SHAHKÜP 32:16 - DAÜLANGPÜ LAIHING (BSI)

¹⁶ Jomi lebü kahvangthü homei Shembüpa mükhakhüteke, hatü jomei douteni büpa mongshih vamhüteke.

SHAHKÜP 32:16 Referans Kwoze

MENVIH KESHO 78:58

Jomei phuhpü vaümpü shing homei jomi büpa mongshihhü; jomei lajeithüi büpa mongmanghü.

1 KORINT 10:22

Shembüpai mük nyemhühpha shei jeni deihnyu je? Jenü büpa mü wong kohpüba je?

2 ONGPATHÜ 23:13

Israel amei ongpa Solomoni Sidon amei jiühitnalaipü Astartes nyüha kahvang, Moab amei jiühitnalaipü Kemosh kahvang, Ammon amei Molekh kahvang, hathü kü khümhen shingvaishi Jerusalem heongphi kü hatü Olive Kahshang pehephi kü vepü moidüthü peü sheihtük.

1 ONGPATHÜ 14:22

Judah ami Shembüpa touei mehe mang, ha dük; jomei chebü chepai dükpü mao nyeishi dükpü jomei mang homei Shembüpa mongshih vamhü.

SHAHKÜP 7:25

Ammi jomei kahvangei lajeithü aw kü jaktükhen. Hathü shihpü hon hi nginthü kü amphongi mük tehüh, hatü amphongi laophü shing ha teyah; hei nevaijema hapai aethitai vaikahen, hatü Shembüpa, ammei Kahvang touei hapayü jiühitbenüng nyüke.

SHAHKÜP 5:9

Ammi hapa kü aümei tekhüm; mehenangkü ngeiyü Shembüpa, ammei Kahvang; ngeiyü mükhakpü Kahvang, ngei kü jiühitei bühipai mang thahpü nangkü jomei hühihathü kü denshem jem ali thahshi ngei hanghi shuohpeih,

LEVI 18:27

mehenangkü henüng douthü kemei am shekü halei nyupüthüi dükteke, hatü kahdokao nedaüi leitükpeih.

SHAHKÜP 32:21

Jomi kahvang nevaipü dou hüki ngei mükhühhüteke, jomei yahlak neshiüpü lajei-i ngei mongshihhüteke. Nanglak nevaipü jatthü ngei noteihen, hatü jomi ha kü mong yunghühen. Ngapa jatthü ngei noteihen, hatü ha kü jom mongshihhühen.

MENVIH KESHO 106:29

Jomei doui Shembüpa mongshih vamhü, hatü jom touei cham peiteke.

ISAIAH 43:12

Mehe vamhen ngei ha am kü tetei e, hatü am kü sheühpeih. Ngei mü lenei lebü kahvang am mü nenyuangpih. “Amphongü ngelei denbüthü” shei Shembüpai enyüke.

JEREMIAH 2:25

Nüngei la kü tüngshi, hatü üng üshi temoktei. Shejao nüngi, “Ngei kung amei kahvang bamnyeih, ngei hathü pheikü daihen hih” shei nüngi eteke.

JEREMIAH 7:18

Hashihthüi pü konyüke, pathüi aw jaknyüke, nyüthüi aan ngümei vangsho onglanyü kü aan lingnyüke, hatü lebü kahvangthü kü yiü moila langei moilapü homei ngei mongshihhünyüke.

EZEKIEL 8:3

Veiheni büpalei lak keiha lüei yiüei ngelei shonyü kü düktü ngei müei dei, hatü hapa laanghai ngei kahdok vangsho aa kü noei antü manghkhang kü ngei Jerusalemei Kahvangei mük kü nemeipü lajei tuhpü phopshem pekon mongei shütü pehephi shaden touei müei dei.

1 ONGPATHÜ 14:9

shejao nüng she kübü vanglem lempüthü peü mao nüngi-üng longpü mang thahteke, hatü ngei ngaümpheilei yakphongtü lebü kahvangthü, hatü lajeithü lingei ngei mongshihhü.

2 ONGPATHÜ 17:11

hatü Shembüpai jom shekü changtükpü jatthüi dükpükei vaümchongthü peü kü ayingshü jakei moila shuoh. Jomi nemeipü douthü dükei Shembüpa mongshihhü,

2 ONGPATHÜ 17:17

Jomi jomei hapeüthü aw kü jakei moila shuoh. Jomi phongyom thiphepü lemphü düktei, hatü Shembüpa mongshihhüei büpa touei mang dükhen shingvaishi jom nyingi jom yutük.

2 ONGPATHÜ 21:6

Büpai cheha aw kü jakei moila shuoh. Büpai phongyom hingletpü, lashüh tetpü dou dük, hatü yimpi laang mü shah eteipü am, hatü tetpüvanpü am kü pheyeiyuei nyu. Büpai Shembüpa touei mang longi dükei, büpa mongshihhü.

JEREMIAH 2:11

Kahvang nevaijao üam jatiyao laophülei kahvang jeipü eela? Shejao ngelei nanglakthüi yahlak neshiüpü lajei kü ngelei müknyinshekhang jeiteitükteke.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.