SHAHKÜP 31:21 - DAÜLANGPÜ LAIHING (BSI)

²¹ hatü mechem shanghah longi jom kü peihen hapa kesho-i jom khüei denpü vaihen, jomei hühihathüi hapa nebetükhen. Shaang mebü ngei jom kü lahpü kahdokei müei mangpei shekü-üng jomi mehe dükhen shei deihnya, ha ngei nyingnyüke.

SHAHKÜP 31:21 Referans Kwoze

HOSEA 5:3

Ngei Ephraim am nyingnyüpeih, hatü Israel am ngei tou kü nejoaokpih; Oh Ephraim, am mükbongjuyung philei lepdaiteke, Israel am sheihdaiteke.”

PHONGSHANTHÜ DOU 4:28

Nüngei ngan hatü nüngi yeihshi mebü ha vamhühen shei mongei tempü küpjan khüei lemphü dükhen jom thainyüke.

PHONGSHANTHÜ DOU 2:23

Kahvangei küpjan hatü yeihshi nyingei nyupükei hapa shennyak ammei lak kü lanei shuoh, hatü ammi nemeipüthülei lak homei büpa shophang kü apei jütük.

ISAIAH 46:10

Chongpangpülei-üng dohhen nang ngei etepih, mehe vamkahen ha aivang den mebü teteivanei etepih. “Ngelei küpjanthü peü jiükahen, hatü ngei mehe dükhen shei deih, ha peü dükhen” shei etepih.

MENVIH KESHO 139:2

Nüngi ngei uo ngei yaong nyingei nyüke; tailei-üng nüngi ngelei mongdeih nyingei nyüke.

KAHBHAO 8:21

Hapa vong meipü jakpü moila Shembüpa kü büjapü kü büpai büpalei mongei, “Sheyü shinnyih pheikü shennyak hük hashih mebü mongdang kü ten mon deihjao, shennyak tata kü ngei kahdok kü nethaüvaüpih; nevaijü ngei shelei mahtükpükei sheyü yemhimakthü nemahtükpih.

KAHBHAO 6:5

Kahdoknyülei nyupü hangkulei mang ahshi longshi khih, hatü düngei jomei mongei ten mon deihnyüke shei Shembüpai veiteke.

LEVI 26:41

mepai ngei jomei vepathülei kahdokei deishihhen mü ngei khüei thahpü mang lahjema, hatü mechem jomei nejaptükpü thentoimongdang ineinyaiyei leihenshang, hatü jomei mang kübü yeiyahenshang,

SHAHKÜP 4:30

Mechem am shangpong yakying kü nyuhen, hatü hathüi am kü dhaümhenshang, hahepak kü ammi Shembüpa, ammei Kahvang touei mong lepei leiyei büpalei shah banghen.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

SHAHKÜP 30:18

am hingmei mü mahhen shei shinnyih ngei am kü baongnyüpeih. Ammi Jordan yung homei yahhen nyupü kahdokei den luei nenyuhen.

SHAHKÜP 31:7

Hahepak kü Mosai Joshua kü nyükei Israel am peü nyushi eteke, “Nüng wongkoh monglongtuh; mehenangkü Shembüpai jom kü shuohhen shei jomei chebü chepa kü lahpü kahdokei nüngi nanglakthü müei daihen, hatü nüngi jom kü mükjüp vaishi haneishuoh.