SHAHKÜP 33:29 - DAÜLANGPÜ LAIHING (BSI)

²⁹ Amphongü moihimanpü, Oh Israel! Am keiha üam nyüpa? Shembüpai yangpü nanglakthü, Büpayü ammei Ii hatü sheühbü, hatü ammei yanlu. Ammei vepathüi am kü yüei peikahen, hatü ammi jomei dok kü shouphen.”

SHAHKÜP 33:29 Referans Kwoze

ISAIAH 45:17

Shejao Israel amü nedohnetenpü yemleipübai yanglanghen; Nedohnetenpü thahshi amü mechemao veü neponghühen.

ISAIAH 12:2

Hingmei Kahvangü ngei yemleipü; ngei büpa kü hinglemhen, ngei nenyempih; mehenangkü Shembüpa Kahvangü ngelei wong hatü ngelei kesho; büpayü ngei yemleibü.”

2 SAMUEL 7:23

Hatü nüngei nanglak Israel kei kahdoknyü kü jat hük Kahvangi laophü lompü nanglak vaihen angei leipü, hatü laophü shing men tuhhen, hatü laophülei nanglak touei lebü jatthü hatü jomei kahvangthü changtüktü jomphong shing longpü hatü nyempühanpü dou dükpü üpa nyüpa?

HABAKKUK 3:19

Shembüpa Kahvang, Shembüpayü ngelei wong; büpai ngelei la shaokei la keiha lingphünyeih, hatü kahshang shaopüthü kü shouphünyeih. Kesho mübü kü ngei nyiamvü kohpü liping noei loknyüpeih.

MENVIH KESHO 84:11

Mehenangkü Shembüpa Kahvangü, vanghe hatü inyüshung; büpai bampü hatü dhüm shuohnyeih. Kangshangi kampüthü leipü Shembüpai mepa doumeiyao shümei netuhlangnyih.

MENVIH KESHO 66:3

Kahvang kü, “Nüngei men mekei thamapüang!” shei etuh. Nüngei ngan longpai nüngei vepathü nüng kü khümnyüke.

MENVIH KESHO 33:20

Hami Shembüpa kü monglemei omdannyeih; büpayü hamei sheühbü hatü inyüshung.

MENVIH KESHO 18:44

Jomi ngei jung danhinüng, jomi ngelei shah bangnyüke; kung ami nyemei kheüyaki ngei touei peikünyüke.

SHAHKÜP 32:13

Büpai jom phaüshang kahdok shaopülei nyükteke, hatü kahdok kü vampü betjüki jom haümteke. Büpai jom yaong kübü nyahjiüi, hatü yaonglang kübü olive mainga-i haümteke.

KAHBHAO 15:1

Hapheikü Shembüpalei shah Abram touei manghkhang hük kü peiyei, “Nüng tenyem, Abram, ngeiyü nüngei inyüshung, nüngei laklei longi nyüpeih” shei eteke.

SHAKEI VAMPÜ 19:21

Aopüthü kemei koyei kü uopübalei ju leipü vampü yanlui jütük, hatü phaüouthüi jomei phai hahteke.

SHAKEI VAMPÜ 1:16

Büpalei lakdah philei litha nyet noteke, hatü büpalei ju leipü nah nyi kohpü yanlu vamteke, hatü büpalei dheyü vanghe hebaongwong kei nyuteke.

1 TIMOTI 4:10

Ha tata kü hami ponghah-ei dou düknyeih; mehenangkü ham monglempeyü hangku peü, anyei vaishi büpa kü hinglempüthü yemleipüba vanyangyem Kahvang kü tuh-ei nyüpeih.

JEREMIAH 12:12

Bhih kahdok shangching koshoya peü kü vepathü peihen; Mehenangkü Shembüpalei yanlu-i hükao neyangi kahdok jung hük kübü jung hük thahshi hahtükhen.

ISAIAH 27:1

Hapa nyih kü Shembüpai laophülei wong kohpü hatü dihen leü kohpü yanlu yah-ei kaokei nyokei kamteipü Leviathan biü hanghihühen; büpai yungching mongei nyupü hapa biü jütükhen.

MENVIH KESHO 144:15

Hapa keipü moihiman dangpü nanglakthü moihiman; Shembüpayü üamei Kahvang vaihenshang moihiman.

MENVIH KESHO 45:3

Nüngei yanlu laaptuh, Oh wong kohpü ongpa; nethe meipü müknyinshekhang ow owtuh.

MENVIH KESHO 33:12

Kahvangü üam jatei Shembüpa nyu, hatü büpai laophülei mükjüp vaihen jepü nanglakü moihimanpü!

MENVIH KESHO 7:12

Jom mong nelepjema, büpai yan yühen; büpai laophülei pülah künyüpeih,

BHEI-IE 24:5

Nüngei ashakshem mekei nethe meipa, Oh Jakob; am nyushing mekei nethe meipa, Oh Israel!

JEREMIAH 47:6

‘Ah, Shembüpalei yanlu, nüng nenmü nenyui hepak meshük nyuhen? Yanpishungei nyokei leidaituh, dohtuh hatü nenmü nyutuh’ shei nüngi lenhen.

MENVIH KESHO 81:15

Shembüpa kü jiühitpüthü büpa kü aümei khümhen, hatü jom den kü mahdaihen.

2 SAMUEL 22:45

Kung shennyakthüao ngei touei aümei shatü pei; Jomi ngei epü danhinüng ngei epü bang.

SHAHPHENBÜTHÜ 7:20

hatü lebü khong kemei aihük mü dükteke. Jom peüi nyak-aw laknyong lemei no, hatü amit lakdah lemei notü, “Shembüpa hatü Gideon nyi shingvaishi hoknyüpeih!” shei lenteke.

BHEI-IE 33:52

hapa kahdokei nyupü shennyakthü peü changtükkemtuh. Jomei lajeithü hatü yaongnaüyathü hatü jomei khümshing kemei bentüktuh.

SHAHKÜP 4:32

Amphong mangbüh shekü peihdaipü nyihthü kü yemhümao, Kahvangi kahdoknyü kü hangkuli lingpü nyih kübü hapakei longpü lemhükao vamla nevaijü hapa keipü lemhük dangkao danla? Vangsho jung hük kübü jung hük dohpü thahshi yemei veihümao.

SHAHKÜP 4:34

Shembüpa, ammei Kahvangi ammei müki eeshi Ijiplei am kü dükpü douthü kei dokei, yashanyalepü hatü thamapü douthü huei, cham peihüei, hokei, büpalei laklu wong longpai longpü hatü nyempühanpü dou dükphongtü laophü shingvaishi jat hük leipü jat hük yangei mülangpükei lebü üpa kahvangiyao hapakei dükla?

2 SAMUEL 22:3

Ngelei Kahvangü ngelei yaongnyü, ngei büpa kü loinyeih, ngelei inyüshung hatü ngei yemleipü vaung. Büpa ngelei penyüsha, ngei loishing, ngei yemleipü, nüngi ngei nemeipü shennyakthü kübü yangpeih.

2 SHÜPPÜKENGPÜ 31:8

Mechem Hezekiah hatü büpalei lakchongbüthüi hathü shüngpü eepa, jomi Shembüpa kü menvih shuoh, hatü Israel nanglakthü kü moihiman.

MENVIH KESHO 1:1

Üami nemeipü shennyakthüi shahnying epü lem kü nemü, nevaijü mangthülei lem kü nekam, nevaijü mih kü yaüpülungpü khongkü neom, jom moihimanpü.

MENVIH KESHO 32:1

Üami mang tükpü dang, üamei mang küptük, jom moihiman.

MENVIH KESHO 32:2

Üamei mang khüei Shembüpai nenyonghü; üamei laangha kü lueilempü neshiü, jom moihiman.

MENVIH KESHO 68:34

Kahvangei ngan jung baongtuh; büpalei müknyinshekhang Israel shak kü nyüke.

ISAIAH 58:14

Shembüpa kü ammi mongongpü danghen, hatü kahdoknyü peü shak kü am kü dhüm shuohhen, hatü ambü Jakob kü ngei shuohpü mükjüp monghamshi noteihen shei Shembüpalei ju kübü ha eteke.

HOSEA 13:9

Ngei am mahtükhen, Oh Israel; Üpai am kü sheüh-aokhen?

AMOS 8:7

Shembüpai Jakob changmeipü kü vangeishuwteke: ‘Jomei douten ngei meheyao nebepih.’

MENVIH KESHO 18:45

Jom mong mahdaitü nyemei kheüyaki penyüsha leipü peikünyüke.

ISAIAH 33:16

jomphongü yangei shaopü shingei nyuhen, jomei nyushingü yaong penyüsha nyuhen. Jom kü hahying changshi shuohhen, hatü yung netao-i bhashahshi danghen.