SHAHPHENBÜTHÜ 16:20 - DAÜLANGPÜ LAIHING (BSI)

²⁰ Hahepak kü pinnyüi, “Samson! Philistia am peikünyüke!” shei büpa kü nyük. Büpa shipü pao, hatü sheleipü kei-üng daiaokhen shei deihshejao Kahvang büpa toueipü yandaiteke shei büpai nenying.

SHAHPHENBÜTHÜ 16:20 Referans Kwoze

1 SAMUEL 16:14

Sheyü Shembüpalei laangha Saul kübü lüdai hatü Shembüpai mang laangha shomei büpa kü shüvei.

1 SAMUEL 18:12

Saulü David kü nyem, mehenangkü Shembüpa David mü nyu, shejao Saul kübü yandai.

JOSHUA 7:12

Hanangkü Israel ami vepathü khüei neyangaoki nyemei nyaipü khih; hanangkü jomphongao mahhen shangteke. Ngei teyah shei epü dou amphongi nemangtükpü thahshi ngei am mü nenyuküpih!

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

2 KORINT 3:5

Hapa dükaokpeyü ham kübü vampeih shei ham nyingi meheyao ehen neshiü; hami dükaokpeyü Kahvang leipü nyüpeih.

HOSEA 7:9

Mih jati jomei wong lühtükteke, shejao jomi ha nenyingaok, Shosho pungdailangmao hapa neyaoaoknyu.

ISAIAH 42:24

Üpai Jakob aetpüshepüthü kü, hatü Israel am gühpathü kü shuohtükpa? Jeni büpa khüei mang thahpü nangkü, büpalei lemthü kü nekampü, hatü büpalei shahkungthü nebangpü nangkü Shembüpai shuohtükpü nevaipü je?

SHAHPHENBÜTHÜ 16:14

Hanangkü mechem büpa shidaipa, Delilah-i büpalei sho lemnyet vü mü lepei bhawtü, kojal kü nyeanei shateke. Pinnyüi büpa kü, “Samson! Philistia am peikünyüke!” shei büpa kü nyük. Shejao büpa paoshingkü vü mü kojalao leüh-ei paoteke.

MATHI 17:20

Büpai jomphong kü, “Am vaipü maanpü nangkü hih. Ngei am kü enyeih, am kü haoyangvang shük dangkao hinglempü nyujema, ammi hapa kahshang kü, ‘Hatoueipü antolei shindaituh’ shei eshuohjü ha shindaiphahen; hatü am shingvaishi neaokbenüng meheyao nechongkahen.

MATHI 17:16

Ngei nüngei nanglomthü touei deijapeih, shejao jomphongi büpa nemeiaokpeih” shei e.

SHAHPHENBÜTHÜ 16:9

Pinnyüi dungnukei shennyak hanei joei tuhtü pinnyüi, “Samson! Philistia am peikünyüke!” shei büpa kü nyük. Shejao aw kü jakjü vilah phenpükei hapa pülahvü phendai. Hanangkü jomphongi büpa kü wong meleipü vamnya, neyepaok.

SHAHPHENBÜTHÜ 16:3

Shejao Samsoni halei nyak jiam thahshi mon paümtü büpai paoei chingnyü penyüsha kü düktü ha mü chemi shaden, shemnyü halei yüppü tala peü omshi leühteke. Büpai hathü büpalei bhagchongei paitü Hebron philei meepü shangtaolei aong.

SHAHKÜP 32:30

Mekei bahüki haja hük kü neüaokpa, nevaijü pa nyi moni haja an mü hokaokpa? Hapayü jomei Yaongi jom tuhphongpü nangkü, hatü Shembüpai jom yaktükpü nangkü khihma.

BHEI-IE 14:9

Shembüpa khüei mon teyaongkei, hatü hapa kahdok leipü shennyakthü kü tenyemkei; mehenangkü jeni jom neüaokshasha hih. Shembüpa jen mü nyüpeih, hatü jom yangpü jomei kahvangthü neütükteke; hanangkü tenyemkei” shei eteke.

SHAHPHENBÜTHÜ 16:19

Delilah-i yawh-eiyangei pinnyülei shüngdok shangei Samson shinshihtü shennyak hük nyükei büpalei shodü nyetphen kuptük, hatü büpa wong nekoh-i lei; mehenangkü büpalei wong mahdai.

SHAHPHENBÜTHÜ 16:21

Hahepak kü Philistia ami büpa yepei sha, hatü mük luktüktü Gazalei müei yiü. Büpa kü melangnyiam vü shatü khoklatei kon kü hah ngümhüei angteke.

1 SAMUEL 18:10

Nyihphei Shembüpai Saul kü mang laangha hük shom. Davidi nyingnyoi kü kei harp vüngei nyushingkü Saulü shemei boeilengei nyu. Saulü phung hük noshi nyu;