SHAHPHENBÜTHÜ 9:57 - DAÜLANGPÜ LAIHING (BSI)

⁵⁷ hatü Kahvangi Shekhem nanglakthülei mang jomei shangjing kü kohü, hatü jom kü Jerubbaalei cheha Jothamei thaüvaü jom kü peihüteke.

SHAHPHENBÜTHÜ 9:57 Referans Kwoze

SHAHPHENBÜTHÜ 9:20

Hei nevaijema Abimelekhei büm kübü aw vamei Shekhem hatü Beth-Millo shennyakthü kemei hahtüktuh nevaijü Shekhem hatü Beth-Millo kübü aw vamei Abimelekh hahtüktuh” shei eteke.

1 ONGPATHÜ 16:34

Ahabei hepak kü Bethel am Hieli Jeriko ching ag, hatü Shembüpai Nunei cheha Joshua homei epükei büpai hapa ching chongnyiam yaong haüshingkü hashongpa Abiram lomohhü, hatü büpai hapalei penyüsha lingshingkü naüshompa Segub lomohhü.

SHAHPHENBÜTHÜ 9:45

Abimelekh-i helu hapa chingnyü hah, hatü halei nyupü shennyakthü jü; büpai hapa chingnyü hahtü hüm haiphong.

JOSHUA 6:26

Hahepak kü Joshua-i hapakei vangeishuwei eteke: “Hapa Jeriko chingnyü üpai leiyei linghen yaongnya, büpa kü Shembüpalei thaüvaü hettuh. Büpai laophülei hashong lomohhütü mon hapa chingnyü chongnyiam linghen; Laophülei hashong lomohhütü mon büpai hapa chingnyü penyüsha linghen.”

SHAHPHENBÜTHÜ 9:24

Kahvangi hapayü Gideonei cheha jom pejempüan jütükpü jomei iy yenhüpü nangkü jomei jeihinaü Abimelekh kü hatü büpalei jeihinaüthü jühen shingvaishi sheühpü Shekhem am kü bhüh yemhen shingvaishi dükteke.

SHAHPHENBÜTHÜ 9:56

Hapa keiha Abimelekh-i chepa khüei büpalei jeihinaüthü jom pejempüan jüpü nangkü Kahvangi büpa kao ha nyokei shuoh,

SHAHPHENBÜTHÜ 10:1

Abimelekh didaipheikü phaüshang kahmük Ephraim kü Shamirlei nyupü Issakhar am phang Dodolei cheha Puah, Puahlei cheha Tola-i Israel am yanghen vam.

1 ONGPATHÜ 2:32

Büpai mih jüpü kü Shembüpai büpa kao ha nyemshemshuoh; mehenangkü büpai büpa mao daülangpü hatü meipü shennyak, Nerlei cheha Abner, Israel amei veshan mübü hatü Jetherlei cheha Amasa, Judah amei veshan mübü nyi opa Davidi nenyingi jütükpeih.

SHAHPHENBÜTHÜ 1:7

Hahepak kü Adoni-bezeki, “Ngelei nükdü phangei ongthü pejempüan jomei lakphiennyü hatü laphiennyü dehtüktü nükkuk homei hahshi nyuhampeih. Ngei mehe hathü kü dükshuohpa, shaang Kahvangi ha ngei kü nyokei yahphopü khih” shei e. Jomphongi büpa Jerusalemei yah-ei lei, hatü büpa halei didai.

2 SAMUEL 3:39

Shinnyih ngei ong vailangmao wong neshiü; Zeruiahlei hapeüthüi ngei kü longi nemei-i dükteke. Nemeipü am kü nemeipü shangshi Shembüpai nyemyahshuoh” shei e.

MENVIH KESHO 7:17

Shembüpa daülangshemshepü nangkü ngei büpa kü menvih shuohhen, Jaipüba Shembüpalei menkü ngei menvih kesho lokhen.

MENVIH KESHO 94:23

Büpai jomei mang kü nyokei khanghen, hatü jomei mang nangkü jom thittükhen, Shembüpa, jenei Kahvangi jom mahtükhen.

KANDOK 5:22

Nemeipüthülei mangi jom kü-üng hühhihang leinyüpeih, hatü jomei mang kü-üng jom mandainyüpeih.

ISAIAH 3:11

Nemeipüthü onyükei! Jom meshük lomoh-ang! Jomi mih kü mehe dükshuoh, hapa jom kao dükshuohhen.