SHAHPHENBÜTHÜ 20:28 - DAÜLANGPÜ LAIHING (BSI)

²⁸ hatü Eleazarlei cheha Phinehas, Aaronei chehüi hapa chongphoei nyuteke.) Jomphongi, “Hamphongi hamei jeihinaü Benjamin am mü hoknüng aonghen hi hajük kü dohdaihenang?” shei phe. Shembüpai, “Aongtuh, hatü ngenyih ammei lak kü jomphong shuohhen” shei e.

SHAHPHENBÜTHÜ 20:28 Referans Kwoze

SHAHPHENBÜTHÜ 7:9

Ha ya-üng Shembüpai Gideon kü, “Paotuh hatü yiüei hapa baümtap shümtuh; mehenangkü nüngei lak kü ngei hapa shuohhen.

JOSHUA 24:33

Aaronei cheha Eleazar-ao didai, hatü büpalei cheha Phinehas kü shuohpü phaüshang kahdok Ephraimei Gibeah jilalei jomphongi büpalei mang vüphong.

SHAHKÜP 18:5

mehenangkü Shembüpa, ammei Kahvangi ammei jatthü peü khong kübü jom hatü jomei hühihathüi düngei Shembüpalei men kü chongphohen jelangpü nyüke.

SHAHKÜP 10:8

Hahepak kü Shembüpai Levi am phangi Shembüpalei Vangpüshuwpü Pela kohen, hatü Shembüpa kü ngongpathü kei chongphohen, hatü büpalei men kü moihiman yühen shingvaishi hayaoha jeyei tuhteke. Hathüyü shaang thahshi jomei dousho nyüke.

JEREMIAH 10:23

Ngei nyingteke, Oh Shembüpa, shennyak hükei yangnyu kü laophü shembü nevai; üpaiyao laophülei yangnyu büpalei lakmongei neshiü.

2 SHÜPPÜKENGPÜ 20:17

Ammi hapa vehok hokhen nevai. Ami show lingtuh, hatü Shembüpai am kü aokpü shuohpü kü yaongshi veituh, Oh Judah hatü Jerusalem. Am tenyem nevaijü mongtemaan. Ngenyih am thepjulei heihtuh, hatü Shembüpa am mü nyukahen.’ ”

2 SAMUEL 6:3

Jomi hapa Kahvangei Vangpüshuwpü Pela mohoh khari ja kü shihtü kahshangei nyupü Abinadabei shem leipü Abinadabei cheha Uzzah hatü Ahio nyi-i Kahvangei Vangpüshuwpü Pela shihtü mohoh khari müteke,

1 SAMUEL 30:8

hatü Davidi Shembüpa kü, “Hapa vepathü phei changei ngei dai-üla? Ngei jom yep-üla? shei phe. Büpai büpa kü, ‘Nüngi jom phei changei daituh, hatü hingmei nüngi jom phei thah-aokhen, hatü nüngi wüpküpei deilangpüthü yangaokhen hih’ ” shei e.

1 SAMUEL 14:37

Hanangkü Sauli Kahvang kü, “Ngei Philistia am hahnüng yiü-üla? Nüngi ngei kü aokpü danghü-üla?” shei phe. Shejao ha nyih Kahvangi büpa kü nejangshuoh.

SHAHPHENBÜTHÜ 1:2

“Judah am shong daituh; ngei jomei lak kü hapa kahdok shuohtüktih” shei Shembüpai eteke.

JOSHUA 22:13

Hahepak kü Israel ami Gilead kahdokei bhaosheipü Manasseh, Reuben, Gad jatthü touei ngongpa Eleazarlei cheha Phinehas shom.

JOSHUA 7:7

Hatü Joshua-i, “Oh Shembüpa Kahvang, mehekei nüngi ha nanglakthü Jordan yung homei Amor ami jütükhen shingvaishi jomei lak kü shuohhen müei deipa? Jordan yungdangei nyudailangmeyü meihah shepeih!

SHAHPHENBÜTHÜ 19:16

Mechem jomphong chingshongei nyupa, bajei hük kahlei shapü aong. Büpa shongeiyü phaüshang kahmük Ephraimei nyuhamteke, shejao hahepak kü Gibeahlei nyu. (Lebü nanglak kempeyü Benjamin jat nyuteke.)

MÜLANGPÜ 6:25

Aaronei cheha Eleazari Putielei yiükha hük mü shem yem, hatü pinnyüi Phinehas angteke. Hathüyü Levi mükhiphang kübü phangdep pathü nyüke.

EZRA 7:5

Bukkilei chepa Abishua, Abishualei chepa Phinehas, Phinehaslei chepa Eleazar, Eleazarlei chepa Aaron ngongchong nyuteke.