SHAHPHENBÜTHÜ 21:22 - DAÜLANGPÜ LAIHING (BSI)

²² Hahepak kü jomei chepa chejei ami ham touei shah yemei peiküjema, hami jom kü, “Chingmeilemlingei hami hathü tuhhahshah; mehenangkü hami hathü vehok hepak kü hamei nyüha vaihen yepei leipao nevai, hatü jomü ammi ham kü yahphopü nevaipai ammi lahteitükpü mangpü nevaikahen shei etuh” shei eshuohteke.

SHAHPHENBÜTHÜ 21:22 Referans Kwoze

SHAHPHENBÜTHÜ 21:18

Shejao jeni jom kü jenei yiükha doi nedeishihaokhen; mehenangkü jeni, “Benjamin am kü doi deishihpü shennyak kü thaüvaü hettuh” shei vangeishuwei etükteke.

SHAHPHENBÜTHÜ 21:1

Mechem Israel am Mizpahlei thaipa, jomi vangpüshuwpü hük ling: “Jen üamiyao laophülei yiükha Benjamin am kü doi nedeishihpih” shei showteiteke.

1 KORINT 7:2

Shejao mükbongjuyungpü mongshang vampü nangkü baha ieyei laophülei nyüha hatü nyüha ieyei laophülei baha nyuhen vongbong.

KANDOK 20:25

Shennyak hüki daülangpü dou dükhen shei lahtüktü pheilei mon hapa lahpü dükjema, büpa shing hühhihang leidainyüke.

SHAHPHENBÜTHÜ 21:14

Hanangkü Benjamin am hahepak kü nyokei lei, hatü jomphong kü, Jebesh Gilead leipü nejütüki yangei leipü nelathü shuohteke, shejao hapai jomphong peü kü neben.

SHAHPHENBÜTHÜ 21:7

Benjamin am yemmü aoei nyupüthü kü nyüha shuohhen nangkü mekei eteihenang; mehenangkü jeni jom kü jenei yiükha doi nedeishihpih shei Shembüpa touei vangteitükteke” shei etei.

KAHBHAO 7:13

Ha nyih Noah, chehathü Shem, Ham, Japheth hatü hapeüthülei nyühathü jahas mongei shüteke.

KAHBHAO 1:27

Hanangkü Kahvangi hangkuli büpalei deiaei kei, Kahvangei deiaei kü büpai jomphong nyüha, baha shei ling.