SHAHKÜP 31:30 - DAÜLANGPÜ LAIHING (BSI)

³⁰ Hahepak kü Israel am peüi danshi Mosai kesho kübü shahthü chongpangpü kübü dohpü ngoishi ieteke.

SHAHKÜP 31:30 Referans Kwoze

HEBREW 3:2

Mosaiyao Kahvangei shem am peü kü mong phenei shuohpükei büpai büpa jepüba kü mong phenei shuohteke.

JOHAN 12:49

Mehenangkü ngei ngei mongpü ne-enyih, shejao ngei shompü Opa-i mehe ehen, mekei ehen ha ngei kü shahkung shuohpeih.

SHAHKÜP 4:5

Ammi yahhen nyupü kahdokei dükhen shingvaishi Shembüpa, ngelei Kahvangi ephopükei ngei am kü shahkungnyüthü peü nyuhtepih.

HEBREW 3:5

Shaang Mosayü chongphobü hük keiha Kahvangei shem am peü touei pheilei denpü ehen douthü nang denpü shuohhen mong phenei shuohteke.

PHONGSHANTHÜ DOU 20:27

mehenangkü Kahvangei küpjan kempü ngei am kü ne-e-i shümei netuh-angpih.

SHAHKÜP 31:29

Ngei didaipheikü amphongü yahlak neshiüi tendaihen hatü ngei epü shahkung kübü lepdaihen khih shei ngei nyingnyüke. Ngoikahen nyih kü am kü shanghah peikahen; mehenangkü ammi Shembüpa touei mang dou dükhen hatü ammei laki lingei büpa mongshihhühen.

SHAHKÜP 32:1

Bangtuh, Oh vangshothü hatü ngei ephüshah; Bangtuh, Oh kahdok, ngelei ju kübü shahthü kü.

2 SAMUEL 22:1

Mechem Shembüpai büpalei vepathü hatü Saulei lak kübü yangshuohpa, Davidi Shembüpa kü hapa kesho lok:

SHAHKÜP 31:1

Hahepak kü Mosa daiyei nanglakthü peü kü hathü shah eteke:

SHAHKÜP 32:44

Mosa hatü Nunei cheha Joshua nyi peiyei nanglakthüi danshi hapa kesho shahjükthü ieteke.