SHAHPHENBÜTHÜ 16:6 - DAÜLANGPÜ LAIHING (BSI)

⁶ Hanangkü Delilah-i Samson kü, “Nüngi hajük wong meleipü dangnya, hapa shahjo ngei kü eshih. Hanei ami nüng yepei shatü wong nekoh-i leitükhüjü mekei mekei dükhen eshih” shei eteke.

SHAHPHENBÜTHÜ 16:6 Referans Kwoze

MIKA 7:5

Ammi chingnyü kü hingtelem, ammei küphü hük kü mongtelem. Nüngei nyüha touei dangkao mehe enya nüngi lituh, hatü nüngei ju yomtuh.

MIKA 7:2

Kahmük kübü Kahvang shennyak mahdaikem, hatü daülangpü shennyak hükao hangku khongkü aoei neshiü. Shennyak peüi iy-aongmashateihen mon danei nyüke. Peüi banghhikang kü laophülei jeihinaü vüshihnyüke.

KANDOK 26:28

Shahshem epü yeijaangi mongkü ma yahpüthü kü jiühitnyeih, hatü yawhpüyangpü jubeni lomoh danghünyeih.

KANDOK 22:14

Mongnehingpü nyühalei ju-ü chülohpü kahsha; Shembüpai mongshihhahpü shennyak halei vühen.

KANDOK 7:21

Pinnyülei yawhshah-i büpa yawhlang; pinnyüi inyainyiami epai büpa nganlang.

KANDOK 6:26

Büm yupülei lat-ü aan bhaok hük mon, hatü mükbongjuyunglai nüngei yangnyu hahtüknyeih.

MENVIH KESHO 12:2

Jom hüki hük mü shahshem enyüke; jom yawh-eiyangei hüki hük mü ühingteinyüke.

SHAHPHENBÜTHÜ 16:5

Philistia am ongthü jom nga peiyei pinnyü kü, “Samson mekei etü meleipü wong dangnya, hapa shahjo nüngi büpa kü yawh-ei nyingkütuh; shejüang jeni büpa yepei shahen, hatü jeni büpa wong nekoh-i leitükhen. Nüngi hapakei dükjema ham peüi nüng kü ngin haja hük mü kho hükbaong yahphahen hih” shei eshuohteke.

SHAHPHENBÜTHÜ 16:7

Samsoni pinnyü kü, “Hanei ami ngei kü nevanpü pülahvü nyet yah-ei shaphüjema, ngeiyü lebü shennyak kei-üng wong nekoh-i leikahen hih” shei e.

SHAHPHENBÜTHÜ 14:17

Pinnyüi nyih nyet mo yangkemei thepteke. Hanangkü nyih nyetpabü shompülei pinnyüi ahshi nyeanshuohpü nangkü büpai pinnyü kü ha eteke.

NEHEMIAH 6:4

Jijinyi-i hapakei alipa thahshi shah shom, hatü ngeiyao jiji kü hapakei alipa thahshi shanlei.