SHAHKÜP 6:13 - DAÜLANGPÜ LAIHING (BSI)

¹³ Shembüpa, ammei Kahvang kü dhüm shuohtuh hatü büpa kü mon khümtuh, hatü büpalei men kü mon vangeishuwtuh.

SHAHKÜP 6:13 Referans Kwoze

LUK SHAHSHA APPÜ 4:8

Jisui büpa kü, “Ha nyangei nyüke: Shembüpa, nüngei Kahvang kü mon khümtuh, hatü büpa mon chongphotuh” shei jangei e.

MATHI 4:10

Jisui büpa kü, “Lüdaituh, Kahshih! Laihingi ha enyüke: ‘Shembüpa, nüngei Kahvang kü khümtuh, hatü büpa mon chongphotuh’ ” shei e.

SHAHKÜP 10:20

Shembüpa, ammei Kahvang kü nyemtuh hatü büpa chongphotuh. Büpa kü wongshongi shongtuh hatü büpalei men vihtuh.

SHAHKÜP 13:4

Ammi Shembüpa, ammei Kahvang phei mon mütuh, hatü büpa kü dhüm shuohtuh; büpalei shahkungthü düktuh hatü ven bangtuh; büpa chongphotuh hatü hinglemtuh.

LEVI 19:12

Ammi shahshemi ammei Kahvang men tenei tevangteshuw. Ngeiyü Shembüpa.

JEREMIAH 12:16

hatü jomi ngelei nanglakthülei lemthü meishi nyingjema, hatü ngelei men kü lah-ei, “Shembüpayü vanyangyem Kahvang” shei shelei jomi Baal kahvang kü lahhen ngelei nanglakthü kü nyuhpükei dükjema, jomao ngelei nanglakthü mü chingchingei nyuhen.

ISAIAH 65:16

Üami hapa kahdokei moihiman yühen, shahhing Kahvangi ha moihimanhen; Üami hapa kahdokei vangeishuwhen, shahhing Kahvangei men kü mon vangeishuwhen. Mehenangkü peihdaipü shanghahthü bedaihen, hatü ngelei müksho kübü ha jodaihen.

ISAIAH 45:23

Ngei laophü nyingi lahtepih, daülangshemshepü kü ngelei ju kübü shah hük nyokei neleihen mü daitepih: “Peüi lashüh-i shüngei khümhen, hatü jubenyeijaang peüi ngei lahhen.”

MENVIH KESHO 63:11

Shejao ongpayü Shembüpa kü mongonghen; üami büpalei men kü lahnya mongonghen; mehenangkü shahshem epü juthü dohtükkemhen.

SHAHKÜP 10:12

Shaang, Oh Israel nanglakthü, Shembüpa, ammei Kahvangi am kü mehe yünya shei shejema, Shembüpa, ammei Kahvang kü nyemhen, büpalei lemthü kü kamhen; ammei mongdang hatü laangha kempai büpa kü bamhen hatü büpa chongphohen,

JEREMIAH 4:2

hatü ammi, shahhing kü, hingshangpü, daülangpü kü, “Vanyangyem Shembüpa!” shei lahjema, büpai jatthü kü moihimanhen, hatü büpa kü jomi vih-eilühen, shei Shembüpai enyüke.

JOSHUA 2:12

Hanangkü shaang, ngei anji kü bampü hupü keiha, hamei shemongsha kü phahji huphahen shei Shembüpalei men kü lahshih.

MENVIH KESHO 15:4

Üpai shennyaktenthü khaattüknya, shejao Shembüpa kü nyempüthü kü dhüm shuohnya, shanghahjao üpai laophüi lahtükpü jiüshi düknya,

SHAHKÜP 6:2

Ammi hapa kahdokei luangi nyuaokhen shingvaishi am hatü ammei hapeüthü halei nyupü thahshi Shembüpa, ammei Kahvang kü dhüm shuohtuh hatü ngei am kü shuohpü büpalei shahkungnyüthü bangtuh.

SHAHKÜP 5:29

Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.

JEREMIAH 5:7

Mekei etü ngei am kü mang tükaokhen? Ammei hapeüthüi ngei yakphongteke, hatü Kahvang nevaipü kü khümnyüke. Mechem ngei jom kü moh-ei ühshuohhen, jomi mükbungjuyung düknyüke, hatü büm yupü amei shemei küpshi nyunyüke.

JEREMIAH 5:2

Jomi, “Vanyangyem Shembüpa nyüpeih” shei ejao shahshemi lahnyüke.

MATHI 5:33

Shao aivang den kü nyupü am kü, “Ammi shahshemi tevang, shejao ammi Shembüpa kü vangtükpü jiüshi düktuh” shei epü ammi danteke.

MÜLANGPÜ 20:7

Ammi ngei, Shembüpa, ammei Kahvangei men angkü tenotei; mehenangkü ngei, Shembüpai büpalei men jiüjiükei noteipü kü hanghi shuohhen.

MÜLANGPÜ 23:25

Ammi Shembüpa, ammei Kahvang kü khümhen, hatü ngei am kü hahying yungying moihimanphahen, hatü ngei am toueipü dinlem peü yahlangphahen.

SHAHKÜP 5:11

Ammi Shembüpa, ammei Kahvangei men angkü tenotei; mehenangkü Shembüpai büpalei men angkü noteipü kü hanghi shuohhen.

JOSHUA 23:7

am mü nyupü jatthü mü tejemtei; jomei kahvangei men tenotei nevaijü vangeishuwei te-e. Ammi hapa kü chongtepho nevaijü tekhüm.

1 SAMUEL 7:3

Hahepak kü Samueli Israel phang kempü kü, “Ammi ammei mongdang kempai Shembüpa touei lepei leipü vaijema, am toueipü kung amei kahvangthü hatü Astartes kahvangthü yaktüktuh, hatü Shembüpa kü lanei shuohtuh hatü büpa mon chongphotuh; shejema büpai am Philistia amei lak kübü yangphahen” shei e.

1 SAMUEL 20:3

Shejao Davidi lah-ei, “Nüngi meshük ngei kü kennya ha ampai nyingei nyüke, hatü büpai, ‘Jonathan kü ha nenyinghüpih, hei nevaijema büpa hanghihen’ shei deihnyüke. Shejao vanyangyem Shembüpalei men kü, hatü nüng yemmü nyupü thahshi ngei hatü dihen nyi aa kü lakham hük mon nyüke” shei e.

2 ONGPATHÜ 17:36

shejao amphongi Shembüpa, üpai amphong Ijip kahdok leipü büpalei laklu wong longpai am müei leipa, büpa kü mon khümtuh, hatü moila shuohtuh.

ISAIAH 48:1

Israel shei menpü Judah amphang kübü peipü Jakob am phang hapa bangtuh. Ammi Shembüpalei men kü vangeishuwnyüke, hatü Israel Kahvang kü khümnyüke, shejao shahhing hatü jiüpü kü nenyunyu.

KAHBHAO 24:3

hatü Shembüpa, vangsho hatü kahdoknyü shak kü Kahvangei men kü ngelei hapeü shing shaang chemi nyupü Kanan lapeü yiük neyahpih,

SHAHKÜP 13:5

Hapa keipü thibü nevaijü mangh tetpeyü jütüktuh; mehenangkü jomi Shembüpa, ammei Kahvang, üpai am aa vaihampü Ijip kahdok leipü müei leipa, büpa khüei yaongnyüke. Büpai Shembüpa, ammei Kahvangi epü lem kübü am mülanghen khenyüke. Am toueipü henüng keipü mang daütüktuh.

JOSHUA 24:14

“Hanangkü shaang Shembüpa kü dhüm shuohhen, hatü shüeinyiükei, hinglemei büpa chongphotuh; ambü ampai Euphrates yungdangei hatü Ijiplei chongphopü kahvangthü yaktüktuh hatü Shembüpa chongphotuh.