Biblia Todo Logo
Bib sou entènèt

- Piblisite -




SHAHKÜP 4:10 - DAÜLANGPÜ LAIHING (BSI)

10 Büpai ngei kü Sinai Kahshangei, “Jom hapa kahdokei nyupü thahshi ngei kü dhüm shuohhen nyinghen hatü jomei hapeüthü kü hapa nyuhhen shingvaishi nanglakthüi ngei epü banghen thaihütuh” shei eshingkü amphong Shembüpa touei yaongpü deih-ei dangtuh.

Gade chapit la Kopi




SHAHKÜP 4:10
25 Referans Kwoze  

Shembüpai Mosa kü, “Ngei nüng mü shah eteipü nanglakthüi danhen hatü shaang pheikü nüngi epükei jomi hinglemhen shangmü ngei phum yingkü yükahen” shei e. Mechem Mosai nanglakthülei shah Shembüpa kü eshuohpa,


Hayü büpa mü tuhhen, hatü büpai Shembüpa, büpalei Kahvang kü dhüm shuohhen nyinghen hatü shahkungnyü kü epü shahthü peü hinglemei ven banghen shingvaishi büpalei yangnyu yangkemei ha iehen,


Shembüpa, jenei Kahvangi Sinai Kahshangei jen mü vangpüshuwpü lingteke.


Mosai nanglakthü kü, “Am tenyem, Kahvangi am dokhen shingvaishi mon yüpü khih, hajü mon ammi büpalei ven bangei nyuhen hatü mang nethahhen” shei eteke.


Mechem nanglakthü peüi klang vangteng, amit ngeü danpa, hatü kahshangei awshit vampü eepa, jom nyemei kheüteke, hatü tailuei yaongdaikem,


Nyih jempabü dhom kü baümtapei nyupü nanglakthü peü nyemei kheüshi kahshangei klang vangteng hatü phum thihteke, hatü amit ngeü longpai vüngteke.


Shaang lemphüli danteke; lemphüli kü shahshomü hapa khih: Kahvang nyemtuh, hatü büpalei shahkungnyüthü noteituh; mehenangkü shennyakei dousho kempü hapa khih.


Hahepak kü ong uoshing leipü ngeü hük vamei hapakei e: “Jenei Kahvang vihtuh, amphong büpa chongphopüthü peü, hatü büpa kü nyempü longpü maanpü peü.”


Nüng kü shah epüba kü nebangi nenyuhen kentuh. Kahdoknyülei jom kü shahvüng shuohpübalei shah nebangpai jom neyangjema, vangsho leipü jen kü shahvüng shuohpüba toueipü yanei lüdaijema, jen meshük maanpü leihenang?


Büpalei phahjiyü büpa kü nyempüthü shing hüdenhalenshi nyüke.


Shembüpa kü mon nyemtuh, hatü mong kempai hinglemei büpa chongphotuh, hatü büpai am shing mehe dou longpü dükpa ha deih-ei dangtuh.


hatü Shembüpa, ammei Kahvangi büpa khümhen shingvaishi jepü shingei daiyei büpa touei ammei hahying, yiü hatü olive mainga, ammei shongei shaanpü mohoh hatü mi hathü hahtuh. Shembüpa, ammei Kahvang kü düngei dhüm shuohhen shingvaishi hapa düktuh.


Jomphong kü henüng thentoimongdang jükei ngei kü nyemei ngei epü bangphei küangü jom hatü jomei hapeüthü peü den kü meishi nyuhen.


Israel am Ijip tuhtü daipü len jempabü shongpü nyih kü-üng jom Sinai yingnyü ngoi.


Am kenhingtuh, hatü ammei müki lekei mehe eetepa, ha nebetükhen, nevaijü am yemmü nyupü thahshi ammei mongdang kübü hapa nemahtükhen kentuh. Ammei hühihathü kü ha nyuhtuh.


Ammei hapeüthü kü ha nyuhtuh; am shemei nyushingkü, lem kü kamshingkü, am shishingkü hatü paoshingkü hathü jung etuh.


Hapayü Shembüpa, ammei bühipa amei Kahvangi am kü shuohpü kahdokei nyupü thahshi ammi kenhingei dükhen shahkungnyüthü nyüke.


Mehenangkü mehe jiüpü hatü shahhing ha dükei Shembüpalei lem kü kamhen shingvaishi büpai laophülei hapeüthü hatü shem am kü nyuhhen venhen ngei Abraham jepeih; shejüang Shembüpai Abraham kü mehe lahpa, ha koei peihen” shei e.


hatü nyih jempabü kü Shembüpa ngei, nanglak peüi eeshi Sinai Kahshangei yiükahen.


Ammi hapa kahdokei luangi nyuaokhen shingvaishi am hatü ammei hapeüthü halei nyupü thahshi Shembüpa, ammei Kahvang kü dhüm shuohtuh hatü ngei am kü shuohpü büpalei shahkungnyüthü bangtuh.


Ammei hapeüthü kü hapa nyuhtuh. Am shemei uoshingkü, lem kü kamshingkü, shishingkü, hatü paoshingkü hapa jung etuh.


Denshem hük kübü hük kü jaaiyei nüngei doumei kü vihhen, hatü nüngei thamapü douthü baonghen.


Ngei shinnyih dükpü keiha yemmü nyupüthüi mon nüng kü men vihnyeih; Büpai laophülei hühihathü kü nüngei shahhing jung enyüpeih.


Swiv nou:

Piblisite


Piblisite