SHAHKÜP 32:10 - DAÜLANGPÜ LAIHING (BSI)

¹⁰ Büpai jom jahpanei, lavüngtoipü phaüi nganei longteiyei nyushi dangteke, Büpai jom yangteke, hatü jom kü jungteke, hatü yomteke.

SHAHKÜP 32:10 Referans Kwoze

HOSEA 13:5

Ühivanpü kahdok kü, hatü jahpanei ühyingei jungpeyü ngei hih.

ZEKHARIAH 2:8

Üpai am kü hongtepa, büpai ngelei mük kü hongteke. Hanangkü Jeiyong Kahvangi büpalei nanglak kü aetpüshepü jatthü touei hapa shahjang koei ngei shomteke.

MENVIH KESHO 17:8

Nüngei mük kü meipü apple betjük keiha nüngi ngei yomei tuhtuh. Nüngei kaokhiyang dhüm phangkü ngei joei tuhtuh.

JEREMIAH 2:6

Jomphongi, “Ham Ijip leipü müei leipü, bhih hatü kahsha mon nyupü jahpan homei, ühivan hatü vangnyak nyupü kahdok, üamiyao nekamteipü hatü üamao nenyupü kahdokei ham müei leipü Shembüpa melei nyüpa?” shei jomi ne-e.

SOLOMONEI KESHO 8:5

Bampünyü kü khaaitü yingmong leipü aongküpü üpaang? Apple pü phangei ngei nüng kü phokpeih, halei anyüi nüng ko, hatü bühpeih.

KANDOK 7:2

Ngelei shahthü noteituh, hatü nüng yem mü nyuhen; ngei nyuhpüvenpüthü nüngei mük kü jungpükei jungtuh.

ROM SHAHSHA APPÜ 2:18

hatü büpai mongpü nyingnyeih shei, hatü am kü shahkungnyüi mongpükei nyuhpü nangkü mehe meipü nyüpa, ha nyingei yahaoknyeih shei deihjema,

SHAHKÜP 4:36

Büpai am kü nyuh-aokhen shingvaishi büpai vangsho leipü büpalei ngeü am kü danhü; hatü kahdoknyülei büpai aw kübü vamei epü büpalei shah danteke.

ROM SHAHSHA APPÜ 3:2

Lem peü kü longi nyüpeih! Shongpüba kü jom kü Kahvangei shah shuohpeih.

SHAHKÜP 1:19

Hapheikü Shembüpa, jenei Kahvangi jen kü epü keiha jen Sinai Kahshang kübü layaongei ammi eepü longpü hatü nyembenüng jahpan peü homei Kadesh Barnea mangngoi thahshi Amor amei phaüshang kahmük peü homei daiteke.

SHAHKÜP 1:31

Büpai laophülei hapeü müpü keiha Shembüpa, ammei Kahvangi lemyang kemei kü hapa shing thahshi müteke.

MENVIH KESHO 107:40

büpai jom kü shüveipü ongthü nyonghünyeih, hatü jahpanei paüeiyonei longteihünyeih.

ISAIAH 63:9

Jomei shanghah peü kü phongmokbü nevaijü phongshani nevai, shejao büpa ompai jom yangpeih; Büpalei phahji yahyangi jom yangpeih, Büpai jom longei anshihpeih, hatü peihdaipü nyihthü peü kü büpai jom kü jungpeih.

JEREMIAH 2:17

Büpai nüng müyaki nüngi Shembüpa, nüngei Kahvang yakphongpü nangkü laophü nyingi koei leihahpü nevaipü je?

JEREMIAH 13:11

Shüng ashak hük düngei ngeihshi nyupü keiha ngei Israel hatü Judah am shemthü peü ngelei men kü dupü-oupü, vihpülüpü ngelei nanglak leihühen ngei mü khashi angpeih, shejao jomi ngei epü nebang.

EZEKIEL 16:5

Am kü shinshangei üamiyao am kü hathü dou nedük, shejao amü koshoyalei yakphong; mehenangkü amü am bühpü nyih-üng peüi yaktükpeih.

EZEKIEL 20:36

Ngei jahpanei ambü ampa amei shahphenpükei ngei ammei shahphenhen shei Shembüpa Kahvangi enyüke.

HOSEA 11:3

Ephraim am kü lak kü düktü kamhen nyuhpeyü ngei hih; Shejao jomi ngei meihüpeih shei leyei nepeinyu.

ESTHER 6:13

Mechem Hamani chenyüha Zeresh hatü büpalei küphüthü kü büpa mehe ponghahpa ha jung ejashingkü büpalei chenyüha Zeresh hatü büpa kü shahnying eteipü küphüthüi büpa kü, “Mordekaiyü Jehoda am khih; nüngü büpa touei lomohhen khih. Nüngi büpa khüei neyaongaokshasha khih; nüng hingmei mah-ei dohhen khih!” shei e.

ZEKHARIAH 2:12

Daülangpü kahdok kü Judah-ü Shembüpalei lompü vaihen, hatü shao Jerusalem jehen.