SHAHPHENBÜTHÜ 13:6 - DAÜLANGPÜ LAIHING (BSI)

⁶ Hahepak kü hapa nyühai chepaha touei heih-ei büpa kü, “Kahvang shennyak hük ngei touei peiküpeih, hatü büpayü veiheni Kahvangei phongshan kei nyemshi shüke; büpa kü meleipü peiküpa shei ngei nepheshuoh-angpih, hatü büpai büpalei men ne-ephaangpih;

SHAHPHENBÜTHÜ 13:6 Referans Kwoze

1 SAMUEL 9:6

Shejao naüi büpa kü, “Hapa jilalei Kahvang shennyak hük nyüpeih; büpayü mih peüi longi dhüm kohshi noteinyeih. Büpai epü peü jiüshi khan vamnyuja. Jiyao halei heihshah; üpai nyingpa, ji melemei yemhen ephanüng aokpeih” shei e.

SHAHKÜP 33:1

Hapayü Kahvang shennyak Mosai büpa didaishekü Israel am kü moihiman shuohpü nyüke:

SHAKEI VAMPÜ 1:17

Mechem ngei büpa eepa, mahng kei ngei büpalei la tüngei doei shük. Shejao büpai ngei kü büpalei lakdah-i düktü, “Nüng tenyem; ngeiyü chongpangpü hatü dohpü;

PHONGSHANTHÜ DOU 6:15

Shahtapei uopüthü peüi büpa kü hüngei vei, hatü jomi büpalei dheyü vangsho phongshanei dhe kei eeteke.

LUK SHAHSHA APPÜ 9:29

Mechem büpa phopei nyupa, büpalei dhe veihen jeileidai, hatü büpalei büm-ow klang nyeppükei nyaei lei.

LUK SHAHSHA APPÜ 1:19

Vangsho phongshani büpa kü, “Ngeiyü Gabriel hih. Ngeiyü Kahvang touei yaongshi nyunyeih, hatü ngeiyü nüng kü ha ehen hatü nüng kü hapa shahjangmei kohen shompeih.

DANIEL 10:11

Büpai ngei kü, “Bampü Daniel, ngei nüng kü epü shah kü mong shuoh-ei bangtuh. Nüng yaongtuh; mehenangkü ngei nüng touei shompü khih” shei e. Mechem büpai ngei kü ha epa, ngei kheüyaki yaongteke.

DANIEL 10:5

Ngei ngangei veishingkü shennyak hük nyemin ashak ümtü büpalei shüngshep honi mon sheptü eeteke.

DANIEL 8:17

Hahepak kü Gabriel, ngei touei peiyei yaongküteke, hatü ngei nyempai kahdokei doei sha. Shejao büpai ngei kü, “Oh dipü mahpü hangkuli, hapa lappü nyingtuh. Hapa manghkhangü kahdoknyü dohpütenpü jung epü khih” shei e.

2 ONGPATHÜ 4:9

Pinnyüi chepaha kü, “Veihümao, düngei jenei shem lemei peih-ei laongteiküpü shennyakü Kahvang shennyak khih shei nyingnyüke.

1 TIMOTI 6:11

Shejao Kahvang shennyak nüng payü hathü peü yaktüktuh; daülangshemshepü, Kahvang nyingpü, hinglempü, bampü, munenpü, inyainyempü changei daituh.

2 ONGPATHÜ 4:16

Elisha-i pinnyü kü, “Ngüvang shaangkei yeshang hük paümshi nyuhen hih” shei e. Pinnyüi, “Nevai, ngelei shembü, nüngei chongphobü kü shahshem te-epha; Oh nüngü Kahvang shennyak hük khih!” shei e.

1 ONGPATHÜ 17:24

Hanangkü hapa vaümnyüi Elijah kü, “Nüngü Kahvang shennyak khih, hatü nüngei ju kübü Shembüpalei shah-ü shahhing khih shei shaang nyingteke” shei e.

1 ONGPATHÜ 17:18

Pinnyüi Elijah kü, “Oh Kahvang shennyak, nüngi ngei kü mehe kü khünya? Ngelei mang deih-ei danghühen, hatü ngelei hapeü jütükhen shei nüngü peiküpü je?” shei e.

1 SAMUEL 2:27

Shaang Kahvang shennyak hük Eli touei peiyei büpa kü e, “Shembüpai hapakei enyüke: Ijiplei Pharaoh ong phangkü aa vaishi nyushi ngei nüngei bühipa Aaron kü shakei vamei hutepih.

SHAHPHENBÜTHÜ 13:22

Manoah-i chenyüha kü, “Jiyü dihen shepü khih; mehenangkü ji-i Kahvang eepü khih” shei ejateke.

SHAHPHENBÜTHÜ 13:8

Hahepak kü Manoah-i Shembüpa kü, “Shembüpa, nüngi shompü Kahvang shennyak shao ham touei shomshih, hatü anghen nyupü naü mekei jungeilangei laonghen ha ham kü nyuhshih” shei phopei e.

JOSHUA 14:6

Shaang Gilgalei nyushi Judah am shennyakthü Joshua touei pei, hatü Kenizz am Jephunnehlei cheha Kalebi büpa kü, “Kahvang shennyak Mosa kü Kadesh-Barnealei nyushi ji nang Shembüpai mehe eshuoh, ha jung nüngi nyingei nyüke.

MÜLANGPÜ 3:6

“Ngeiyü ammei bühipa Kahvang, Abraham Kahvang, Isak Kahvang, hatü Jakob Kahvang hih” shei Kahvangi e, hatü Mosai büpalei dhe jolang; mehenangkü büpai Kahvang kü veihen nyemteke.

MÜLANGPÜ 3:2

Halei Shembüpalei phongshan pünien kübü awlom kei büpa touei vamteke. Mosai pünien kü aw bahlangmao hapa pünien aw-i nehah-i ee.

KAHBHAO 32:29

Hahepak kü Jakobi, “Chingmeilemlingei nüngei men eshih” shei e. Shejao hapa shennyaki, “Nüngi mehekei ngelei men phenya?” shei e, hatü halei büpai büpa kü moihiman.

KAHBHAO 18:2

Abrahami ngangei veishingkü büpa yopailei shennyak jem yaongshi ee. Büpai hathü eeyei hathü mü pongteinüng ashakshem shaden leipü mokei heih-ei kahdokei aümei shaei khüm.

SHAHPHENBÜTHÜ 6:11

Hahepak kü Shembüpalei phongshan yiüei Ophrah chingei Abiezer am Joashlei longkhampü phangei peiyei uoteke. Büpalei cheha Gideonü yiü bhitshingei Midian am kü joei wheat hah tenei nyu.

SHAHPHENBÜTHÜ 13:3

Shembüpalei vangsho phongshan pinnyü touei peiyei, “Nüngü nyülan khih, shejao nüng büm nekongi leihen hatü yeshang hük bühhen.

SHAHPHENBÜTHÜ 13:7

shejao büpai ngei kü, ‘Nüng büm nekongi leihen hatü yeshang hük bühhen hih. Shaang mü leitü yiü teying, nevaijü nedaünelangpü hahying meheyao tehah; mehenangkü naü-ü bühpü nyih kübü dipü thahshi Kahvang kü lanei shuohtükpü Nazirit shennyak hük vaihen’ shei ephopeih” shei ejateke.

SHAHPHENBÜTHÜ 13:10

Hanangkü nyühanyüi mokei chepaha kü, “Nyih hük ngei touei peiküpü shennyak hammü nyüke” shei eshuohteke.