SHAHPHENBÜTHÜ 13:20 - DAÜLANGPÜ LAIHING (BSI)

²⁰ Mechem moidü leipü awlom vangsho lemei aongpa, Shembüpalei phongshanao awlom mü lepei aongdai. Ha eeyei Manoah hi chenyüha nyi kahdokei aümei sha.

SHAHPHENBÜTHÜ 13:20 Referans Kwoze

LEVI 9:24

Shembüpa nyushing leipü aw vamei jakpü moila hatü moidü leipü cheü hahtük. Mechem nanglakthüi hapa eepa, jom peü mongongpai len, hatü dhe dhaongei shateke.

1 SHÜPPÜKENGPÜ 21:16

David ngangei veishuoh shingkü phumshang jiamei vangsho phongshani yanlu notü Jerusalem tentükhen lak yiüei ee. Hahepak kü David hatü mübüthüi dhoila ashak ümtü dhe shüshi lemteke.

2 ONGPATHÜ 2:11

Jiji shah eteiyaki kami nyushingkü ngangahük kü aw koyei khari keiha aw koyei hüki jijinyi aa kü heihtü Elijah-ü alüngleple-i vangsholei anlang.

EZEKIEL 1:28

Vang keipü nyih nyiamnyünyiamkangei ow keiha büpa shinei vangngai-i khangteke. Hapayü Shembüpalei müknyinshekhang lepü owhiai nyuteke. Mechem ngei hapa eepa, ngei hanei-i shah eyei dan.

MATHI 17:6

Mechem nanglomthüi ha danpa, jomphong kahdokei doei sha, hatü nyempai mateke.

HEBREW 1:3

Büpayü Kahvang müknyinshekhang khanghüpü hatü Kahvang mekei nyu, büpa meimei anpü, hatü douthü peü büpalei ngan shah-i shümei tuhnyeih. Büpai mangthü daühüpheikü büpa vangsholei Jeiyongpalei lakdah philei uoteke;

1 SHÜPPÜKENGPÜ 21:26

Davidi halei Shembüpa kü moidü hük ve, hatü halei jakpü moila hatü mongjempü moila shuoh. Büpai Shembüpa kü nyük, hatü Shembüpai jakpü moila shuohpü moidülei vangsho leipü aw yüshih-ei jangpü shuoh.

KAHBHAO 17:3

Hahepak kü Abrami aümei sha, hatü Kahvangi büpa kü,

DANIEL 10:9

Hahepak kü büpai epü ngei dan, hatü büpai epü kü ngei bangei dhe kahdok kü shüshi shomeiyingei sha.

EZEKIEL 1:26

Jomei shangnyüshang leipü nyiam athen kei thuhpü shangei sapphir douvang yaongi lingpü ong uoshing hük nyu, hatü hapa shangkü veiheni hangkulei deiaei kei hük uoshi nyuteke.

MENVIH KESHO 47:5

Kahvangi mongongpai lenpü ngeü chi kü, hatü Shembüpai amit vüngpü ngeü chi kü shangei aong.

SHAHPHENBÜTHÜ 6:19

Hanangkü Gideoni shemei leiyei yum cheha hük jü, hatü atta dok an yah-ei daw neshihpü aan lingteke. Büpai hapa phai mühdow kü shih, hatü haoyung dük hük kü shihtü koei daiyei hathü Shembüpa kü longkhampü phangei shuoh.

SHAHPHENBÜTHÜ 6:21

Hahepak kü Shembüpalei phongshani büpalei lak leipü lenshuohjaangi phai hatü aan kü hong, hatü yaong leipü aw vamei phai hatü aan hahtük, hatü Shembüpalei phongshan büpa toueipü mahdai.

1 SHÜPPÜKENGPÜ 21:21

Hapheikü David hatou ngoi; Araunah-i veishuohjü büpa eeyei hahten shing leipü heih-ei büpalei dhe kahdok kü shüshi aümei sha.