SHAHKÜP 7:7 - DAÜLANGPÜ LAIHING (BSI)

⁷ Amphongü mih mü hayaoha nyeinya nanglak banghpü nangkü Shembüpai am kü bampü nevaijü jepü nevai; mehenangkü amü kahdoknyü kü peü mü maanpü jat nyuhampeih.

SHAHKÜP 7:7 Referans Kwoze

SHAHKÜP 10:22

Ammei bühipa Ijip kahdokei pejempüan mon yiüteke, shejao Shembüpa, ammei Kahvangi amphong vangsho lithilen kei dahüteke.

ROM SHAHSHA APPÜ 11:6

Shejao hapayü phahji homei vaijema, hapayü mechemao dou homei nevai, hei nevaijema phahjiyü hajük kü phahji nevaikahen.

1 JOHAN 4:10

Hapa bampü kü, jeni Kahvang kü bampü nevai, shejao büpai jen kü bampeih, hatü jenei mang shing mang tükhen moila shuohhen nangkü büpai laophülei Halom shompeih.

ROM SHAHSHA APPÜ 9:21

Dük shükbüi aihük ashem yah-ei hükü hayaoha noteihen doumei shingvaishi, hatü hükü jiüjiü noteihen shingvaishi dük shükhen jiüpü neshiüpü je?

MENVIH KESHO 115:1

Ham kü nevai, Oh Shembüpa, ham kü nevai, shejao nüngi bampü, hatü shahhing epü nüngei men müknyinshekhangtuh.

ROM SHAHSHA APPÜ 9:18

Hanangkü Kahvangi büpai jepü shennyak kü phahji hunyeih, hatü büpai mong vaantükhüpü shennyakei mong vaantüknyeih.

LUK SHAHSHA APPÜ 12:32

Am tenyem, miha khong; mehenangkü am kü ongching shuohhenü ammei Pa-i mongpü dou hih.

MATHI 7:14

Mehenangkü yangnyuyem touei müpü lemü shawshipshi, hatü lemü ahshi wongshi, hatü halei daipüthü maani mon.

ISAIAH 51:2

Ampa Abraham hi am bühpü Sarah nyi kü veituh; Ngei mechem büpa kü nyükpa, büpa hapeü nenyuham, shejao ngei büpa kü moihiman, hatü hühiha longi dahüpeih.

1 JOHAN 3:1

Jenphong kü Kahvang hathü shei nyükhen mü Opai mekeipü bampü jen kü shuohpa veituh, hatü jenphongü hakei-üng vaitei. Kahdoknyüi jen nenyingpeyü jomi büpa nenyingpü nangkü nyüke.

SHAHKÜP 1:10

Shembüpa, ammei bühipa amei Kahvangi amphongü vangsho lithathü kei dahüpü khih.

SHAHKÜP 4:37

Mehenangkü büpai ammei bühipa kü bampü nangkü, büpai amphong jeteke, hatü büpalei wong longpai büpai amphong Ijip leipü müei leiteke.

1 SHÜPPÜKENGPÜ 16:19

Mechem jom nanglak bhei-ie maani mon nyupa, maani mon yenpa keiha nyupa,

MENVIH KESHO 44:3

Jomei yani hapa kahdok neüpü nevai, nevaijü jomei laki aokpü nevai, shejao nüngei lakdah-i, hatü nüngei müknyinshekhang vangngai-i aokpeih; mehenangkü nüngi jom kü monghahpeih.

MENVIH KESHO 105:12

Mechem jom maanei mon nyupa, maani mon yenpa kei nyupa,

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

EZEKIEL 36:22

Hanangkü Shembüpa Kahvangi Israel phang kü hapakei enyüke shei etuh: Hapayü ammei men kü nevai, Oh Israel phang, shejao ammi daipü jatthü touei ne-ienelemi yaktükpü ngelei daülangpü men kü ngei ha dükhen.

SHAHKÜP 14:2

mehenangkü amphongü Shembüpa tou kü daülangpü nanglakthü nyüke. Kahdok shak kübü hangkuli peü khongkü Shembüpai amphongü büpa lompü vaihen jepeih.

MENVIH KESHO 105:6

Oh büpalei chongphobü Abrahamei hühihathü, Jakob hapeüthü, büpai jelangpüthü.

EZEKIEL 20:5

hatü hathü kü, Shembüpai hapakei enyüke shei etuh: Ngei Israel am jepü nyih, ngei Jakobei hühihathü kü lahpeih Ijip kahdokei ngei jom touei shakei vamei hupeih. Ngelei lak haongtü, “Ngeiyü Shembüpa, ammei Kahvang” shei lahpeih.