Biblia Todo Logo
Bib sou entènèt

- Piblisite -




SHAHKÜP 33:17 - DAÜLANGPÜ LAIHING (BSI)

17 Büpa kü mohohbaong kü kei vaung kohshi nyüke, büpalei vaungü nyayalei vaung kei nyüke. Büpalei vaungü Manasseh am haja haja, hatü Ephraim am haja an kei nyüke. Büpai hapa vaungi jatlithü kahdok dohpü jung thahshi hokhen.”

Gade chapit la Kopi




SHAHKÜP 33:17
27 Referans Kwoze  

Kahvangi jom Ijip leipü müei daipeih; Büpayü jom shingvaishi phaünya kei wong kohshi nyüke.


Nüng homei hamei vepathü hungei leitüknyeih; nüngei men homei hamei vepathü shouptüknyeih.


Shaang Kenaanahlei cheha Zedekiah-i nyiami vaung hük lingtü büpai, “Hapa yah-ei nüngi Aram am mangmahkem thahshi hokhen shei Shembüpai enyüke” shei e.


Shejao nüngi ngelei vaung shaokvaung keiha koh-ei vamhü, nüngi ngei kü daülangpü mainga-i phuteke.


Kahvangi jom Ijip leipü müei leipeih, büpa jom shingvaishi phaünya kei wong kohshi nyüke. Büpai vepa jatthü lühtüknyüke, hatü jomei vangthü nihtüknyüke; büpalei lahhani jom kü hümnyüke.


Shejao chepai ha nemongi büpa kü, “Ngei nyingnyeih, hapeü ngei nyingnyeih; Manassehlei hühihathüao nanglak longi dahen; büpa-ao longpü leihen. Shejao naü-eepa büpa mao longpüba leihen, hatü büpalei hühihathüyü longpü jat leihen” shei e.


Mechem ngei Israel nanglakthü meitükhüei deihnya, Ephraim amei mang hatü Samaria amei douten nyeinya shakei vamnyüke; Mehenangkü jomi lawlüpnyüke; shem apei shüei gühnyüke; Jomi chingyangshongei shennyakthü leipü aetnyüke;


Shejao Shembüpai enyüke, Oh Ephraim hatü Judah, ngei am kü mehe dükhen? Ammi bampeyü dhom hepak kü nyaü hatü nyien kei lomi mahdainyüke.


Ngei Ephraim am nyingnyüpeih, hatü Israel am ngei tou kü nejoaokpih; Oh Ephraim, am mükbongjuyung philei lepdaiteke, Israel am sheihdaiteke.”


Jomü mangpü mohohbaong dopü keiha, hatü mohoh baongha jüpükei jükemhen. Jomei kahdokü iy yenpai bhümlanghen, hatü cheüi bhihla-ao jümlanghen.


Büpai Lebanonü mohoh cheha kei phaukteihünyeih, hatü Sirionü mohoh baongha kei tungteihünyeih.


Mailangei ju kübü ngei yangtuh. Nyayalei vaungjaang kübü ngei yangtuh.


Shaang Kenaanahlei cheha Zedekiah-i nyiamvaung hük lingtü büpai, “Shembüpai hapakei enyüke: ‘Nüngi Aram am kemei mangjükem thahshi ha vaungi hokhen’ shei enyüke.


Jakobei hashongpa Reubenei hühihathü. “Mehenangkü Reubeni chepalei yiükphü hük mü mükbongjuyungpü nangkü jeiyongpa heanü Joseph kü shuohtükpeih. Hanangkü bülem itpülei büpayü bühpü aimü jeiyongpa hean kü itei nenyangnyih,


Ephraim phangthü kü baha 32, 500 nyuteke. Hathüyü Josephei hühihathü hatü phangthü nyuteke.


Manasseh phangthü kü baha 52, 700 nyuteke.


Hapheikü Hannah-i phopei eteke: “Ngelei Shembüpa kü mongongnyeih; ngelei mong Shembüpa kü shangei anshihnyeih. Ngelei jui vepathü kü naamnyi nyinyüpeih; mehenangkü nüngi yangpü nangkü ngei mongongnyeih.


Gileadü ngelei; Manasseh-ao ngelei; Ephraimü ngelei athen, Judahyü ngelei lenshuoh.


Mehenangkü amphongi tüngpü mithü peü kü bhagchongi hatü ngaüpi hungteke, hatü hathü mangyandai thahshi hokei changteke.


Mi chebaonghai heshü, apsha hatü pehe phikü vaungi hokpü ngei eeteke. Mepa yemhimakiyao büpa khüei neyaongaok, hatü büpalei lakmong kübü üpayao neyangaok; büpai mongpükei büpai dük hatü longpü leiteke.


Josephei hühihathüi Joshua kü, “Mehekei nüngi ham kü kahdok mükjüp phaihan hük mon yahphopa? Hamü shennyak longi ahshi nyüke; mehenangkü Shembüpai ham kü hapakei moihimanteke” shei e.


shejao phaüshang kahdokao ammei vaihen, hapayü phaü mon vailangmao ammi phaü daüeitüktü viong dohpü thahshi yahtuh; mehenangkü nyiami lingpü koyei khari nyulangmao hatü jom wong kohlangmao ami Kanan am changtükaokhen” shei eteke.


hatü Judah amao jeihinaüthü khongkü wong kohpüba hatü vanglem lempü jom kübü vamjao jeiyongpa heanü Joseph kü shuohtükpeih.”


Bhaosheipü Manasseh amü nanglak longi da; jomü Bashan kahdok kübü Baal-hermon, Senir hatü Hermon Kahshang thahshi chingchingei nyu.


Heshüphi Manasseh kübü David ong vaihühen nangkü men yepei jepü shennyak 18, 000;


Issakhar am hepak vangpan nyingpü hatü Israel ami mepa dükhen nyingpü longpüthü jom 200 mü jom phang kübü shem am peü;


Swiv nou:

Piblisite


Piblisite