SHAHPHENBÜTHÜ 15:19 - DAÜLANGPÜ LAIHING (BSI)

¹⁹ Hanangkü Kahvangi Lehilei kahsha hük aphütü haleipü yung vamhü. Samsoni hapa yung yingtü wong koh. Hanangkü hapa yungkuk kü En-Hakkore shei menteke, hatü hapa shinnyih thahshi Lehilei nyüke.

SHAHPHENBÜTHÜ 15:19 Referans Kwoze

ISAIAH 44:3

Yung nedangpü kahdok kü ngei yung yahphahen, hatü kahngadok kü yungyenthü yenhühen; Ngei ngelei laangha ammei hühihathü, hatü ngelei moihiman ammei lihilathü kü khüpphahen.

KAHBHAO 45:27

Shejao mechem Joseph-i jomphong kü eshuohpü peü ejapa, hatü mechem Joseph-i büpa müei yiühen khari shompü eepa, Jakobei laangha mongyangei lei.

MENVIH KESHO 34:6

Taopai nyük, hatü Shembüpai büpai nyükpü dan; büpai shanghah peü kübü büpa yang.

ISAIAH 40:29

Büpai nyiupünangpüthü kü wong, hatü wong nekohpüthü wong kohhünyeih.

ISAIAH 40:26

Vangsho philei ngangei veituh: Üpai hathü lingpa? Büpai lithathü hük hük ieyei kü men menei nyüke. Büpalei ngan hatü wong longpü homei hathü hükao nemahtüki nyüke.

MENVIH KESHO 120:1

Ngei shanghahpü nyih ngei kü jangphahen shingvaishi ngei Shembüpa kü lennyeih.

1 SAMUEL 30:12

hatü adhajüki lingpü aan, hatü nyalingngupai van hahhen shuoh. Büpai hathü hahtü aeipü meiyei wong koh, mehenangkü nyih jem ya jem thahshi büpai mehe hahyingao nehah-i nyu.

MÜLANGPÜ 17:15

Mosai moidü hük ling, hatü hapa kü, “Shembüpa, ngelei Khüamlung” shei men.

KAHBHAO 30:30

Ngei peishekü nüng maani angpü sheyü longi dateke, hatü ngei melei nyu, Shembüpai nüng kü moihimanteke. Shejao shaang ngei ngelei shemong shing mechem dükhahhen?” shei e.

KAHBHAO 28:19

Hapa chingnyü kü Luz shei menlangmao büpai hapa shing kü Bethel shei men.

KAHBHAO 16:13

Hanangkü pinnyü mü shah eteipü Shembüpa kü pinnyüi, “Nüngü El-roi; mehenangkü pinnyüi, ‘Ngei kü veipü Kahvang ngeiyao shaang büpa eetepih’ ” shei e.

BHEI-IE 20:11

Hahepak kü Mosai büpalei lak noei antü lenshuoh yah-ei hapa yaong kü nyipa bheiteke. Haleipü yung bhaoei vam, hatü nanglakthü hatü jomei yemhimakthüi ha yung yingteke.

SHAHPHENBÜTHÜ 15:9

Hapheikü Philistia am aongei Judahlei baümtap vetü Lehi ching hahtük.

MENVIH KESHO 50:15

Shanghahpü nyih ngei kü nyüktuh; ngei nüng yanghen, hatü nüngi ngei müknyinshekhanghen.

MENVIH KESHO 110:7

Büpai lemei yaongtü yungyen leipü yinghen, büpa aokpü danghen.