SHAHPHENBÜTHÜ 16:5 - DAÜLANGPÜ LAIHING (BSI)

⁵ Philistia am ongthü jom nga peiyei pinnyü kü, “Samson mekei etü meleipü wong dangnya, hapa shahjo nüngi büpa kü yawh-ei nyingkütuh; shejüang jeni büpa yepei shahen, hatü jeni büpa wong nekoh-i leitükhen. Nüngi hapakei dükjema ham peüi nüng kü ngin haja hük mü kho hükbaong yahphahen hih” shei eshuohteke.

SHAHPHENBÜTHÜ 16:5 Referans Kwoze

SHAHPHENBÜTHÜ 14:15

Nyih alipabü kü jomi Samsonei chenyüha kü, “Ham kü hapa shahlap ephahen ambaha yawhkütuh, hei nevaijema hami nüng hatü ampa am shem awi haptükhen. Anjinyi-i ham lomohhününg nyükpü je?” shei e.

JOSHUA 13:3

‘Ijip kü heongphi Shihor kübü apshaphi Ekron viong thahshi, hathü kü Kanan am shei enyüke; halei Philistia am ongthü, Gaza, Ashdod, Ashkelon, Gath hatü Ekron kü nyüke’, hatü Avvim amei kahdokthü,

MATHI 26:15

“Ngei amphong kü büpa lanei shuohjü ammi ngei kü mehe shuohhen?” shei e. Hanangkü jomphongi büpa kü ngin hapüan ieyei shuoh.

MIKA 7:3

Jomei laki mehe ten, ha longi manshi düknyüke; Ongthü hatü shahphenbüthüi yawhdou yünyüke, hatü longhiongthüi jomi ehüpükei ten enyüke, hatü jom peü chemi phaüshah shownyüke.

1 SAMUEL 29:6

Hahepak kü Akhish-i David kü nyükei, “Vanyangyem Shembüpalei men kü ngei enyeih, nüng ngei mü nyupü thahshi shahhing kü nyupeih hatü nüngi ngei mü chemi vehokei daiyei hokhenao ngei mongongshi deihnyeih; mehenangkü nüng ngei touei peiküpü nyih kübü shinnyih thahshi nüng kü nejiüpü meheyao ne-eeangpih, shejoongpa veshan mübüthüi nüngao omshi daihen nemongnyu.

SHAHPHENBÜTHÜ 17:2

Büpai chenyü kü, “Nüngei ngin kho anpühük yahlangpü nangkü nüngi ngei danshi thaüvaüei danpeihhapa nginü ngei yahpeih; ngelei lakei nyupeih shejao ngei ha nüng kü leiphünyeih” shei e. Hahepak kü chenyüi, “Ngelei hapeü! Shembüpai moihimantuh” shei e.

SHAHPHENBÜTHÜ 3:3

Hathüyü Philistia am vanglem lempüthü nga: Kanan am, Sidon am, Hiv am peü Lebanon Kahshang kü Baal-hermon kahshang kübü Lebo Hamath thahshi nyupüthü shiüteke.

KAHBHAO 33:16

Hanangkü ha nyih Esau Seir yemei leidai.

SHAHPHENBÜTHÜ 16:4

Hapheikü Samsoni Sorek Kahjilei nyupü nyüha hük meni, Delilah mü bamteiteke.

SHAHPHENBÜTHÜ 16:6

Hanangkü Delilah-i Samson kü, “Nüngi hajük wong meleipü dangnya, hapa shahjo ngei kü eshih. Hanei ami nüng yepei shatü wong nekoh-i leitükhüjü mekei mekei dükhen eshih” shei eteke.