SHAHKÜP 3:18 - DAÜLANGPÜ LAIHING (BSI)

¹⁸ Hahepak kü ngei amphong kü hapakei epeih, “Shembüpa, ammei Kahvangi amphong kü hapa kahdok shuohteke. Shejao hokaokhen shennyakthü kemei hokhen shingvaishi Jordan yung homei ammei jeihinaüthü Israel am shekü daituh.

SHAHKÜP 3:18 Referans Kwoze

KAHBHAO 15:7

Hapheikü büpai büpa kü, “Ngeiyü nüng kü hapa kahdok shuohhen shingvaishi Babylonia kahmük Ur leipü nüng müei daipü Shembüpa” shei e.

BHEI-IE 33:53

Kahdok kaamei yahtuh hatü halei nyutuh; mehenangkü hapa kahdokü ngei am kü shuohpeih.

SHAHKÜP 5:31

Shejao ngei jomphong kü shuohhen kahdokei jomi dükhen shahkungnyüthü nüngi jom kü nyuhhen shingvaishi ngei nüng kü yahphahen danei chongkei.

SHAHKÜP 6:1

Hathüyü am Jordan yung homei daiyei ammi mükjüp yahhen kahdokei dükhen shingvaishi Shembüpa, ammei Kahvangi ngei kü nyuhtuh shei ephopü shahkungnyüthü nyüke.

SHAHKÜP 9:6

Shembüpa, ammei Kahvangi hapa kahcheü kohpü kahdokü am changpüshapü nangkü shuohpü nevai shei nyingtuh; mehenangkü amphongü mong vaanpü nanglakthü khih.

SHAHKÜP 12:1

Hapayü Shembüpa, ammei bühipa amei Kahvangi am kü shuohpü kahdokei nyupü thahshi ammi kenhingei dükhen shahkungnyüthü nyüke.

SHAHKÜP 15:4

Hapakei vaijao am hükao taoeinangei nenyupih; mehenangkü Shembüpa, ammei Kahvangi am kü mükjüp shuohpü kahdokei büpai changshi moihimanphahen.

SHAHKÜP 19:2

Shembüpa, ammei Kahvangi am kü shuohpü kahdok kü am shingvaishi jiam kübü chingnyü jem hayaoha hanei tuhtuh.

SHAHKÜP 19:7

Hanangkü ngei am kü chingnyü jem hayaoha tuhhen epeih.

SHAHKÜP 19:14

Shembüpa, ammei Kahvangi am kü shuohpü kahdokei am she kübü ami sheitükpü chingyowpalei viong shungshep yaong bhiyei techaitük.

SHAHKÜP 21:1

Shembüpa, ammei Kahvangi am kü mükjüp vaishi shuohpü kahdok kü shennyak hük jüpü mahng dangjema hatü üpai jüpa nenyingjema,

SHAHKÜP 25:19

Mechem Shembüpa, ammei Kahvangi am kü mükjüp shuohpü kahdok kü shonei nyupü vepathü kübü yangei nyuhen, vangsho phangkü üpaiyao deih-ei nedanghen shingvaishi ammi Amalek am jütüktuh. Ammi hapa tebetük.

JOSHUA 1:11

Ammei baümtap shinei daituh hatü nanglakthü kü, “Hahying temtuh; mehenangkü nyih jem mongkü Shembüpa, ammei Kahvangi am kü shuohpü kahdok yahhen shingvaishi Jordan homei daihen” shei eteke.

MENVIH KESHO 136:21

hatü jomei kahdok mükjüp vaishi shuohtükpeih, büpa bampü den kü nyunyeih;