SHAHPHENBÜTHÜ 3:15 - DAÜLANGPÜ LAIHING (BSI)

¹⁵ Shejao mechem Israel ami Shembüpa kü lenei phoppa, Shembüpai jom yanghen shingvaishi laknyongi dükpü Benjamin am Geralei cheha Ehud shom. Israel ami Moab am Eglon ongpa touei bom kotü Ehud shom.

SHAHPHENBÜTHÜ 3:15 Referans Kwoze

SHAHPHENBÜTHÜ 3:9

Shejao mechem Israel ami Shembüpa kü lenei phoppa, Shembüpai jom yanghen shingvaishi Kenazlei cheha, Kalebei chenaü Othniel shahphenbü shomei jom yangteke.

MENVIH KESHO 78:34

Mechem büpai jom jüpa, jomi büpa yemteke; jomi mong lepei büpa touei leiteke.

ISAIAH 36:16

Hezekiah-i epü kü tebang. Assyria ongpai hapakei enyüke: Ngei mü chingmei lingtuh, hatü ngei touei peikei, shejüang peüi laophülei nyalingngupai kah leipü nyalingngupai, hatü adhajük hahhen, hatü laophülei yungkuk leipü yung yingaokhen.

1 SHÜPPÜKENGPÜ 12:2

Jomphongü pülah kaphen nevaijü yaong dungtü laknyong lakdah kü shükhen manpüthü nyu; jomphongü Benjamin jat Saulei shem am nyu:

SHAHPHENBÜTHÜ 20:16

Jom shennyak kho nyet jepü kemei laknyongi dükpüthü, hatü jomphong sholah hükao neshai-i phuo jiüpü shennyakthü nyuteke.

JEREMIAH 33:3

Ngei kü nyüktuh hatü ngei nüng kü janghen hatü nüngi nenyingpü longpü hatü douja nüng kü ephahen.

KANDOK 21:14

Joei thintho shuohpai mongshih komhünyeih; Ashak mongei yawhdou jaaipai mongshih dohhünyeih.

KANDOK 19:6

Longshi shingi lupülongpülei yahyang shinshang yemnyeih, hatü peüi thintho shuohbülei mongjem vaihünyeih.

KANDOK 18:16

Thintho hüki lem apnyüpeih; hapai lupülongpü mü pongei eteiaoknyeih.

MENVIH KESHO 90:15

Ham ponghahpü nyihthü shük, hatü ham shanghahpü bongthü shük nüngi ham kü mongong yahshih.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

1 SAMUEL 10:27

Shejao hanei büpa kü yaüei, “Hapa shennyaki mekei etü jen yangaokhenang?” shei e. Jomphongi büpa kü yaüei e, hatü meheyao thintho neshuoh. Shejao Saul nenmü nyu.

SHAHPHENBÜTHÜ 3:14

Hanangkü Israel ami Moab am Eglon ongpa chongphoei vangbong anpüshet nyuteke.

SHAHPHENBÜTHÜ 3:16

Shaang Ehudi nyonghidah kü nah kohpü yanlu hük feet hük mü bhaoei ling, hatü büpai hapa lakdah philei ashak mongei phümteke.

SHAHPHENBÜTHÜ 2:16

Hahepak kü Shembüpai jom aetpüshepüthülei lak kübü yanghen shingvaishi shahphenbüthü jeteke.

SHAHPHENBÜTHÜ 4:3

Mehenangkü Jabinü nyiam khari kho shü angteke, hatü büpai Israel nanglakthü shangkü longi mangshi hatü nemei-i vangbong kukha thahshi vanglem lem. Hahepak kü Israel ami Shembüpa kü sheühshih shei len.

2 SAMUEL 20:9

Joabi Amasa kü, “Mongjempa, mekei nyüpa?” shei phe, hatü Joabi Amasa kü büpalei jumum kü düktü büpalei lakdah phi-i büpa kü om kü jüphen khaai.

2 SAMUEL 20:10

Shejao Joabei lakei yanlu noshi nyupü Amasa-i nenying; Joabi büpalei vom kü baptü leihilang peü kahdokei chinshi hatouei büpa di. Büpai nyipabü nebap. Hapheikü Joab hatü chenaü Abishai-i Bikrilei cheha Sheba changei dai.

1 SHÜPPÜKENGPÜ 8:3

Belalei hapeüthü: Addar, Gera, Abihud,

1 SHÜPPÜKENGPÜ 8:5

Gera, Shephuphan hatü Huram.

2 SHÜPPÜKENGPÜ 9:24

Jom peüi bong ieyei thinthohon, ngin, ashakviha, lahhilaong, hetnyai, koyei hatü gaduthü koei peihamteke.