SHAHPHENBÜTHÜ 18:4 - DAÜLANGPÜ LAIHING (BSI)

⁴ Büpai jomphong kü, “Mikah-i mehe dük ha eshuohteke, hatü büpai ngei kü lop shuohnyeih hatü ngei büpalei ngongpa vainyüpeih” shei eteke.

SHAHPHENBÜTHÜ 18:4 Referans Kwoze

SHAHPHENBÜTHÜ 17:10

Mikah-i büpa kü, “Ngei mü nyushah. Nüngü ngelei pa hatü ngongpa vaikütuh, hatü ngei nüng kü vangbong kü ngin an, ashakviha hatü hahying yahphahen hih” shei e.

2 PETER 2:3

Jom hahnempai jomei lupülempü shahthüi am leipü thüei jom nanglei danghen. Jom khüei shahphenhen shelei mebü temei nyüke, hatü jom mahtükhühen Hük shishi nenyu.

TITUS 1:11

Jomphongü shah ne-e-i nendaihen vongbong; mehenangkü jomi nyuhhen nejiüpü douthü nyuh-ei shemongshathü kemei lomohhünyüke, hatü hayü jomi shahhing ne-epü nanglei danghen nangkü düknyüke.

1 TIMOTI 3:3

yiü yingpü am nevai, iy-aongmashapü am nevai shejao inyainyempü, nedenelaopü, hatü lop kü nebampü am vaihen vongbong.

PHONGSHANTHÜ DOU 20:33

Ngei üpalei hon hi ngin nevaijü ashakviha kao mük nehühnyih.

MALAKI 1:10

Ngelei moidü kü yahlak neshiüpü aw nejakteihen shingvaishi Oh, amphong khongkü hüki phopshem sha küptüktuh! “Ngei amphong kü mongneongnyih hatü ngei ammei lak leipü moila neyahpih” shei Shembüpa Kahvangi enyüke.

EZEKIEL 13:19

Nük lakbaoh hük nangkü hatü aan bhaok hük tata kü ammi ngelei nanglakthü touei ngelei men yaüteke. Dihen nejiüpüthü jütük, yemmü nyuhen neshangpü yemmü tuhnyüke. Ammi ngelei nanglakthü kü shahshem enyüke hatü jomi ha kü hinglemnyüke.”

ISAIAH 56:11

Jomü mechemao moh nemeipü hahnempü shi khih. Jomphongü kon neshiüpü mi yombüthü; Jom peü laophülei lem kü mon lüdaikemnyüke, peüi laophü nanglei danghen lem mon yemnyüke.

KANDOK 28:21

Dhe veiyei dou dükpeyü nemei, shejao haneiyü nük omhük tata kü nejiüpü düknyeih.

SHAHPHENBÜTHÜ 17:12

Hanangkü Mikah-i Levi am nethepa büpalei ngongpa vaihü, hatü büpa Mikahlei shemei nyu.

SHAHPHENBÜTHÜ 18:3

Mechem jomphong Mikah am shemei paümpa, jomphongi Levi am nethepalei ngeü danei jomphongi heih-ei büpa kü, “Nüng hatouei üpai müei peipa? Nüng hatouei mehe düknya? Nüng hatouei mehe heshap nyunya?” shei pheteke.

SHAHPHENBÜTHÜ 18:5

Hahepak kü jomphongi büpa kü, “Hamphongi deihshi daipü yendai lem kü aokpü dangülashang Shembüpa kü phekütuh” shei e.