SHAHKÜP 31:17 - DAÜLANGPÜ LAIHING (BSI)

¹⁷ Ha nyih ngei jom kü mongshihhen hatü jom yaktükhen; ngelei dhe jom toueipü jodaihen hatü jom mahtükhen. Shanghah longi jom kü peihen hatü hapa nyih ngei, jomei Kahvang, jom mü nenyupü nangkü hapa shanghah peipü khih shei nyinghen.

SHAHKÜP 31:17 Referans Kwoze

ISAIAH 8:17

Jakob am shem kübü dhe jolangpü Shembüpa kü ngei omdanhen hih; ngei büpa kü hinglemhen hih.

MENVIH KESHO 104:29

Mechem nüngei dhe jodaihen jom nyemnyeih; mechem nüngi jomei ngü yahlanghen, jom diyei kahdok leidainyeih.

2 SHÜPPÜKENGPÜ 15:2

Büpai Asa mü pongteinüng heih-ei, “Ngei epü banghümao, Asa, Judah hatü Benjamin am peü. Am Shembüpa mü nyupü thahshi büpayao am mü nyüke. Ammi büpa yemjema, ammi büpa danghen, shejao ammi büpa yaktükjema, büpaiyao am yaktükhen.

SHAHPHENBÜTHÜ 6:13

Gideoni jangei, “Shejao longpüba, Shembüpa ham mü nyujema, mehekei hami henüng ponghahpa? Hamei bühipai ham kü thamabenüng hajük eküpeyü melei daipa? Shembüpai ham Ijip leipü müei neleiangpü je? Shejao shaang Shembüpai ham yakphong, hatü Midian amei lak kü ham shuohtükteke” shei eteke.

BHEI-IE 14:42

Amphong te-aongtei; mehenangkü Shembüpa am mü nenyu. Ammi ammei vepathüi neühahshasha;

JEREMIAH 23:33

Mechem hathü nanglakthü nevaijü thibüi nevaijü ngongpa hüki, “Shembüpalei shahjang mehe khih?” shei phehüjü nüngi hathü kü, “Amphongü hanggovih khih, hatü ngei amphong yakphonghen” shei Shembüpai enyüke shei etuh.

ISAIAH 64:7

Nüngei men kü üpaiyao nenyük, nevaijü nüng kü neshong; Mehenangkü nüngei dhe ham toueipü jolang, hatü hamei mang tata kü ham yakphongteke.

MENVIH KESHO 30:7

Oh Shembüpa, nüng phahjipai, nüngi ngei kahshang keiha wong kohshi tuhpeih, Shejao mechem nüngei dhe jodaipa, ngei nyemei nyupeih.

1 SHÜPPÜKENGPÜ 28:9

Hapheikü büpai cheha Solomon kü, “Ngelei hapeü, ampalei Pa Kahvang nyingtuh, hatü mong kempai monglempai büpa chongphotuh; mehenangkü Shembüpai peüei mongdang yemnyeih, hatü büpai deihpü küpjan peü nyingnyeih. Nüngi büpa yemjema, nüngi büpa danghen, shejao nüngi büpa tuhphongjema büpai den kü nüng yakphonghen.

HOSEA 9:12

Jomi hapeüthü bühlangmao, ngei jom hashih shihphonghen. Mechem ngei jom yakphonghen, jomü onyükei shei ponghen.

EZEKIEL 39:29

Hajük kü ngelei dhe jom toueipü nejodaihen; mehenangkü ngelei laangha Israel phang kü khüpshuohhen shei Shembüpa Kahvangi enyüke.

JEREMIAH 23:39

Hanangkü hingmei ngei toueipü am hatü ambü ampa kü shuohpü chingnyü omei betükhen hatü yaktükhen.

ISAIAH 63:17

Hami nüng kü nenyemhen mü mehekei ham nüngei lem kübü lemnyongei mülangnya, hatü hamei mong vaanhünya? Nüngei chongphobüthülei men kü, nüngei mükjüp jatthü men kü ham lemei lepkütuh.

MENVIH KESHO 90:11

Nüng mongshihpü ngan üpai nyingnya? Nüng mongpuk vampai mehe koei peihen ha üpai nyingpa?

MENVIH KESHO 89:46

Meshük lushi, Oh Shembüpa, nüng nying hajük jodaihen? Nüngei mongshih aw kei meshük bahshi nyuhen?

MENVIH KESHO 27:9

Ngei toueipü nüngei dhe telepdai. Nüng mongshihpai nüngei chongphobü nyokei teleishih; Nüngü ngelei sheühbü nyuhampeih. Nüngi ngei teyaktük, nevaijü tetuhphong Oh Shembüpa, ngei Yemleipü.

MENVIH KESHO 2:12

Büpa mongshihpai nüng dailemei mahtükmang kü Chehalei la kü jüptuh; mehenangkü büpa mongshih lomi vamkahen. Büpa kü loipüthü peü moihiman.

JOB SHAHSHA APPÜ 34:11

Shennyaki mehe dük, ha kü büpai nyokei shuohnyeih, hatü laophülei doui shangpü kei büpai shuohnyeih.

JOB SHAHSHA APPÜ 13:24

Mehekei nüngei dhe ngei toueipü jodaitü ngei kü vepa kü kei deihnya?

NEHEMIAH 9:32

Hanangkü shaang, Oh hamei Kahvang, longpü wong kohpü hatü nyempühanpü Kahvang, nüngi bampü, vangpüshuwpü jiüshi düknyeih; ham kü, hamei ongthü, ngongpathü, thibüthü, bühipathü hatü nanglakthü kü Assyria am ongthülei hepak kübü shinnyih thahshi peipü shanghahthü kü nüngi shangkhah-i tedeih.

2 SHÜPPÜKENGPÜ 24:20

Hahepak kü Kahvang laanghai ngongpa Jehoiadalei cheha Zekhariah yep. Büpai nanglakthüi eehen mü shaoshi aongei yaongtü jomphong kü, “Shembüpai hapakei enyüke: ‘Am moihiman nedanghen mü mehekei Shembüpalei shahkungthü kü pungnya? Ammi Shembüpa yakphongpü nangkü büpaiyao am yaktükteke’ ” shei e.

SHAHKÜP 29:20

Hapa keipü shennyak khüei nyukahen. Hapa laitap kü nyangei nyupü thaüvaü kemei büpa kü hethen, hatü vangsho phang kübü büpalei men thittükhen.

SHAHKÜP 31:18

Hatü hingmei hapa nyih jomi lebü kahvangthü touei lepei mang thahpü nangkü ngei ngelei dhe jodaihen.”

SHAHPHENBÜTHÜ 10:6

Shao Israel ami Shembüpa touei mepa mang, ha dük, hatü Israel ami Baal hatü Astartes kahvangthü, Aram amei kahvangthü, Sidon amei kahvangthü, Moab amei kahvangthü, Ammon amei kahvangthü hatü Philistia amei kahvangthü kü khüm. Israel ami Shembüpa betüktü büpa chongnephopü nangkü,

1 ONGPATHÜ 8:57

Shembüpa jenei Kahvang, jenei bühipa mü nyupü keiha jen mao nyukahen; büpai jen netuhphongpih nevaijü neyakphongpih.

2 ONGPATHÜ 22:13

“Daituh, hatü ngei, nanglakthü hatü Judah am kempü shingvaishi hapa dangpü Lai kü mehe enya, hapa Shembüpa kü phekei. Jen khüei Shembüpai mongshihpü longpü nyüke; mehenangkü jenei bühipai jen kü nyangei nyupü keiha düktuh shei epü ha shah nebangi nyupü khih” shei e.

ISAIAH 2:6

Nüngi nüngei nanglak Jakob am phang tuhphongteke. Hih, jomü heongphi leipü thibüthüi maei nyüke, hatü Philistia am keiha lashüh dokpüthü maei, hatü kung shennyakei vanglemthü kü lakhüngei düknyüke.

JEREMIAH 36:7

Üpai nyingpa, Shembüpalei mongshih longpü hapa nanglak khüei shuohhen shei baongpü nangkü jomi Shembüpa touei mang lah-ei jom mang lem kübü mong lepei leikahen aokpeih” shei e.

JEREMIAH 40:2

Mechem veshan mübüi Jeremiah eepa, büpai büpa kü, “Shembüpa, ammei Kahvangi hapa shanghah-ü hapa shing kü shuohhen temtükpü khih,

HOSEA 10:4

Jomi yahlak neshiüpü shah enyüke, hatü shahshemi vangnyüke, hatü lahnyüke. Han hoktükpü kah kü leü nemeipü thüng vampükei, shahshemi shahhing jümlangteke.

MIKA 3:4

Hahepak kü jomi Shembüpa kü lenei wonghen, shejao büpai jom kü nejanghen. Hahepak kü büpalei dhe jom kübü jolanghen; mehenangkü jomi mang dükpü nangkü.

SHAHKÜP 7:21

Ammi jom kü tenyem; mehenangkü am mü nyupü Shembüpa, ammei Kahvangü longpü hatü nyembenüng Kahvang nyüke.

SHAHKÜP 30:18

am hingmei mü mahhen shei shinnyih ngei am kü baongnyüpeih. Ammi Jordan yung homei yahhen nyupü kahdokei den luei nenyuhen.

SHAHKÜP 30:19

Shinnyih ngei vangsho hatü kahdok kü am nangkü denpü vaihen nyüknyeih; ngei am touei yangnyuyem hatü dipü, moihiman hatü thaüvaü tuhphünyeih. Am hatü ammei hapeüthü yemmü nyuhen shingvaishi yangnyuyem jetuh,

2 SHÜPPÜKENGPÜ 21:10

Hapa nyih kübü Edom ami Judah khüei yaongpeih. Hahepak kü-üng Libnah amao khüei yaong; mehenangkü Jehorami chebü chepalei Shembüpa Kahvang yakphong.

MENVIH KESHO 44:10

Nüngi ham vepathü toueipü nyaihü, hatü hamei vepathüi hamei douthü shetlangkem.

ISAIAH 5:25

Hanangkü Shembüpa mongshihpü laophülei nanglak khüei nyüke; büpalei lak noei büpai jom kü üpnyüke; kahshangthü jennyüke, hatü mahngthüyü chingshong leipü nyüphinya keiha nyüke.

JEREMIAH 8:19

Bahiyang kempülei ngelei nanglakthü hapakei vaüpü eepü bangtuh: “Zionlei Shembüpa nenyupü je? Pinnyülei Ongpa neshiüpü je?” Shembüpa, jomei ongpai jangei, “Mehekei ammi lajei kü khümei, kung amei kahvangthü kü khümei ngei mongshihhüpa?” shei enyüke.

JEREMIAH 33:5

Hanei am Babylon am khüei hokhen peikahen, hatü ngei mongshihpai jüpü shennyakthülei mahmahngi hathü mahühen, mehenangkü jomi dükpü mang nangkü ngelei dhe hapa chingnyü leipü jodaipeih.