SHAKEI VAMPÜ 1:7 - DAÜLANGPÜ LAIHING (BSI)

⁷ Veituh, büpa phum mü yiükünyüke; peüei müki büpa eehen; büpa kü phungi hümpüthüi dangkao eehen; hatü büpa tata kü kahdoknyü jatthü peü mahng thephen. Hapa keiha ha nyuhen! Amen.

SHAKEI VAMPÜ 1:7 Referans Kwoze

MATHI 24:30

Hahepak kü Shennyak Ha nyangeihepü phumshangei vamhen, hatü kahdoknyü jatthü peü thephen. Jomi Shennyak Ha vangsho phumthü shangkü uotü ngan hatü müknyinshekhang longpü kü yiüpü eehen,

ZEKHARIAH 12:10

Ngei David am phang hatü Jerusalem kü nyupüthü kü phahji laangha hatü phoppü laangha shuohhen; mechem jomi jomei laki jütükpü eehen, halom didaipü kü theppükei, hatü hashongpa jaangdaipü kü youngpükei jom shahyaki thephühen.

DANIEL 7:13

Yanüng manghkhang kü ngei veishi nyushingkü, veiheni shennyak hük leshi phumi ngeihtü vamei Aivangpa touei peiyei yaong.

JOHAN 19:37

Shao lebü laiphong hanei kü, “Jomi üpa kü phungi hüm, jomi büpa eehen” shei enyüke.

MARK 14:62

Jisui, “Ngei hih, hatü nüngi Shennyak Ha Jeiyong Kahvangei lakdah philei uotü vangsho phum shangkü yiüküpü eehen” shei jangei e.

LUK SHAHSHA APPÜ 21:27

Hahepak kü jomi Shennyak Ha ngan hatü müknyinshekhang kü phum shang kü yiüpü eehen.

1 THESALONIKA 4:17

Hapheikü, jen üam yemmü nyu jom mü chemi phum kü Shembüpa mü pongnüng phumshangei yah-ei anlanghen. Hapa keiha jen Shembüpa mü den kü nyuhen.

1 THESALONIKA 1:10

hatü vangsho leipü Cheha Jisu, üpa büpai dipü kübü yangei leishih, hatü ngoikahen mongshih kübü jen yangnya, jomi ha jung enyüke.

MARK 13:26

Hahepak kü ngan hatü müknyinshekhang longpü kü Shennyak Ha phum shangkü yiüpü jomi eehen.

JUD SHAHSHA APPÜ 1:14

Adam kübü hüshomhülai nyetpabü Enokh-i hathü nang hei tetei epeih: “Veituh, Shembüpai büpalei daülangpü vangsho phongshan haja dok kü haja müei yiükünyüke;

MATHI 26:64

Jisui büpa kü, “Nüngiang eteke. Shejao ngei nüng kü enyeih, shaang mebü nüngi Shennyak Ha Jeiyongpalei lakdah philei uotü phum shangkü yiüküpü eehen” shei e.

SHAKEI VAMPÜ 22:20

Hathü dou jung denpü shuohpübai, “Hingmei, ngei lomi yiükünyeih” shei enyüke. Amen. Yiükei, Shembüpa Jisu!

MENVIH KESHO 22:16

Shithü ngei shonei thai, nemeipü shennyakthü ngei shonei thai; jomi ngelei lakhila bhagtükkem.

1 JOHAN 3:2

Bampü küphüthü, shaang jenphongü Kahvangei hapeüthü nyüke; hatü jen mehe vaihen shao-üng shakei mangvam. Jeni nyingpeyü ha khih: mechem büpa shakei vamhenshang, jenphongü büpa kei nyuhen; mehenangkü büpa mekei nyu, hapakei jeni büpa eehen.

MENVIH KESHO 97:2

Büpa shonei phum hatü vangnyak nyüke; daülangshemshepü hatü shahhingi büpalei ong uoshing chongnyiam lingei nyüke.

HEBREW 10:29

Üami Kahvang Ha kü la-i shoup, jom daütükpü vangpüshuwpü iy sheihtük, hatü phahjipü Laangha kü ne-ienelempüthü kü meshük nemeipü hanghi danghen shangpeih shei ammi deihnya?

JOB SHAHSHA APPÜ 33:26

Sheyü büpai Kahvang kü phopnyeih, hatü büpai phahji dangnyeih; büpai Kahvangei dhe eenyeih, hatü mongongpai lennyüke. Kahvangi büpa kü daülangpü nyokei shuohnyeih.”

ISAIAH 19:1

Ijip am nangkü epü shah: “Veituh, Shembüpai phum shangkü uotü shülangi Ijip lemei peikünyüke. Ijip amei lajeithü büpa touei kheühen, hatü Ijip amei mong mahdaihen.

NAHUM 1:3

Shembüpayü mongshihhen youngmü, hatü nganhiwong kü longpü nyüpeih; Shembüpai nemeipü am kü hanghi neshuoh-i hei-üng netuhphongnyih. Büpalei lemü alüngleple kü nyüke; yinglükleisho hatü phumthüyü büpalei la kübü bhihla nyüke.

JOHAN 19:34

Ha nangjei veshanthü khongkü hüki büpalei haampat kü phungi hüm, hatü iy hatü yung chemi vam.

BHEI-IE 24:17

Ngei büpa eenyüke, shejao shaang nevai; Ngei büpa kü veinyeih, shejao yopailei nevai. Jakob kübü litha hük vamkahen; Israel kübü lenshuoh hük vamkahen. Büpai Moab amei mübüthü, hatü Shethlei hapeüthü kemei ngümtükhen.

MENVIH KESHO 68:1

Kahvang yaongnyeih hatüvepathü yantüknyeih; büpalei vepathü nyaidainyeih.

SHAHPHENBÜTHÜ 5:31

Hanangkü nüngei vepathü hapakei mahkemhen, Oh Ongpa! Shejao nüng kü bampüthü vanghenyü keiha nyahen! Hatü kahdok kü bong pinyi thahshi chingmeivangmei nyu.”

SHAKEI VAMPÜ 22:4

Jomi büpalei dhe eehen, hatü büpalei men jomei shangbalei nyuhen.

HEBREW 6:6

mang thah-ei vüdainya, jom nyipabü mong lepei leihenü neaokbenüng; mehenangkü jomi nyingshangi Kahvang Ha shao shophang kü aphünyüke, hatü büpa nyonghünyüke.

ZEKHARIAH 12:11

Hahepak kü Jerusalem kü theppü youngpeyü Megiddo Kahji Hadad-Rimmon kü theppü youngpükei longshi nyukahen.

MATHI 16:27

“Mehenangkü Shennyak Ha vangsho phongshanthü mü Palei müknyinshekhang kü yiühen, hatü büpai shennyak peü kü laophüi dükpü shangshi laklei shuohhen.

MATHI 16:28

Hingmei ngei am kü enyeih, hamü yaongshi nyupü khongkü Shennyak Ha laophülei ongching kü peipü mang-ee thahshi nedihen.”

MATHI 25:31

Mechem Shennyak Ha müknyinshekhang kü vangsho phongshanthü peü büpa mü yiühen, hahepak kü büpa müknyinshekhang ong uoshing kü uohen.