SHAHPHENBÜTHÜ 15:14 - DAÜLANGPÜ LAIHING (BSI)

¹⁴ Mechem büpa müei aongei Lehi ngoijapa, Philistia ami lenyaki mokei büpa touei heih, hatü Shembüpalei laangha büpa kü pei, hatü büpalei lak kü shapü vü hahtang kü aw bahpükei leidai, hatü büpalei lak kü shapü vü kemei phendaikem.

SHAHPHENBÜTHÜ 15:14 Referans Kwoze

SHAHPHENBÜTHÜ 14:19

Hahepak kü Shembüpalei laangha büpa kü pei, hatü büpa Ashkelonei yiüei shennyak hapüan jütü jomei büm-ow nyiukei büpa kü shahlap eshuohpüthü kü shuoh. Mongshih-ei büpai chepalei shemei leidai,

MENVIH KESHO 118:11

Jomi lem peü philei ngei tapteke, shejao Shembüpalei men kü ngei jom jütükpeih.

1 SAMUEL 17:35

ngei hapheikü jaoei daiyei jühampeih hatü mi yangei leihampeih. Mechem shahnyü sheptao-i ngei kü shüknüng laongkahenshang, üng kü düktü yepei bheiyei jühampeih.

1 SAMUEL 11:6

Mechem Sauli jomphongei shah dan, büpa kü Kahvang laangha ngan pei, hatü büpa longi mongshih.

SHAHPHENBÜTHÜ 14:6

Shembüpalei laangha büpa kü peiyei büpai hapa mailang lakhingi yum cheha hük shaakpükei shaaktük. Shejao büpai mehe dük, ha chenyü hi chepa nyi kü ne-eja.

SHAHPHENBÜTHÜ 3:10

Shembüpalei laangha yiüei büpa kü bak, hatü büpa vehokei dai, hatü Shembüpai Aram amei Kushan-Rishathaim ongpa Othnielei lak kü shuoh-ei büpa neütük.

PHILIPPI 4:3

Hih, ngei am kao phenyeih, ngei mü pang hük paipü, hapa nyüha nyi kü sheühtuh; mehenangkü shahjang meipü dousho nangkü ngei mü jiji hatü Klement hatü chemi chongphopüthüi kheyei düktepih, hatü jomei men yangnyu laitap kü nyangei nyüke.

ZEKHARIAH 4:6

Büpai ngei kü, “Hapayü Zerubbabel kü Shembüpai epü shah nyüke: ‘Wongi nevai, ngani nevai shejao ngelei laanghai’ shei Jeiyong Shembüpai enyüke” shei e.

MIKA 7:8

Oh ngelei vepa, nüngi ngei kü naamnyi tenyima; Ngei dolangmao shao ngei paokahen; Shaang ngei vangnyak kü nyulangmao, Shembüpayü ngelei vangngai vaihen.

MENVIH KESHO 18:34

Büpai ngei kü vehok hokhen nyuhphünyeih; shejüang ngelei laki melangnyiam lah küaokhen.

JOB SHAHSHA APPÜ 20:5

Nemeipü amei mongongmongleyü shohloh-i mon nyunyüke, hatü Kahvang nenyingpü amei mongongü kansho hük shing mon;

1 SAMUEL 4:5

Mechem Shembüpalei Vangpüshuwpü Pela leiyei baümtapei shüpa, Israel am peü yaongei kahdokao jenshi lenteke.

SHAHPHENBÜTHÜ 16:24

Mechem nanglakthüi büpa eepa, jomi jomei kahvang kü menvih-ei eteke: “Jenei kahmük lomohhüpü hatü nanglak longi jütükpü jenei vepa, jenei kahvangi jen kü shuohteke.”

SHAHPHENBÜTHÜ 16:12

Hanangkü Delilah-i vü ja hanei yah-ei büpa kü meishi shateke. Pinnyüi dungnukei shennyak hanei joei tuhtü pinnyüi, “Samson! Philistia am peikünyüke!” shei büpa kü nyük. Shejao büpai hapa vü vilah phenpükei phentük.

SHAHPHENBÜTHÜ 16:9

Pinnyüi dungnukei shennyak hanei joei tuhtü pinnyüi, “Samson! Philistia am peikünyüke!” shei büpa kü nyük. Shejao aw kü jakjü vilah phenpükei hapa pülahvü phendai. Hanangkü jomphongi büpa kü wong meleipü vamnya, neyepaok.

SHAHPHENBÜTHÜ 5:30

Jomi vehok kü yahpü douhinang, hatü veshan pabüm ieyei nela hük nevaijü nyi; Sisera shing shemmei ashak, hatü onglanyü shing üng kü ngeihhen hiupü ashak hanteiyei shiühen.

MÜLANGPÜ 14:5

Mechem Ijip ongpa kü nanglakthü nyaidaiteke shei eshuohpa, Pharaoh hatü büpalei lakchongbüthüi nanglakthü nangkü jomei mong yeiyateke hatü, “Jenei dou dükteipü jenei aa Israel am nyaidaihen mü jeni mehe dükhahpa?” shei etei.

MÜLANGPÜ 14:3

Pharaoh-i Israel amü ai mah-ei longteinyüke, hatü jahpanei nyüke shei deihhen.

SHAHPHENBÜTHÜ 15:13

Jomphongi büpa kü, “Hamphongi nüng nejütükpih, shejao yepei shatü mon jomei lak kü shuohhen hih” shei eshuoh. Hanangkü jomphongi vü nyi yah-ei shatü yaongvak leipü yah-ei aong.

SHAHPHENBÜTHÜ 15:9

Hapheikü Philistia am aongei Judahlei baümtap vetü Lehi ching hahtük.

1 SAMUEL 10:6

Ngangahük kü Shembüpalei laangha ngani nüng kü yephen, hatü nüngao jom mü teteivanei ehen hatü nüngü hayaoha shennyak kei yeiyadaihen,

1 SAMUEL 10:10

Mechem jomphong Gibeah ngoipa, thibüthü khong hük daijapü büpai heü, hatü ngangahük kü Kahvang laanghai büpa kü bak hatü büpa-ao jomphong mü phaukteitungteiyei teteivanteke.