SHAKEI VAMPÜ 1:4 - DAÜLANGPÜ LAIHING (BSI)

⁴ Johani Asia kü nyupü Attoithü nyet touei: Üpa nyüpa, üpa nyutepa, hatü üpa peikahen nyu, hatü büpalei ong uoshing toueipü laangha nyet,

SHAKEI VAMPÜ 1:4 Referans Kwoze

ISAIAH 11:2

Shembüpalei laangha büpa kü nyuhen, kihikon hatü danaokpü laangha, shahnying venpü hatü ngan laangha, nyingpühingpü hatü Shembüpalei laangha büpa kü nyuhen.

MENVIH KESHO 90:2

Kahshangthü lingshekü, nevaijü kahdoknyü bhaoshekü nüngü Nedohnetenpü kübü nedohnetenpü thahshi Kahvang nyuhampeih.

HEBREW 13:8

Jisu Khristayü menyih, shinnyih hatü düngei hükkei khan.

JOHAN 1:1

Chongpangpülei Shah nyu, hatü Shah Kahvang mü nyu, hatü Shah-ü Kahvang nyuteke.

SHAKEI VAMPÜ 5:6

Hapheikü ngei ong uoshing hatü yemmü nyupü yemhathü aa kü, hatü behethü khong mü Mi Cheha hük jütükphei keiha vaung nyet hatü mük nyet, mepa kahdoknyü peü lemei shompü Kahvangei laangthü nyet nyu, ha eeteke.

SHAKEI VAMPÜ 4:5

Hapa ong uoshing kübü klang nyepei, vangmuk khungei vam, hatü ong uoshing she philei aw nyet jak; hathüyü Kahvangei laangha nyet nyuteke;

SHAKEI VAMPÜ 1:8

Üpa nyüpa, üpa nyutepa, hatü Jeiyongpa üpa peikahen nyu, büpai, “Ngeiyü Alpha hatü Omega” shei Shembüpa Kahvangi enyüke.

SHAKEI VAMPÜ 3:1

Sardis kübü attoi leipü phongshan kü nyangtuh: Hathüyü üpalei lakei Kahvangei laangha nyet hatü litha nyet nyu, büpalei shahthü: “Ngei ammei douthü nyingnyeih; amü yemmü nyüpeih shei menvih yahnyüke, shejao am mahngchang khih.

JAKOB 1:17

Meipü hatü den ngoipü thintho peü shangphi leipü nejeilepü, nevaijü jeileipai vangnyak nevamhüpü vangsho vangngaithülei Pa leipü peinyeih.

ZEKHARIAH 4:10

Mehenangkü üami douha maanpü dükpü nyih ne-ienelemhen, mongonghen, hatü Zerubbabelei lakei shethen vü noshi eehen. “Hapa awdük nyet-ü kahdoknyü peü kü veipü Shembüpalei mükthü khih.”

ISAIAH 41:4

Üpai hapa dükei heihpa? Üpai büshah tuhhen hannya? Ngei, Shembüpa chongpangpülei nyupeih, Ngei, Shembüpa dohpü thahshi nyukahen.

MÜLANGPÜ 3:14

Kahvangi Mosa kü e, ‘NGEIYÜ NGEI HIH.’ Israel am kü, ‘NGEI’ shei epübai am touei ngei shompü khih shei etuh” shei eteke.

SHAKEI VAMPÜ 4:8

Yemmü nyupü yemhathü ieyei kü yang vok baong kohtü mük mon shinei hatü mongeiyao kohshi nyuteke. Nyakhingai thüngei hathüi nedoh-i hapakei lokteke: “Daülangpü, daülangpü, daüpangpü, Jeiyong Shembüpa Kahvang, Üpa nyu, üpa nyüpa hatü üpa peikahen nyu.”

SHAKEI VAMPÜ 3:7

Philadelphia kübü Attoi leipü phongshan kü nyangtuh: Hathüyü daülangpü hük, hingshangpü hük, üpalei lakei Davidei sabi nyüpa, üpai aptükjü lebü üpaiyao neküp-aok, üpai küptükjü lebü üpaiyao ne-apaok, hayü büpalei shahthü:

ROM SHAHSHA APPÜ 1:7

Kahvangi bampü hatü daülangpüthü vaihen nyüklangpü Romei nyupüthü peü touei: Jenei Pa Kahvang hatü Shembüpa Jisu Khrista leipü phahji hatü chingmei am mü nyute.

ZEKHARIAH 3:9

Ngei Joshua touei haüpü yaong kü veituh. Hapa yaong hük kü dhe nyet nyüke, hatü ngei hapa yaong kü nyanghen shei Jeiyong Shembüpai enyüke, hatü hapa kahdok kübü mang ngei nyihcha hük kü thitei yaktükhen.

MIKA 5:2

Shejao nüng, Oh Bethlehem Ephrathah, nüng Judah phang khongkü maanpü vailangmao, nüng kübü Israel shak kü ngei shing vanglem lemhen hük vamhühen. Büpa vamshing bülemü aivang hepak kübü chongkahen.

SHAKEI VAMPÜ 2:8

Smyrna kübü attoi leipü phongshan kü nyangtuh: Hathüyü chongpangpü hatü dohpü, üpa di hatü yangei lei, büpalei shahthü:

SHAKEI VAMPÜ 1:20

Ngelei lakdah philei litha nyet, hatü hon awdük shemshing noshi eepü doujo nangü ha hih: litha nyet-ü attoi nyet kübü phongshan nyet, hatü awdük shemshing nyet-ü attoi nyet hih” shei eteke.

SHAKEI VAMPÜ 1:11

“Nüngi mehe eenya, ha lai hük kü nyangtü attoi nyet, Ephesia, Smyrna, Pergamum, Thiatira, Sardis, Philadelphia hatü Laodikea touei shomtuh” shei eyei dan.

ISAIAH 57:15

Peü mü shopü hatü daülangpü Kahvang, üpa denden kü nyu, hatü büpalei men daülangpü, büpai hapakei enyüke: “Ngeiyü shaopü hatü daülangpü shingei nyuhen, shejao maanpü leipü shennyak jatonghühen, hatü mong leppüthü ja linghühen shingvaishi üpai mongmangei mong lepnya, ngeiyao büpa mü nyuhen.

2 KORINT 1:2

Jenei Pa Kahvang hatü Shembüpa Jisu Khrista leipü phahji hatü chingmei nyute.

1 KORINT 1:3

Jenei Pa Kahvang hatü Shembüpa Jisu Khrista leipü phahji hatü chingmei nyute.

SHAKEI VAMPÜ 3:14

Laodikea kübü attoi leipü phongshan kü nyangtuh: Hathüyü Amen, hingshangpü hatü shahhing denbü, Kahvangi lingpü kü vanglem lembülei shahthü:

SHAKEI VAMPÜ 2:18

Thiatira kübü attoi leipü phongshan kü nyangtuh: Hathüyü Kahvang Ha, üpa kü awlom kei mük nyu, hatü layü jintükpü melangnyiam kei nyu, büpalei shahthü:

SHAKEI VAMPÜ 2:12

Pergamum kübü attoi leipü phongshan kü nyangtuh: Hathüyü nah nyi kohpü yanlu nyupübalei shahthü:

SHAKEI VAMPÜ 1:1

Jisu Khrista shakei vampü mepa Kahvangi büpa kü büpalei chongphobüthü kü mehe lomi vamhen, ha huhen shingvaishi shuohteke. Büpai hayü büpalei chongphobü Johan touei vangsho phongshan shomei shuoh,

PHONGSHANTHÜ DOU 19:10

Hapakei bong nyi nyu, hanangkü Asia moidoi kü nyupü Jehoda hatü Greek am peüi Shembüpalei shah danteke.

ZEKHARIAH 6:5

Hapa phongshani, “Hathüyü kahdoknyü peü shak kü Shembüpa touei nyupü vamei daiküpü vangsho laangha ali khih” shei ngei kü e.

PHONGSHANTHÜ DOU 2:9

Jenphongü Parthia, Media, Elam hatü Mesopotamialei nyupüthü, Judea hatü Kappadokia, Pontus, hatü Asia,

SHAKEI VAMPÜ 1:9

Ngei, Johan, Jisu nangkü shüveipü hatü ongching hatü munenpü kü am mü hean yahpü ammei jeihinaü, Kahvangei shah hatü Jisu jung denpü nangkü Patmos shei epü shübaongei nyuteke.

SHAKEI VAMPÜ 1:17

Mechem ngei büpa eepa, mahng kei ngei büpalei la tüngei doei shük. Shejao büpai ngei kü büpalei lakdah-i düktü, “Nüng tenyem; ngeiyü chongpangpü hatü dohpü;

SHAKEI VAMPÜ 8:2

Hapheikü ngei vangsho phongshan nyet Kahvang touei yaongshi jomphong kü amit nyet yahshuoh-ei ee.

SHAKEI VAMPÜ 16:5

Hahepak kü yung yompü vangsho phongshani epü hapa ngei dan: “Nüngü shahhing, Oh Daülangpü Hük, Üpa nyüpa, üpa nyutepa, mehenangkü nüngi hathü shahphenteke;

SHAKEI VAMPÜ 22:8

Ngei, Johani hathü dou danpeih hatü eepeih. Mechem ngei hathü dan hatü eepa, ngei kü hathü hupü vangsho phongshanei la tüngei khümnüng aümei sha;

SHAKEI VAMPÜ 22:16

“Attoithü shingvaishi nüng touei hapa denpü koei vangsho phongshanthü shompeyü ngei, Jisu hih. Ngeiyü Davidei tünglang hatü hühiha, nyapü nepnüng litha.”