SHAHKÜP 31:14 - DAÜLANGPÜ LAIHING (BSI)

¹⁴ Shembüpai Mosa kü, “Sheyü nüng didaihen nyih ngoikünyüke. Joshua kü nyüktuh hatü ngei büpa kü kangpü dousho shuohhen Ashakshemei müei deikei” shei e. Hanangkü Mosa hi Joshua nyi Ashakshemei peiteke.

SHAHKÜP 31:14 Referans Kwoze

BHEI-IE 27:13

Nüngi hapa eepheikü nüngao anjei Aaron keiha dihen;

SHAHKÜP 31:23

Hahepak kü Shembüpai Nunei cheha Joshua kü, “Nüng wongkoh monglongtuh; mehenangkü ngei jom kü lahpü kahdokei nüngi Israel am müei daihen hatü ngei nüng mü nyukahen” shei e.

JUD SHAHSHA APPÜ 1:24

Shaang büpa, üpai nüng dohen kübü yangei tuh-aok, hatü büpalei müknyinshekhang mü mongongpü touei nüng kawhikang neshiüi yaonghüaok,

ROM SHAHSHA APPÜ 12:1

Hanangkü jeihinaü hatü nyahinaüthü, ammei büm Kahvang touei daülangpü hatü yah-aokbenüng yemmü tuhtü jakpü moila kei shuohtuh shei ngei Kahvang phahji homei am kü khümnyeih– hapayü ammi laangha kü khümpü dou nyüke.

ISAIAH 38:1

Hathü nyih kü Hezekiah tüngei dihen mü nyuteke. Amozlei cheha Isaiah thibü büpa touei peiyei, “Shembüpai hapakei enyüke: Bükhishem meishi jungtüktuh, mehenangkü nüng sheyü didaihen, hatü hapa dinshan kübü neyangpih” shei e.

CHONGVENBÜ 9:5

Mehenangkü yemmü nyupüthüi ham dihen shei nyingnyeih, shejao didaipüthüi meheyao nenyingnyih; Jom shing sheyü laklei neshiü, hatü jomphongü deih-ao nedeih-i betüknyeih.

JOB SHAHSHA APPÜ 2:1

Nyih hük vangsho phongshanthü Shembüpa mü pongteinüng pei, hatü Satanao jomphong mü Shembüpa touei pei.

JOB SHAHSHA APPÜ 1:6

Nyih hük vangsho phongshanthü Shembüpa mü pongteinüng pei, hatü Satanao jomphong mü omshi pei.

2 ONGPATHÜ 1:4

Hanangkü Shembüpai, ‘Nüng shaang lemshi nyupü lüng leipü nepao-i nüng dihen’ shei enyüke” shei e.

1 SAMUEL 10:19

Shejao shinnyih ammi am vongshühthü hatü shanghahthü peü kübü yangpü Kahvang yakphongtü, ‘Ham kü ong hük yahshih’ shei yiüteke. Hanangkü shaang amphong laophü laophü jat hatü mükhiphang aimü Shembüpa touei thaituh” shei e.

JOSHUA 24:1

Hapheikü Joshua-i Israel am kemei Shekhemei thaihü; büpai Israel am behethü, mübüthü, shahphenbüthü hatü lakchongbüthü kemei nyük, hatü jom peü Kahvang touei pei.

JOSHUA 23:14

“Sheyü ngei shaangü didaihen mon aoteke. Shembüpa, ammei Kahvangi am kü lahpü meipü hükao neshai-i dhaümteke shei ammei müki mongi eeteke; lahpü kemei dhaümteke, hükao neshaidaiang.

SHAHKÜP 34:5

Hanangkü Shembüpai epükei Shembüpa chongphobü Mosa Moab kahdokei didai.

SHAHKÜP 32:50

Anjei Aaron Hor Kahshangei dipükei nüngao nüng aongpü kahshangei dihen.

SHAHKÜP 31:2

“Ngei shaangü nyübüh vangbong kho hük mü kukha lomdaipü nangkü sheyü am müei nedaiaokhen khih. Shembüpai ngei kü, ‘Nüng Jordan yungyen homei neheih-aokpih’ shei ephopeih.

MÜLANGPÜ 34:2

Nüngi ha nepnüng dhom mü temtuh hatü Sinai Kahshang shangtaolei ha ngei kü shuohhen aongkei.

KAHBHAO 47:29

Mechem Israel dihen hepak ngoipa, büpai cheha Joseph kü nyüktü büpai, “Nüngi ngei kü phahjiei deihjema, nüngei lak ngelei shüngdok shangkü haütuh, hatü bampü huhen hatü shahhing kü dükhen shei lahshih. Nüngi ngelei mangh Ijiplei tevüphong.

MÜLANGPÜ 33:9

Mechem Mosa ashakshem mongei shüdaihenshang phum shemnyü yiüei ashakshem shadenei yaonghamteke, hatü Shembüpai Mosa mü etei.

BHEI-IE 27:12

Shembüpai Mosa kü, “Abarim Kahshang shoungei aongtuh hatü ngei Israel am kü shuohpü kahdok kü chiei veituh.

SHAHKÜP 4:22

Ngeiyü hapa kahdokei didaihen; shejao amphongi yungdang homei hapa kahdok yahhen yopailei nyüke.

SHAHKÜP 31:13

Ammei hühihathü üami hapa shahkungthü nedan, ha danhütuh, hatü jomi Jordan homei heih-ei yahhen kahdokei nyupü thahshi Shembüpa, ammei Kahvang kü nyemhen nyinghühen vongbong” shei jomphong kü eteke.

1 SAMUEL 26:10

Davidi, “Vanyangyem Shembüpai jütükhen, nevaijü büpalei hantet ngoiyei dihen nevaijü vehok kü daiyei mahdaihen.

1 ONGPATHÜ 2:1

Mechem sheyü David dihen nyih yoei peipa, büpai cheha Solomon kü shahshom e.

MÜLANGPÜ 33:11

Küphü hüki hük mü eteipükei Shembüpai Mosa mü dhe dhe gongei etei. Hapheikü büpa baümtapei leihamteke; shejao büpa mü sheühteipü nethepa, Nunei cheha Joshua ashakshem leipü mechemao nelüdai.

BHEI-IE 27:18

Hanangkü Shembüpai Mosa kü, “Nunei cheha Joshua, üpa kü laangha nyu, büpa deiyei büpa kü nüngei laki shüngtuh.

2 ONGPATHÜ 20:1

Hathü nyih kü Hezekiah ongpa tüngei didaihen mü nyuteke. Amozlei cheha Isaiah thibü büpa touei peiyei büpa kü, “Shembüpai hapakei enyüke: Nüngei shem meishi jungtüktuh; mehenangkü nüng didaihen; hapa dinshan kübü nüng neyangaokpih” shei e.