SHAHKÜP 33:23 - DAÜLANGPÜ LAIHING (BSI)

²³ Naphtali am nang büpai hapakei eteke: “Naphtali amü Shembüpalei bampai maei nyüke; Jomei kahdok heshüphi kübü Galil shemyung thahshi nyüke.”

SHAHKÜP 33:23 Referans Kwoze

KAHBHAO 49:21

Naphtaliyü mehe kao nenyemi longteipü shaok keiha büpai cheha longi shaannyüpeih.

MATHI 4:16

Shangmang kü nyupü shennyakthüi vangngai longpü hük eeteke, hatü dipü yingdhüm kahdokei nyupüthü touei vangngai vamteke.”

JEREMIAH 31:14

Ngei ngongpathü hahying meipai mahühen, hatü ngelei nanglakthü ngelei moihimani maei nyuhen shei Shembüpai enyüke.”

MENVIH KESHO 36:8

Jomi nüngei shem leipü hahying hahnyüke, hatü nüng mongongpü yungyen leipü yung yingshuohnyüke.

MATHI 4:13

Büpai Nazareth tuhtü daiyei Zebulun hatü Naphtali kahdok moidoi kü shemyung yopailei Kapernaumei nyu,

MENVIH KESHO 90:14

Nepnüng nüngi bampai ham hüshemhütuh, shejüang hamei nyihthü kemei hami mongonghen.

MATHI 11:28

Amphong nyiupünangpü hatü hanggovih kopüthü ngei touei peikei, hatü ngei amphong kü nyiushemmei yahphahen.

SHAHKÜP 33:24

Asher am nang büpai hapakei eteke: “Jatthü peü mü moihimanpeyü Asher am nyüke. Büpalei jeihinaüthü peüi bamhen, hatü jomei kahdok olive mainga-i maei nyuhen.