SHAHPHENBÜTHÜ 2:10 - DAÜLANGPÜ LAIHING (BSI)

¹⁰ Hapa denshat kübü shennyakthü peü didai, hatü denja pheihathüi Israel am shingvaishi Shembüpai mehe dük, ha betük.

SHAHPHENBÜTHÜ 2:10 Referans Kwoze

1 SAMUEL 2:12

Elilei cheha nyiyü nemeipü shennyak nyu; jijinyi-i Shembüpa kü ie kü neshih,

MÜLANGPÜ 5:2

“Ngei büpalei ven bangei Israel am leishihhenü üpa Shembüpa ang? Shembüpa, üpa shangkü ngei nenying hatü ngei Israel am neleishihpih” shei Pharaoh-i e.

TITUS 1:16

Jomi Kahvang nyingnyeih shei enyüke, shejao jomei doui büpa yaktüknyüke. Jomphongü jiühitbenüng, ven nedanpü hatü doumei shingvaishi mounghibhang kü nejiüpüthü nyüke.

PHONGSHANTHÜ DOU 13:36

Mehenangkü Davidi büpalei den kü Kahvangei mükhong dükpheikü büpa di, chebü chepa am mü mahng vü, hatü büpalei büm mahngshalei shedai.

JEREMIAH 31:34

Hajük kü shennyak hüki laophülei chingyowpa kü, nevaijü shennyak hüki laophülei jeihinaü kü, ‘Shembüpa nyingtuh’ shei nenyuhteihen; mehenangkü maanpü kübü longpü thahshi jom peüi ngei nyinghen. Mehenangkü ngei jomei mang tükhen, hatü hajük kü jomei mang deih-ei nedangpih” shei Shembüpai enyüke.

ISAIAH 5:12

Jomei mohitap kü harp hatü lyre vüngei, tambourin hatü liping vüngei nyunyüke, shejao jomi Shembüpalei douthü kü ieyeilemei neshiü nevaijü büpalei lakdouthü kü dhüm shuohpü neshiü.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

2 SAMUEL 7:12

Nüngei hantet kemei dijü nüngü nüngei bühipa mü vüphahen; nüng pheikü nüngei hühiha nüngei büm kübü vamhühen, hatü ngei büpalei ongching ong uoshing denshing linghen.

2 THESALONIKA 1:8

Hapayü Kahvang nenyingpüthü hatü jenei Shembüpa Jisulei shahjangmei nebangpüthü kü bhüh yemhen.

JEREMIAH 22:16

Büpai taopa hatü nehahneyingpüthü kü jiüpü shahhing dükpeih, hanangkü büpa mü lemphüli meishi nyuhampeih. Ngei nyingtuh shei epeyü ha nevaipü je shei Shembüpai enyüke.

JEREMIAH 9:3

Jomi jomei yei pülah kei komaoknyüke, Jomü shahhing shing nevai, shahshem kü wong kohshi longnyüke; mehenangkü jom ten kübü ten dükei dainyüke, hatü jomi ngei nenyingnyu shei Shembüpai enyüke.

JOB SHAHSHA APPÜ 21:14

Jomphongi Kahvang kü, “Ham mongpükei nyuhen hih! Hami nüngei lemthü nyinghen napü neshiü,

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

BHEI-IE 27:13

Nüngi hapa eepheikü nüngao anjei Aaron keiha dihen;

KAHBHAO 49:33

Mechem Jakobi chehathü kü ha eyei kempa, büpai lüngei la temei an, hatü büpa mongdang shemdai.

KAHBHAO 25:8

Abraham viüei meishi behe leiyei den luei nyutü di.

KAHBHAO 15:15

Shejao nüng payü chingmei kü den luei nyutü diyei vühen.

KAHBHAO 25:17

Ishmael yangnyu den bong 137 nyutü di.

MÜLANGPÜ 1:6

Nyuei daiyangkü Joseph hatü büpalei chejeihijei am hatü yienhihien peü didaikem.

MÜLANGPÜ 1:8

Hahepak kü Joseph jung meheyao nenyingpü ongpa ja hüki Ijip kahdok kü ong vaiteke.

JOSHUA 24:31

Israel ami Joshua yemmü nyupü thahshi, hatü Joshua phei kü nyupü behethü üami Israel am shingvaishi Shembüpai dükpü douthü nyingei nyu, hathü nyupü thahshi Israel ami Shembüpa chongphoteke.

JEREMIAH 9:2

Oh ngei paoh bhih kahdokei yendai am paümhen shing nyulangmeyü, ngei ngelei nanglakthü tuhphongtü lüdaihah shepeih. Jom peü mükbungjuyungpüthü, hatü peileipüthü mon nyüke.

JEREMIAH 9:5

Jom peü laophülei chingyow kü lueilemnyüke, hatü üpaiyao shahhing ne-enyu; Jomi jomei yei shahshem ehen nyuhtüktü nyüke, Jomi mang thahnyüke hatü haleipü mong lepei leihen longi wongshi nyüke.

LUK SHAHSHA APPÜ 20:32

Shompülei hapa nyühaao didai.