SHAHPHENBÜTHÜ 2:13 - DAÜLANGPÜ LAIHING (BSI)

¹³ Jomi Shembüpa yakphong, hatü Baal kahvang hatü Astartes kahvang khümei chongphoteke.

SHAHPHENBÜTHÜ 2:13 Referans Kwoze

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

MENVIH KESHO 106:36

Jomi lajeithü chongphoei khüm; hapai jom shing aethitai lei.

SHAHPHENBÜTHÜ 3:7

Israel ami Shembüpa, jomei Kahvang betüktü mepa Shembüpa touei mang nyu, ha dükei mang thah, hatü Baal hatü Asherah kahvangthü kü khüm.

1 KORINT 8:5

Vangsho nevaijü kahdoknyü kü kahvangthü longi nyuhen aok; kahvangthü hatü shembüthü longi nyüke,

2 ONGPATHÜ 23:13

Israel amei ongpa Solomoni Sidon amei jiühitnalaipü Astartes nyüha kahvang, Moab amei jiühitnalaipü Kemosh kahvang, Ammon amei Molekh kahvang, hathü kü khümhen shingvaishi Jerusalem heongphi kü hatü Olive Kahshang pehephi kü vepü moidüthü peü sheihtük.

1 ONGPATHÜ 11:33

Jomi ngei tuhphongtü Sidon amei nyüha kahvang Astartes, Moab amei kahvang Kemosh, hatü Ammon amei Molekh kahvang kü khümei ngelei lemthü kü nekam, nevaijü ngei touei jiüpü nedük, nevaijü chepa Davidi dükpükei ngelei vanglem hatü shahkungnyüthü nedükpü nangkü ngei hapa dükshuohhen.

1 ONGPATHÜ 11:5

Mehenangkü Solomoni Sidon amei nyüha kahvang Astartes hatü Ammon amei jiühitnalaipü Molekh kahvang kü khüm.

1 SAMUEL 31:10

Hatü jomi büpalei vehok ow Artarte kahvang khümshemei tuh, hatü jomi büpalei büm Beth-Shean chingnyü bhamba kü sheüshi tuh.

SHAHPHENBÜTHÜ 2:11

Hahepak kü Israel ami Shembüpa touei mang thah, hatü Baal kahvang chongphoteke.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

1 SAMUEL 12:10

Hahepak kü jomi Shembüpa kü, “Hami mang thahteke; mehenangkü hami Shembüpa yakphongtü Baal, hatü Astartes kahvangthü chongphoteke. Shejao shaang nüngi ham vepathülei lak kübü yangshih, hatü hami nüng chongphohen.

2 SHÜPPÜKENGPÜ 7:22

Hahepak kü jomi-üng, “Jom Ijip kahdok leipü müei leipü Shembüpa chebü chepalei Kahvang yakphongtü lebü kahvangthü yah-ei hapa chongphoei khümpü nangkü büpai hapa shanghah vongshüh peü shuohpüja” shei eteihen.

BHEI-IE 25:3

Hanangkü Israel ami Peor amei Baal kahvang kü khüm, hatü Shembüpai Israel am kü longi mongshih.

2 SHÜPPÜKENGPÜ 12:2

Rehoboam vanglem lempü bong ngapabü kü jomi Shembüpa kü hingnelempü nangkü Ijip am Shishak ongpa Jerusalem khüei,

2 SHÜPPÜKENGPÜ 28:3

Büpai Ben-Hinnom Kahjilei jakpü moila shuoh, hatü Israel am toueipü Shembüpai changtükpü jatthüi dükpü jiühitpü dou keiha büpai cheha aw kü jakei moila shuoh.

2 SHÜPPÜKENGPÜ 33:3

Büpai chepa Hezekiah-i bentükpü vaümchongthü lingei lei, hatü Baal kahvangei moidüthü hatü Asherah nyüha kahvangei lajeithü ling. Büpai lithathü kü khüm.

JEREMIAH 2:20

Hepak luangi daiteke, ammi ammei pang mangtük, am kü shapü phentüktü, “Ngei nüng chongnephopih” shei eteke. Shangching peülei hatü püdhüm peülei am büm yuei nyuteke.

JEREMIAH 16:11

nüngi jomphong kü hapa etuh: Mehenangkü shejema ambü ampai ngei yakphongtü lebü kahvangthü phei müei, chongphoei hatü khümpü nangkü ha vampeih shei Shembüpai enyüke. Jomi ngei yakphong hatü ngelei shahkung nebang.