SHAHPHENBÜTHÜ 5:31 - DAÜLANGPÜ LAIHING (BSI)

³¹ Hanangkü nüngei vepathü hapakei mahkemhen, Oh Ongpa! Shejao nüng kü bampüthü vanghenyü keiha nyahen! Hatü kahdok kü bong pinyi thahshi chingmeivangmei nyu.”

SHAHPHENBÜTHÜ 5:31 Referans Kwoze

MENVIH KESHO 37:6

Büpai nüng daülangshemshepü vanghela kei nyahühen, nüng shahhing epü heshotapa kübü vanghe kei khanghühen.

2 SAMUEL 23:4

büpayü phum neshiüpü nepnüng vanghela vangngai le-angpeih.

1 PETER 1:8

Ammi büpa ne-eejao büpa kü bamnyüke, hatü ammi shaang büpa ne-eejao, ammi büpa kü hinglemnyüke hatü eyei neaokpü hatü müknyinshekhang mongongi am mongongnyüke;

JAKOB 1:12

Dokpü peishingkü üpai hinglemei nyu, büpa moihiman. Hapa keipü dokpü kü aokpü shennyak kü Shembüpai büpa kü bampüthü kü shuohhen lahpü yangnyu athen shuohhen.

1 KORINT 8:3

shejao üpai Kahvang kü bamnya, Kahvangi büpa nyingnyeih.

DANIEL 12:3

Kenhingpüthü vangsho nyangnyangpükei nyahen hatü üami mih longi daülangshemshepü touei müei lei, hathüyü denden kü lithathü kei nyaahen.

MENVIH KESHO 91:14

Üami ngei kü bam, ngei jom yanghen; ngelei men nyingpüthü ngei jom yanglanghen.

MENVIH KESHO 89:36

Büpalei ong hean den kü nyuhen, hatü büpalei ong uoshing ngei touei vanghenyü kei nyuhen.

JAKOB 2:5

Ngei bampü jeihinaü nyahinaüthü, bangtuh. Kahvangi kahdoknyü kü taopathü hinglempü kü shemmei vaihen, hatü büpa kü bampüthü kü büpai lahpü ongching mükjüp vaihühen nejeangpü je?

ROM SHAHSHA APPÜ 8:28

Mehenangkü üami Kahvang kü bam, hatü büpalei mükhong aimü nyük, hathü shingvaishi dou peü mei shingvaishi chemi düknyeih shei jeni nyingnyüke.

MATHI 13:43

Hahepak kü jomei Chepalei ongching kü daülangpüthü vanghenyü kei nyahen. Dhaong kohpü peüi bangtuh!

HOSEA 6:3

Jeni Shembüpa nyingshah; jeni büpa nyinghen kenshah. Büpa jen touei vanghe aongpü keiha; Ünyü vangi kahdok vaümhüpü keiha peikahen.”

KANDOK 4:18

Shejao daülangpülei lemü nepnüng dhom vanghela helushoei nyapüba khangpükei nyüke.

MENVIH KESHO 97:10

Ten kü jiühitpüthü kü Shembüpai bamnyeih; büpa kü hinglempüthü büpai yangnyeih; büpai nemeipüthüleilak kübü yanglangnyeih.

SHAHPHENBÜTHÜ 3:11

Hanangkü Kenazlei cheha Othniel mangdi thahshi vangbong pinyi kahmük kü chingmeivangmei nyuteke.

MENVIH KESHO 97:8

Nüngi shahhing shahphenpü nangkü, Zioni ha danei mongmeinyüke, Judah jilathüi mongongnyüke, Oh Shembüpa.

MENVIH KESHO 92:9

Mehenangkü nüngei vepathü mahdaihen, mang dükpüthü peü haidaihen, Oh Shembüpa.

SHAHPHENBÜTHÜ 3:30

Hapa nyih Israel ami Moab am neütük, hatü kahmük kü vangbong büali thahshi chingmeivangmei nyuteke.

SHAHKÜP 6:5

Shembüpa, ammei Kahvang kü ammei mongdang kempai, ammei laangha kempai hatü ammei wong kempai bamtuh.

MÜLANGPÜ 20:6

shejao ngei kü bampü hatü ngelei shahkungnyü ven bangpüthü kü denshem haja haja ngei bampü hunyüpeih.

SHAKEI VAMPÜ 18:20

Pinnyü lomohpü nangkü mongongtuh, Oh vangsho am, daülangpü, phongshan hatü thihivamthü! Mehenangkü Kahvangi am nangkü pinnyü kü shahphenteke.”

SHAKEI VAMPÜ 6:10

Jomphongi ngeüwong anei, “Jeiyong Shembüpa, daülangpü hatü hingshangpü, kahdoknyülei nyupüthü kü hamei iy nangkü nüngi shahphenhen hatü bhüh yemhen shekü meshük lushi nyuhen?” shei lenteke.

EPHESIA 6:24

Jenei Shembüpa Jisu Khrista shingvaishi mechemao nemahnemenpü bampü nyupüthü peü kü phahji nyute.

SHAKEI VAMPÜ 1:16

Büpalei lakdah philei litha nyet noteke, hatü büpalei ju leipü nah nyi kohpü yanlu vamteke, hatü büpalei dheyü vanghe hebaongwong kei nyuteke.

2 SAMUEL 18:31

Hapheikü Kush am shennyak ngoiyei ongpa kü, “Ngelei shembü ongpa, shahjangmei bangtuh! Shembüpai shinnyih nüng khüei yaongpü shennyakthü kübü nüng yangteke” shei e.

MENVIH KESHO 89:37

Vangshangei düngei denpü shuohpü lennyü kei chonglingei tuhhen.

SHAHKÜP 7:9

Shembüpa, ammei Kahvangü Kahvang nyüke; büpayü hingshangpü Kahvang; büpa kü bampüthü hatü büpalei shah bangpüthü kü denshem haja haja kü büpai lahpü bampü hunyüpeih.

2 SAMUEL 18:32

Ongpai hapa Kush am naüha kü, “Nethepa Absalom meishi tuhla?” shei phe. Hapa Kush naühai, “Ngelei shembü ongpalei vepathü, hatü nüng kü nemeihen shei yaongpüthü peü kemei hapa nethepa kei-üng chongkahen” shei e.

MENVIH KESHO 19:6

Hapayü vangsho jung hük kübü vamnyüke, hatü jung hük lemei shinnyüke. Hapa shaampü kübü meheyao nejoaoknyu.

MENVIH KESHO 20:8

Jomü bendaihen hatü dodaihen, shejao jen payü wongshongi yaonghen.

MENVIH KESHO 92:10

Shejao nüngi ngelei vaung shaokvaung keiha koh-ei vamhü, nüngi ngei kü daülangpü mainga-i phuteke.