SHAHKÜP 8:15 - DAÜLANGPÜ LAIHING (BSI)

¹⁵ Büpai am leü kohpü biünyü biütam, yiüjikaungkang nyupü jahpan homei müpeih. Yung neshiüpü kahdokvan kü büpai am shing yaong kübü yung vamhüpeih.

SHAHKÜP 8:15 Referans Kwoze

BHEI-IE 21:6

Hahepak kü Kahvangi leü nemeipü kohpü biü jom kü shomei hapai jom kü kaokhütü Israel am dihüteke.

BHEI-IE 20:11

Hahepak kü Mosai büpalei lak noei antü lenshuoh yah-ei hapa yaong kü nyipa bheiteke. Haleipü yung bhaoei vam, hatü nanglakthü hatü jomei yemhimakthüi ha yung yingteke.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

MENVIH KESHO 114:8

Yaongnyüao yungkuk leihünyeih, yaongvakao yunglok leihünyüke.

SHAHKÜP 1:19

Hapheikü Shembüpa, jenei Kahvangi jen kü epü keiha jen Sinai Kahshang kübü layaongei ammi eepü longpü hatü nyembenüng jahpan peü homei Kadesh Barnea mangngoi thahshi Amor amei phaüshang kahmük peü homei daiteke.

HOSEA 13:5

Ühivanpü kahdok kü, hatü jahpanei ühyingei jungpeyü ngei hih.

1 KORINT 10:4

hatü peüi aihük laangha yung ying. Mehenangkü jomphongü jom mü chemi daipü laangha yaong kübü yung ying, hatü hapa yaongü Khrista.

ISAIAH 35:7

Bhihshamü yungkuk leidaihen, kahvan bhaoei yunglok vamkahen. Chem hepak shahhishuw nyupü shing kü pingu hatü yeih kohhen,

MENVIH KESHO 136:16

büpai jahpan homei laophülei nanglak mülangpeih, büpa bampü den kü nyunyeih;

MENVIH KESHO 105:41

Büpai yaong bhaohütü yung bhaoei vamhü; hatü yungyen kei bhih kahdok kü yenhüteke.

SHAHKÜP 32:13

Büpai jom phaüshang kahdok shaopülei nyükteke, hatü kahdok kü vampü betjüki jom haümteke. Büpai jom yaong kübü nyahjiüi, hatü yaonglang kübü olive mainga-i haümteke.

ISAIAH 30:6

Negeb leipü yemhimakthü nangkü epü shah: Shangpong yakyingpü kahdok homei, mailang chebi chebaongthü, biünyü biütamthü homei jom kü nanglei neshuohhen nanglakthü touei, jomi gadu kü jomei mophimothü, hatü ut kü jomei hon hi nginthü shetnyüke.

ISAIAH 43:19

Ngei douja hük düknyüpeih; shaang hapa vamkünyüke, ammi ha ne-eenyu je? Ngei bhih kahdok kü lemnyü hük lingkahen, hatü halei yungyenthü vamhühen.