SHAHKÜP 32:43 - DAÜLANGPÜ LAIHING (BSI)

⁴³ Büpalei nanglakthü mü mongongtuh, Oh jatthü; Mehenangkü büpai laophülei nanglak mahpü bhüh yemhen; Büpai vepathü kü bhüh yemhen, hatü büpai laophülei nanglakei mang tükhen.

SHAHKÜP 32:43 Referans Kwoze

SHAKEI VAMPÜ 19:2

mehenangkü büpai shahphenpeyü hingshangpü hatü shahhing; Pinnyülei mükbongjuyung homei kahdoknyü tentükpü longpü büm yupü kü büpai shahphenteke, hatü büpai laophülei daülangpüthülei iy nangkü pinnyü kü bhüh yemteke.”

ROM SHAHSHA APPÜ 12:19

Ngelei küphüthü, am nyingi bhüh teyem, shejao Kahvang mongshihpü kü shing tuhphongtuh; mehenangkü ha nyangei nyüke, “Bhüh yempeyü ngelei; ngei ha kü shemhen shei Shembüpai enyüke.”

SHAKEI VAMPÜ 6:10

Jomphongi ngeüwong anei, “Jeiyong Shembüpa, daülangpü hatü hingshangpü, kahdoknyülei nyupüthü kü hamei iy nangkü nüngi shahphenhen hatü bhüh yemhen shekü meshük lushi nyuhen?” shei lenteke.

MENVIH KESHO 85:1

Shembüpa, nüngi nüngei kahdok kü phahjiei deihteke; nüngi Jakob shao daeisheyei leihüteke.

JOB SHAHSHA APPÜ 13:24

Mehekei nüngei dhe ngei toueipü jodaitü ngei kü vepa kü kei deihnya?

2 ONGPATHÜ 9:7

Nüngi nüngei shembü Ahab am shem jütükkemtuh, hatü ngei ngelei chongphobü thibüthü, hatü ngelei lebü chongphobüthülei iy Jezebel homei yenhüpü bhüh yemhen hih.

SHAHKÜP 32:35

Bhüh yempeyü ngelei, ngei hapa bhüh yemhen, Jom dodaihen hepak ngoikahen; Mehenangkü jom shangponghen nyih ngoikünyüke, jom dihen lomi peikünyüke.

SHAKEI VAMPÜ 18:20

Pinnyü lomohpü nangkü mongongtuh, Oh vangsho am, daülangpü, phongshan hatü thihivamthü! Mehenangkü Kahvangi am nangkü pinnyü kü shahphenteke.”

SHAKEI VAMPÜ 18:2

Büpai ngeü longpai nyükei e: “Doteke, doteke longpü Babylon! Hapayü kahshihthü nyushing leidaiteke, mang laangha hatü jiühitbenüng outhü nyushing, mang laangha hatü jiühitbenüng yemhathü nyushing.

SHAKEI VAMPÜ 15:4

Shembüpa, üpai nenyemhen, hatü nüngei men kü müknyinshekhang neshuohhen? Mehenangkü nüng monha daülangpü. Jatthü peü peiyei nüng kü khümhen, mehenangkü nüngei shahphenpü shakei vamteke.”

SHAKEI VAMPÜ 15:2

Hapheikü veiheni aina keipü yungching mü aw vuktü ngei ee, hatü hapa yemha hatü büpalei lajei hatü hapalei men bhei-ie kü vehok neüpüthü aina keipü yungching touei Kahvangi shuohpü harp jomei lakei notü nyu,

LUK SHAHSHA APPÜ 19:27

Shejao ngelei vepathü üami jom shak kü ngei ong nevaihahhü, hathü hatouei deiyei ngei touei jütuh” shei eteke.

LUK SHAHSHA APPÜ 2:32

Kung am shakei vamhühen shingvaishi vangngai, hatü nüngei Israel nanglak shingvaishi müknyinshekhang.

YOUNG LAI 2:5

Vepai kei Shembüpai Israel am mahtükteke; Büpai jomei ongshemthü, hatü penyüshathü peü bentükkem, hatü büpa Judah nanglak kü thephiyoung dahü.

JEREMIAH 13:14

Hapheikü ngei behe hashih peü aihük mü dük keiha hüki hük mü kaongteihühen. Ngei hathü mahtükshingkü nephahjihen, neyanghen nevaijü neshinshanghen shei Shembüpai enyüke.

ISAIAH 19:25

Jeiyong Shembüpai jom kü moihimanhen hatü, “Ngei nüng kü moihimanhen, ngelei nanglak Ijip; ngei lingpü Assyria am; hatü Israel am, ngelei mükjüp jathili” shei ehen.

ISAIAH 19:23

Hapa nyih Ijip kübü Assyria thahshi lemnyüshong nyuhen, hatü Assyria ami Ijiplei hatü Ijip ami Assyrialei lüteihen, hatü Ijip ami Assyria am mü khümhen.

ISAIAH 11:10

Hapa nyih Jesselei tünglangü nanglakthülei khüamlung hük leshi yaonghen; jatthü büpa touei thaihen, hatü büpa nyushingü müknyinshekhangshi nyuhen.

MENVIH KESHO 65:3

Mechem mang douthüi ham neülanghen, nüngi hamei mang tükshihma.

MENVIH KESHO 22:27

Kahdok dohpü peüi deih-ei dangtü Shembüpa touei mong lepei leihen, hatü jatthü phanghiyang kemei büpa kü khümhen.

1 ONGPATHÜ 8:43

nüng nyushing vangsho leipü bangtuh, hatü kung shennyakthüi phepü aimü dükeishuoh; shejüang nüngei Israel nanglakthüi keiha kahdoknyü hangkuli peüi nüngei men nyinghen, hatü nyemhen, hatü hapai ngei vepü shem kü nüngei men nyüke shei nyinghen.

KAHBHAO 12:3

Nüng kü moihimanpüthü kü ngei moihimanhen; üami nüng kü thaüvaü ngeiyao jom kü thaüvaühen, hatü kahdoknyü hangkuli peü nüng homei moihiman danghen.”

MENVIH KESHO 58:10

Nemeipüthü kü bhüh yempü eetü daülangpüthü mongmeihen; nemeipüthülei iy kü jom kamteihen.

MENVIH KESHO 79:9

Sheühshih, Oh ham yemleipü Kahvang, nüngei men müknyinshekhangpü men kü nüngi ham yangshih, hatü mang tükshih.

ISAIAH 1:24

Hanangkü Shembüpa, Jeiyong Kahvang, Israel amei Wong kohpü Hüki hapakei enyüke: ‘Oh, ngei ngelei vepathü kü ngelei mongshih khüpei langshuohhen hih, hatü ngelei vepathü kü ngei bhüh yemhen hih.

ISAIAH 1:25

Ngei nüng khüei ngelei lak nohen; Nyiamyung heenei daüpükei ngei ammei nedaünelang yaktükhen.

ISAIAH 66:10

Jerusalem mü mongongtuh, pinnyü nangkü mongmeituh, amphong pinnyü kü bampüthü; Mongongpai pinnyü mü mongongteituh, am pinnyü nangkü mahng theppüthü peü.

MENVIH KESHO 79:10

“Jomei Kahvang melei nyüpa?” shei mehekei jatthüi ehühen? Nüngei nanglakthülei bhüh yempü kü iy yenpü hamei müki eeshi jatlithü kü nyinghütuh.

MENVIH KESHO 85:3

Nüngi jom kü mongshih vampü dohdai, hatü nüng mongpuk vampü kübü shümei tuhlang.

ISAIAH 44:22

Ngei ammei mang phumnyak changtükpü keiha daütüktih; Ngei touei mong lepei leikei, mehenangkü ngei amphong angei leitepih.

ISAIAH 60:6

Midian hatü Ephah leipü utthü leikahen, Shebalei nyupü kemei leikahen. Jomi hon hatü ayingshü koei leikahen, hatü Shembüpalei menvih baonghen.

JEREMIAH 51:36

Hanangkü Shembüpai hapakei enyüke: “Veituh, ngei nüng khüambakei yaonghen, hatü nüngei bhüh yemhen; Ngei jomei yungchingthü jeptükhen, hatü jomei yunglok ütükhen.

EZEKIEL 16:63

Ammi dükpü mang kemei ngei am kü tükhen shejao ammi hathü deih-ei veüpai ju neka-aokhen” shei Shembüpa Kahvangi enyüke.

EZEKIEL 25:14

Ngei ngelei nanglak Israel amei lak homei Edom am kü ngei bhüh yemhen, hatü jomphongi Edom am kü ngelei mongshih aimü dükhen; jomi ngei bhüh yempü nyinghen shei Shembüpa Kahvangi enyüke.”