SHAHKÜP 31:29 - DAÜLANGPÜ LAIHING (BSI)

²⁹ Ngei didaipheikü amphongü yahlak neshiüi tendaihen hatü ngei epü shahkung kübü lepdaihen khih shei ngei nyingnyüke. Ngoikahen nyih kü am kü shanghah peikahen; mehenangkü ammi Shembüpa touei mang dou dükhen hatü ammei laki lingei büpa mongshihhühen.

SHAHKÜP 31:29 Referans Kwoze

SHAHPHENBÜTHÜ 2:19

Shejao mechem shahphenbüthü didaikempa, jomi lebü kahvangthü phei müei hathü kü khümei jomei bühipa mao nemeipüba lemnyong kü kam, hatü nemeipü lem, douten yakphonghen jomi nemong.

SHAHKÜP 32:5

Shejao büpalei nemeipü hapeüthüi büpa kü nemei-i dükteke, Veüshi hajük kü jomphongü büpalei hapeüthü nevai, shejao jomphongü kaokpünyompü hühihathü nyüke.

HOSEA 9:9

Gibeahlei nyupü nyih kü kei, ten lem kü jom hingdaiteke; Kahvangi jomei mang deihhen, hatü jomei mang nangkü jom hanghihühen.

KAHBHAO 49:1

Hapheikü Jakobi chehathü peü kü nyüktü, “Ngei shonei thaikei, hatü ngei ngoikahen nyih kü mehe vamkahen ngei ha amphong kü ephüshah” shei e.

2 PETER 3:3

Shongpüba kü ammi ha nyingtuh; dohpü nyih kü yaüpülungpüthü mih kü yaüei hatü jomei iyjeiphailei kü nyupüthü peikahen,

HEBREW 1:2

shejao hapa dohpü nyihthü kü büpai jen kü laophülei Ha üpa büpai douthü lemphülei mükjüp vaihen je, hatü üpa homei büpai kahdoknyüthü ling, büpai büpa homei jen kü enyüke.

1 TIMOTI 4:1

Pheilei hanei ami vaipü tuhphongtü lupülempü laanghathü hatü shepe-i nyuhpüvenpü kü mong shuoh-ei mühen shei shaang Laanghai ngaiheyei enyüke.

PHONGSHANTHÜ DOU 20:30

Haneiyü amphong khong kübü-üng shahhing nyongnyongi lingtü jom phei mühen nanglak yawhhahnüng vamkahen.

LUK SHAHSHA APPÜ 21:24

Jomphong yani mahhen, hatü jatthü peü touei wüpküpei müei daihen, hatü Jerusalemü Kung amei hepak mangngoi thahshi Kung ami la-i shouptükhen.

EZEKIEL 38:8

Nyih longi angtü shoumpü bongthü kü vehok shingvaishi temei tuhpü kahdok mü hokhen. Haleipü shennyakthüyü bong luangi lavüngtoiyei tuhpü Israel kahshangthü kü jat longi kübü peiyei nyupeih. Jomü jat longi kübü peiyei nyupeih, hatü jom peü shaangü chingmei nyiushemmei kü nyunyüpeih.

ISAIAH 1:4

Oh mang jatli, mang hanggovih chettü nyupü nanglakthü, mangei lihilathü, ten kü shuohtükpü hühihathü. Jomphongi Shembüpa yakphongteke; jomi Israel amei Daülangpü Hük yaktükteke, hatü büpa toueipü jomei dok lepdaiteke.

JOB SHAHSHA APPÜ 19:25

Ngei Yangpüba yemmü nyüpeih shei ngei nying, hatü dohpülei hapa kahdokei büpa yükahen,

2 SHÜPPÜKENGPÜ 34:24

Shembüpai hapakei enyüke: Hingmei ngei hapa shing hatü haleipü nanglakthü kü shanghah hatü Judah amei ongpa touei iepü laitap kü nyangei nyupü thaüvaü peü koei peihen.

SHAHKÜP 4:30

Mechem am shangpong yakying kü nyuhen, hatü hathüi am kü dhaümhenshang, hahepak kü ammi Shembüpa, ammei Kahvang touei mong lepei leiyei büpalei shah banghen.

KAHBHAO 6:11

Shaang Kahvang touei kahdoknyü-ü mang monha jüteishangteipai maei nyu.

SHAHKÜP 4:16

Hanangkü am shingvaishi baha nevaijü nyüha kei,

SHAHKÜP 31:30

Hahepak kü Israel am peüi danshi Mosai kesho kübü shahthü chongpangpü kübü dohpü ngoishi ieteke.

SHAHKÜP 32:20

Jom toueipü ngelei dhe lepdaihen shei büpai e, jom mekei dohkahen ngei veihen; Mehenangkü jomphongü nyongdaipü denhivan, hatü hingnelempü hühihathü nyüke.

SHAHKÜP 32:29

Jom paoh kon kohlangmeyü jom dohpütenpü mekei nyuhen hapa yao-aokhen vaipeih.

DANIEL 10:14

Dohpü nyih kü ammei nanglakthü kü mehe vamkahen ha nüng kü nih-ei ephahen ngei peiküpeih. Hapa manghkhangü ngoikahen nang epü khih.”

MÜLANGPÜ 32:7

Hahepak kü Shembüpai Mosa kü, “Nüng chem leituh! Mehenangkü nüngi Ijip leipü müei daipü nüngei nanglakthüi ngei khüei mang thahteke;