SHAHPHENBÜTHÜ 15:6 - DAÜLANGPÜ LAIHING (BSI)

⁶ Hahepak kü Philistia ami, “Üpai hapa dükpa?” shei pheteishingkü jomphongi Timnah am shennyakei cheshongpa, Samsoni chenyüha büpalei küphüthü kü shuohtükpü nangkü dükpüja shei ejateke. Hanangkü Philistia ami aongei chenyüha hatü chepa nyiphen aw kü jakei jütük.

SHAHPHENBÜTHÜ 15:6 Referans Kwoze

SHAHPHENBÜTHÜ 14:15

Nyih alipabü kü jomi Samsonei chenyüha kü, “Ham kü hapa shahlap ephahen ambaha yawhkütuh, hei nevaijema hami nüng hatü ampa am shem awi haptükhen. Anjinyi-i ham lomohhününg nyükpü je?” shei e.

1 THESALONIKA 4:6

hatü ha tata kü üpaiyao jeihinaü nevaijü nyahinaü hük kü nejiüi tedük; mehenangkü shelei hami am kü epü hatü shahvüng shuohpükei Shembüpai hapa keipü mangthü peü shing shennyakthü kü hanghi shuohhen.

KANDOK 22:8

Üami shahshem hainya, jomi shanghah vethen, hatü mih kü shüveipü nyiamlüng bhagdaihen.

SHAHPHENBÜTHÜ 12:1

Ephraim am Zaphonei heih-ei Jephthah kü, “Ammon am khüei hokhen shingvaishi chemi daihen ham kü nenyüki nüng mehekei daipa? Hanangkü hami nüng mongei uohütü nüngei shem awi haptükhen hih” shei e.

SHAHPHENBÜTHÜ 15:5

hatü ha kü aw bahhütü Philistia amei kah menei nyupü kü veyei deishih, hatü vetei shüngpü hah mon nevai, yaongshi nyupü hah, nyalingngupai hatü olive kah kemei shamtük.

SHAHPHENBÜTHÜ 15:7

Samsoni jomphong kü, “Amphongi hapakei dükpü nangkü ngei am kü bhüh yempü nedohpih” shei e.