SHAHPHENBÜTHÜ 16:24 - DAÜLANGPÜ LAIHING (BSI)

²⁴ Mechem nanglakthüi büpa eepa, jomi jomei kahvang kü menvih-ei eteke: “Jenei kahmük lomohhüpü hatü nanglak longi jütükpü jenei vepa, jenei kahvangi jen kü shuohteke.”

SHAHPHENBÜTHÜ 16:24 Referans Kwoze

DANIEL 5:4

Mechem jom yiüi chokkempa, jomi hon, ngin, melangnyiam, nyiam, pü hatü yaongi lingpü kahvangthü men long.

SHAKEI VAMPÜ 11:10

hatü kahdoknyü kü nyupüthüi jom shak kü mongongteihen hatü moeitapei thintho jeiteihen; mehenangkü hapa thibü nyi-i kahdoknyü kü nyupüthü kü longi shüveiteke.

HABAKKUK 1:16

Hanangkü büpai büpalei shang kü jakpü moila shuohnyüke, hatü büpalei shuwha kü ayingshü jakei khümnyüke; mehenangkü hathü homei jomei shünyü latei nyunyüke, hatü hetmei dangnyüke.

DANIEL 5:23

Ha nang jeiyei, nüngi laophü nyingi vangsho Kahvang khüei yaongnyüke. Nüngi büpalei Phopshem leipü yungshongthü yah-ei nüng hatü nüngei chinglong chingvangthü, nüngei nyühathü hatü nüngei yiükphüthüi hathü kü yiü yingteke. Nüngi hon hatü ngin, melangnyiam, nyiam, pü hatü yaongi lingpü mük ne-eepü, nevaijü nedanpü nevaijü nenyingaokpü kahvangthü men longteke. Shejao Kahvang, üpalei laki nüngei yangnyu hatü nüngei lemthü shümshi nyüpa, büpa kü nüngi dhüm neshuoh.

EZEKIEL 20:14

Shejao ngei ngelei men kü, jatthü eeshi ngelei men netenhen shingvaishi, jomi eeshi ngei Israel am müei lüdaipü nangkü ngei ha nedükpeih.

ISAIAH 37:20

Oh Shembüpa, hamei Kahvang, kahdoknyü ongchingthü peüi nüng monha Kahvang khih shei nyinghen shangmü nüngi büpalei lakmong leipü ham yangshih, Oh Shembüpa” shei phop.

1 SHÜPPÜKENGPÜ 10:9

Jomi büm kemei bomei yah hatü büpalei shangjing dakei lahhilaong peü yahtü Philistia kahdok peü lemei jomei lajei hatü nanglakthü touei hapa shahjang koei shahjang kobüthü shom.

1 SAMUEL 31:9

Jomi büpalei shangjing dakei, büm kübü büm-ow nyiukei yah, hatü Philistia kahdok peü lemei jomei lajeithü hatü nanglakthü touei shahjangmei koei phongmokbüthü shom.

SHAHPHENBÜTHÜ 15:16

Hanangkü Samsoni hapakei kesho lokteke: “Gadulei shahvangi mahng kü mahng chetei shüngteke, Gadulei shahvangi ngei shennyak haja jüteke.”

SHAHPHENBÜTHÜ 15:8

Büpai longi nemei-i jom mü hok, hatü jom longi jütük, hatü büpa daiyei Etamei yaongvak hükei yaongshalei joshi nyu.

SHAHKÜP 32:27

Shejao jomei vepathüi pungei, “Hamei laki jom neütükpeih, Shembüpai hathü nedükangpih” shei changmeihen khih shei ngei yingei deihküpeih.

SHAHPHENBÜTHÜ 16:25

Mechem jom mongongmongleyei nyupa, jomi, “Samsoni jen kü nyemnyienkününg müei ankei” shei e. Hanangkü jom khoklat leipü Samson nyükei anei Samsoni jomphong kü nyienjateke. Jomi büpa shemnyü hi shemnyü nyi aa kü yaonghü.

MENVIH KESHO 97:7

Yaongnaüyathü kü khümpüthü peü, hatü yahlak neshiüpü lajeithü kü khümpüthü peü veühühen; kahvangthü peü büpa kü aümei khümtuh.

SHAHPHENBÜTHÜ 15:14

Mechem büpa müei aongei Lehi ngoijapa, Philistia ami lenyaki mokei büpa touei heih, hatü Shembüpalei laangha büpa kü pei, hatü büpalei lak kü shapü vü hahtang kü aw bahpükei leidai, hatü büpalei lak kü shapü vü kemei phendaikem.