpa, jenei Kahvangei, shejao shakei vampü douthü kemei jen hatü jenei hühihathü den kü dükhen shahkungnyü nyüke.

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

ISAIAH 29:11

Am shingvaishi hapa manghkhangü küptükpü laitap hük leshi leidaiteke. Ammi hapa laitap ieaokpü shennyak kü, “Hapa ieshih” shei eshuohjü jomi, “Hapayü küptükpü nangkü ne-ieaokükhih” shei ephahen.

ISAIAH 8:16

Ngelei denpü shahjangmei yomtuh, hatü shahkungthü ngelei nanglakthü mü jungeilangei tuhtuh.

ISAIAH 8:1

Shembüpai ngei kü, “Yaongshung longpü hük yahtuh, hatü hapa kü laknyang kuk longshi Maher-shalal-hash-baz shei nyangtuh,

SHAKEI VAMPÜ 1:19

Hanangkü shaang mehe nyu, hatü hapa pheikü mehe vamkahen nyu, ha nang nüngi shaang eepü nyangtuh.

SHAKEI VAMPÜ 10:8

Hahepak kü ngei vangsho leipü danpü ngeüi shao chem ngei kü, “Yungching hatü kahdokei yaongshi nyupü vangsho phongshanei lakei aptü nopü laidü yahtuh” shei eteke.