SHAHKÜP 32:15 - DAÜLANGPÜ LAIHING (BSI)

¹⁵ Jakobi moh-eileyei hahteke, Jeshurun nitteke hatü khüei yaongteke. Jom hahyingi moh-ei nitteke, jomi jom lingpü Kahvang tuhphong, hatü jom yemleipü Yaong yaktük.

SHAHKÜP 32:15 Referans Kwoze

SHAHKÜP 31:20

Mechem ngei jomei chebü chepa kü lahpü amma hatü nyahjiü yenpü kahdokei müei daihen hatü mechem jomi mohmeiyei hahtü nyiushem kü nyuhenshang, jomi ngei tuhphongtü ngei mü vangpüshuwpü mangei lebü kahvangthü touei lepei hathü kü khümhen,

HOSEA 13:6

Mechem ngei jom kü ühyingpa, jom mohteke, mechem mohpa, jom changmei, hatü ngei betük.

MENVIH KESHO 89:26

Büpai ngei kü, ‘Nüngü ngelei Pa, ngelei Kahvang, hatü ngei yemleipü Yaong’ shei ehen.

SHAHKÜP 33:5

Mechem mübüthü hatü Israel jatthü thaipa, büpayü Jeshurun shak kü ong vaihamteke.

PHONGSHANTHÜ DOU 28:27

Mehenangkü hapa nanglakthülei mongdang ngadai, hatü jomei dhaong nedanhen mü hüdai, hatü jomei mük phüngdaiteke. Hei nevailang meyü jomei müki eehen, jomei dhaongi danhen, hatü jomei mong kü nyinghen, hatü jom ngei lemei lepei leihen, hatü ngei jom meitükhah shepeih.”

1 SAMUEL 2:29

Nanglakthü kü yüpü jakpü moila hatü lebü moilathü kü mehekei hahnemei, hatü ngei kü dhüm shuohhen nangjeiyei Israel ami shuohpü moila kübü hean meipü üh-ei anhanyi kü-ang dhüm shuohnya?

SHAHKÜP 32:4

Büpayü Yaongnyü, büpalei douthü den ngoishi nyüke, hatü büpalei lemthü peü shahhing nyüke. Büpayü monglemaokpü, nelunelempü Kahvang; büpayü daülangpü, hatü shahhing nyüke.

JEREMIAH 5:28

jom nitei hatü nyülüki leinyüke. Jom mang dou dükhen kü hajük shei neshiü; jomi shahhingi shahphen neshuohnyu; Jomi hashihhathü kü jomei jiüpü hean neshuohnyu, hatü ponghahpüthü kü shahhing nedükshuohnyu.

ISAIAH 44:2

Üpai am lingpa hatü üpai am wom mongei shükpa? Hapa Shembüpai hapakei enyüke: Am tenyem, Oh Jakob, ngelei chongphobü, Ngei jepü Jeshurun.

ISAIAH 6:10

Hapa nanglakthülei mongdang yawtüktuh; dhaong aangtükhütuh hatü mük phüngtüktuh. Hei nevaijema jomi eehen, danhen, nyinghen, hatü ngei touei mong lepei leiyei meitükpü danghen khih.”

ISAIAH 1:4

Oh mang jatli, mang hanggovih chettü nyupü nanglakthü, mangei lihilathü, ten kü shuohtükpü hühihathü. Jomphongi Shembüpa yakphongteke; jomi Israel amei Daülangpü Hük yaktükteke, hatü büpa toueipü jomei dok lepdaiteke.

MENVIH KESHO 95:1

Oh peikei, jeni Shembüpa kü kesho lokshah; jen yemleipü yaong küjeni mongongpü ngeü anshah!

MENVIH KESHO 73:7

Jomei mongdang leipü ten bhuei vamnyüke; hatü küpjan nemeipü tempai jomei sholi nekongi nyunyüke.

NEHEMIAH 9:25

Jomi penyü showtükpü chingnyü hatü kahcheü kohpü kahdok yahhü, nüngi doumeinangmei-i maei nyupü shemthü, yungkuk meishi shotükpü, nyalingngupai kah, olive kah hatü betjük püthü changshi nyupü kaamei yahhü. Jomi moh-ei hahtü nitei nüng meipü nangkü jom mongong.

2 SAMUEL 22:47

Shembüpa yemmü nyüpeih! Ngelei Yaongnyü moihimantuh! Ngelei Kahvang, ngei yemleipü Yaongnyü longei anshihtuh!

SHAHKÜP 33:26

Ammei Kahvang kei üpayao neshiü, Oh Jeshurun. Am kü sheühhen büpai vangshothü kü hatü büpalei wongi phumthü shingkü longteinyüke.

SHAHKÜP 32:6

Ammi Shembüpa kü hapa keiha düknyu je? Oh ngapa, hatü sholi neshiüpü nanglakthü. Büpayü ammei pa hatü am lingbü nevaipü je?

SHAHKÜP 31:16

hatü Shembüpai Mosa kü eteke, “Sheyü nüng lomi didaihen, hatü hapa nanglakthüi meshük neangi jom peiyei nyuhen kahdok leipü kahvangthü kü khümhen. Jomi ngei yakphonghen hatü ngei jom mü lingpü vangpüshuwpü mangtükhen.

PHONGSHANTHÜ DOU 9:5

Büpai, “Nüng üpaang, Shembüpa?” shei phe. “Ngeiyü nüngi shüveipü Jisu.

JEREMIAH 5:7

Mekei etü ngei am kü mang tükaokhen? Ammei hapeüthüi ngei yakphongteke, hatü Kahvang nevaipü kü khümnyüke. Mechem ngei jom kü moh-ei ühshuohhen, jomi mükbungjuyung düknyüke, hatü büm yupü amei shemei küpshi nyunyüke.

JEREMIAH 2:5

Shembüpai hapakei enyüke: Ambü ampai ngei toueipü yandaihen mü jomi ngei kü pungpü mehe yeppa? hatü jom yahlak neshiüpü douthü pheikü daiyei jomao yahlak neshiüi leidaiteke.

MENVIH KESHO 119:70

Jomei mongdangü chetshi, hatü danaokpü neshiü; shejao ngeiyü nüngei shahkungthü kü mongongnyeih.

MENVIH KESHO 18:46

Shembüpa yemmü nyüpeih, Ngelei yaongnyü kü vihtuh! Ngelei Yemleipüba Kahvangei men longhütuh.

MENVIH KESHO 17:10

Shinshanghen jomei mongdang küplang, jomei ju-i changmei shah enyüke.

JOB SHAHSHA APPÜ 15:27

mehenangkü büpalei dhe hatü büm kü cheü hetshi shemmei leilangmao,

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

1 SHÜPPÜKENGPÜ 5:25

Shejao jomi chebü chepalei Kahvang touei mang thah, hatü Kahvangi jom toueipü mangtükpü hapa kahdokei nyupü nanglakthülei kahvangthü kü khümteke.

2 SHÜPPÜKENGPÜ 26:16

Shejao Uzziah wong koh-ei leipheikü büpa changmeipai büpa doteke. Büpai Shembüpa, büpalei Kahvang kü hingnelem, hatü ayingshü jakpü shingei ayingshü jakhen phopshemei nyu.

MENVIH KESHO 81:11

Shejao ngelei nanglaki ngelei ngeü nedan, Israel ami ngelei shah nebang.

JEREMIAH 2:31

Oh ha denhivan kübü nanglakthü, Shembüpalei shah deih-ei dangtuh! Ngei am kü phaüshihhaomang kei, nevaijü shangmang kahdok kei chongküpü je? Shejema mehekei ngelei nanglakthüi, “Ham mongpükei longteihen hih; ham nüng touei nepeiküpih” shei epa?

2 SHÜPPÜKENGPÜ 12:1

Mechem Rehoboami vanglem lempü chongwongei lei, hatü büpa wong koh-ei leipa, büpa hatü Israel am peüi Shembüpalei shahkung yaktük.

NEHEMIAH 9:26

Shejao jomi ven nedani nüng khüei yaong; jomi nüngei shahkung ngaümpheilei tuhphong. Jomi nüng touei mong lepei leihen shahvüng shuohpü thibüthü jütük; jomi nüng kü ne-ienelemi nyembenüng mang thah.

MENVIH KESHO 89:27

Ngei büpayü ngelei hashongpa, hatü kahdoknyü ongthü khongkü shaopüba leihühen.

MENVIH KESHO 100:3

Shembüpayü Kahvang shei nyingtuh. Jen lingpeyü büpa, hatü jenü büpalei; jenü büpalei nanglak, hatü büpalei yemhah shingei haümpü mithü.

ISAIAH 43:1

Shejao shaang Shembüpa, üpai am lingpa, Oh Jakob, üpai am vamhüpa, Oh Israel, büpai hapakei enyüke: Am tenyem; mehenangkü ngei am angei leitepih; Ngelei men kü am nyükei leipeih, amphongü ngelei lompü.

JEREMIAH 2:32

Nela hüki laophülei chühiyük, hatü doidaila hüki laophülei owhiai be-aokhen je? Shejao ngelei nanglakthüi nyih longi ieyei neaoki ngei betükteke.

EZEKIEL 14:5

Lajeithü kü mong shuohtüktü ngei yakphongpü Israel nanglakthülei mong yepei leihen shingvaishi ngei hapa dükhen.”

HOSEA 4:7

Meshükpa ngongpathü nyeinya dahenshang, hajükpa ngei khüei nyeinya mang thahnyüke; Jomi jomei müknyinshekhang veüpong mü jeiteinyüke.