SHAHPHENBÜTHÜ 12:6 - DAÜLANGPÜ LAIHING (BSI)

⁶ jomi büpa kü, “Shibboleth” shei etuh shei ehamteke; mehenangkü jomei ju kü hapa shah ngeü jiüshi nevamaokpü nangkü, “Sibboleth” shei epüthü peü yepei jütükkem. Hahepak kü Ephraim am haja pinyi thahshi mahteke.

SHAHPHENBÜTHÜ 12:6 Referans Kwoze

GALATIA 5:15

Shejoongpa am hüki hük mü khetteiyei lühtükjema, am hüki hük homei dipü mahpü neponghen lituh.

MARK 14:70

Shejao büpai ha kao nelah-aok. Hapheikü maani angtü shao yaongpüthüi Peter kü, “Hingmei-üng nüngao hathü khongkü hük hih; mehenangkü nüngü Galil am khih” shei e.

MATHI 26:73

Maani angpheikü chemi yaongpüthüi heih-ei Peter kü, “Hingmei nüngao hathü khongkü hük khih; mehenangkü nüngei shah-e ngeüshei-i hunyüke” shei e.

MATHI 12:25

Jomphongi mehe deih, büpai ha nyingei büpai jomphong kü, “Ongching hük laophü khüei hanpeyü dodainyeih, hatü mepa chingnyü nevaijü shemong laophüi laophü khüei hanhen neyaongaoknyih.

ISAIAH 27:12

Hapa nyih kü Shembüpai Euphrates yungyen kübü Ijip viong thahshi am Israel am hük pheikü hük thailanghen,

CHONGVENBÜ 10:12

Kon kohpü shennyakei ju kübü shahthü kü phahji kohshi nyunyeih, shejao ngapalei shah-i hapa mangtüknyeih.

KANDOK 18:19

Jeihinaü hük mü mongmangteipeyü wong kohpü chingnyü kei; hatü büpa mü depeyü chingnyü hük penyüsha küplangpükei nyüke.

KANDOK 17:14

Dehilao pangpeyü yungchüm laipükei nyüke; hanangkü mangde shekü dohtüktuh.

MENVIH KESHO 69:15

Ngei shak kü yungnyü büng telonghü, nevaijü ilangmongi ngei telümlang, nevaijü mahngshalei ngei tehütük.

MENVIH KESHO 69:2

La phenshing neshiüpü nyaühut mongei ngei hingdainyüke; Ngei ilangmongei hingdaiteke, hatü yungnyü büngi ngei bhonglangnyüke.

SHAHPHENBÜTHÜ 12:5

Ephraim am nyaiyei Jordan yung homei daihen lem yomlang. Mechem Ephraim am yanglem yemei, “Ngei Jordan yung homei leishah” shei eshuohhenshang, Gilead ami büpa kü, “Nüngü Ephraim am je?” shei phe. Üpai “Nevaipih” shei ejahenshang,

SHAHPHENBÜTHÜ 12:7

Jephthah-i Israel am vangbong vok thahshi shahphen. Hapheikü büpa di, hatü jom ching Gileadei mahng vü.